يــوم أصــبــحــت " مــنــحــرفــاً " ...!! - صفحة رقم 5 - نادي الهلال السعودي - شبكة الزعيم

الـمـشـاغـب · #1 12/05/2008, 12:00 AM

يووووووووووه يا كثركم

تصدقون أني ساحب على رسالتين خاصة عشانكم؟

قلت ما بأرد عليها إلا لما أرد على الحبايب

جايكم يا زعماء جايكم .. نمور الاتي بتاكلكم << بأحطها بتوبيك المسن بعد ما أفتحه

مع تحيات : المشاغب الأصلي

<< جايكم أعلق على هالنقطة وأكشف الحقيقة إن شاء الله

حتى ظلالي هلالي · #2 12/05/2008, 01:42 AM

إقتباس

الرسالة الأصلية كتبت بواسطة الـمـشـاغـب


	جايكم يا زعماء جايكم .. نمور الاتي بتاكلكم << بأحطها بتوبيك المسن بعد ما أفتحه مع تحيات : المشاغب الأصلي << جايكم أعلق على هالنقطة وأكشف الحقيقة إن شاء الله

أنت اذا وقفت فهو على ايدي

صحيح اني ماعصبت على المباراة لانها خالصه من الذهاب

ومستعدهـ نفسيا للخسارهـ

لكن تجي وتتمصخر لا

أدري انكـ تستهبل مو جاد

بس بلاشي الحركات ذي قدامي

وإلا ترى ماتصبح بكرى إلا الايقاف تحت يوزركـ

<< تتميلح اقالهـ عندهـ فيتامين " و "

خخخخخخخخخخخخخخخخخخ
حط ايدكـ نتأكد هي مكتوب عليها (أصلي - احذروا التقليد) وإلا لا

<< كني اشوفهـ ودهـ يكفخن على مروراتي الكثيرات

بس ياخي أنا حرهـ تقدر تقول شيء

بعدين تعال

من سمحكـ لكـ تسرق توقيع صقيقتي (فيس حاط ايدهـ على خصرهـ وينافخ)
بما انكـ توكـ جاي ماتدري ان (كل الــ ح ــياة) ضيفه جديدهـ وهي صقيقتي

وأكوس صقيقهـ بالدنيا

بعدين اتركـ الهوشهـ على جنب
وقل لي وش عليكـ من ثالث ثانوي أنت

<< هذهـ الشخصهـ ماتدري وش السالفهـ

باللهي فسر لي اياها ..؟!

رجعت وعدلت عشان ما أحط رد جديد

الـمـشـاغـب · #3 12/05/2008, 01:37 AM

[COLOR="DimGray"]

إقتباس

الرسالة الأصلية كتبت بواسطة ملكة الورد*1*


	عدت والعود احمد حياك الله وبياك في مجلسك بس بصراحة تكلمت عن موضوع مهم شكرا ايها المشاغب على الموضوع الرائع بس حبيت اقول صح ان الاماكن الترفيهية للشباب بالذات في الرياض معدومه لكن المحاضرات والندوات التي تقام يجب ان تكون بديل لوقت الفراغ ولاشك في صحه ماقلت في ان القرب من الله هو سبب السعادة الحقيقة (ومن اعرض عن ذكري فإن له معيشة ضنكا ) تحياتي لك وتقبل مروري

أهلين وسهلين ملكة الورد وردهورده
الله يحييك ويبقيك ورده
بالنسبة لرأيك اسمحي لي أخالفك عليه .. لأن المحاضرات والندوات ما هي بديل مناسب للأماكن الترفيهية .. صحيح
أن لها فوائد كثيرة ولكن أماكن الترفيه والترويح عن النفس مطلوبة .. الرسول صلى الله عليه وسلم قال : "ساعة وساعة "
يعني ساعة لربك وساعة لقلبك ..

كل الشكر لك على تواصلك الجميل أختي ملكة الورد ورده
تقبلي تحياتي ..

------------------

عـز الهلال

إقتباس


	يـا هـلا ومسهـلا بـ [ سلطـان ] " " كيف الحال .. إن شاء الله بخير

هلا ومية هلا عزو اللي محد قدو

<< ما راح أنساها

أنا بخير جعل قلبك بخير

أنت بشرني عن أحوالك؟ من زمان عنك يا قدع

إقتباس


	مـا فيه الا حلين يـا شلـه [ الدشره ] ولا شله " الإنحراف " مـع إني أفضل الثانيه .. تقبل مروووووووري سلاميشو ... [/CENTER

تفضل الثانية؟ هههههههههههههههههـ

الظاهر أن للانحراف مستقبل عظيم عندنا بالمجلس

نحتاج على كذا شركة راعية ترعى مواهب الانحراف عندنا عشان ما يسبقنا عليها الدشير بقيادة هلالي الظهران

المهم أخوي ريان ورده
أشكرك يالغالي على مرورك الجميل كجمال اختراقاتك في مباراتنا مع العالمية

لك ودي ورده

-------------------

الهنوووف

إقتباس


	عودا حميدا ايهااا البطل بموضوعي تقول لي عودا حميدا وهنا اقولك عودا حميدا تلخبطت من الغايب الحين انا او انت >>>لحسه مخ على هالعصريه

هلا وغلا مودموزيل الهنوووف وردهورده
يا غايب ليه ما تسأل ع أحبابك اللي يحبونك وما تنام الليل لعيونك << اهداء لكل غايب عن المجلس

والله يا الهنوووف أني مبتلش الحين بردك

كله رموز حتى الحروف ناشبة بين الرموز .. وشلون أقراها؟

وعشان أثبت لك .. شوفي هالأسطر القليلة اللي نسختها

@@@@@@
والله البلشة .. الحين وشلون أقدر أرد؟

مالي إلا أرجع لردك وأنسخ من هناك وأرد

الله يسامحه اللي استاثم فيني وعلمك هالتنسيق

ملاحظة : ( اللي كان مكان هالرموز @@@ .. كنت مقتبس رموزك .. وخربت رموزك كل الرد وبالموت قدرت أحرر الرد وأحذف طلاسمك أنتي ووجهك

)

إقتباس


	اممممممممممممم صحيح الفراغ سبب للدشره والاجرام ولكن العاقل بيظل عاقل لانلوووم الفراغ اجل بالاجازه الصيفيه كلنا بندج ومحد بيلومنا ترى البنات اعظم من الشباب بحاله الطفش انتو تقدرووا تروحون وتجوون حنا لااا لازم موافقه ومدري ايش تخليك تكره الطلعه وتهون الاستعداد للطلعه اكثر من الوقت الي نجلس فيه بالطلعه نفسها فلذلك نكسل احسن وبخصوص اماكن الترفيه خلاص مابقى بالعمر شي راحت اعمارنا واعماركم وحنا نبي اماكن ترفيهيه خلاص لاتطالبون بشي بنتعب وتتعبون

قلنا سبب ما قلنا عذر

عشان نحل أي مشكلة لازم نعرف أسبابها أول شي .. وأكيد الفراغ من أول الأسباب ..
الفراغ مثله مثل الرفقة الفاسدة ما نقدر نقول أن العاقل بيظل عاقل حتى لو اللي حوله فاسدين لأننا نحكم بالغالب ومو معنا أن المشاغب ما ضرته الرفقة الفاسدة اللي حوله وبقى عاقل أننا نتخذ هذا دليل على بطلان السبب .. لأن الشاذ لا حكم له <<< الشر برا وبعيد

إقتباس


	للاسف الكثيررر بعد تجربه عاطفيه فاشله تلاقيه يعيش فراغ عاطفي او حاله يأس ويدوور اي تجربه حب يلهي عمرها فيها يعني كانك يازيد ماغزيت محد يتعلم من تجاربه للاسف الكثيير يكررونها حتى ينسوا الي قبلها وهكذاا ومثل ماتفضلت تبدا رحله السيء الى الاسؤا الواحد لازم يتعلم من اخطاءه ويستفيد منها ويعرف ان هالشي خيره له الحب مو خبط ولزق متى ماحسينا اننا بحاجته بحثنا عنه

كلامك هذا ما أقدر أقول لك فيه غير صح لسانك

.. وأحتفظ برأيي لنفسي

إقتباس


	مشكله بهالوقت وخصوصا من ناحيه الشباب الواحد مو قادر يعيش وحداني على قولتهم وتلاقيه بدل مايتزوج يكرر هالتجارب الفاشله وعذره انه يعيش فراغ ومن هالكلام طيب اصبرر وجاهد نفسك لما تتزوج مشكله التجارب العاطفيه خصوصا لمعشر الشباب انه بعدها مايقدر ياقلم نفسه ويعيش بدونها صحيح الواحد يحتاج للحب ولكن الحب ياناس يجي لك مو تركض وراه

كلامك تكملة لكلامك الجميل اللي قبله

وبرضه ما راح أعلق ..
أنا فصلت كلامك لاقتباسين لأن كلامك أعجبني بغض النظر إذا كنت راح أعمل به أو لا .. يعطيك العافية يا بطلة

إقتباس


	وشعنده مشاغبووه صاير كلامه زين السعاده بالتقرب لله والبعد عن المعاصي ولكن وين الي يسمع حنا الحين هالمعاصي ذبحتنا فتلاقي غالبيه جيلنا طفشانين حزينين وماغير على لسانه (ياربيه احس اني وحيد والا محد يحبني هههه او ودي اموت تعبت من هالحياه والا مو لاقي من يفهمني ..محتاج لوحده تسمعني ) وغيرها من عبارااات صممت خصيصا لجيل النيدو والله معاصينا هي سبب تدهورنا الله يغفر لنا بس

والله لازم نتكلم زين هاليومين .. تخبرين الهيئة هاليومين ما تلعب أخاف يجيني أحد ويصدمني

<< ما يبي يستفز مهند وهلالي الشماسية

أما عاد جيل النيدو؟

ترانا حنا جيل النيدو .. دايم يقولونها لنا الشيبان

يعني لا تغلطين على جيلك وحاولي تردين مرة ثانية ترقعين

إقتباس


	هو باقي امن ببلدنا الله المستعان اول لو اروح للشرقيه رجليا ماخفت الحين لو اوقف دقيقه قدام بيتنا انجنيت من الخوف احس اني بنخطف حتى ممتلكاتي الخاصه >>>ياشين المبالغه ماصرت ودي اطلعها من البيت واذا سافرت لازم اشيلها معاي اخاف تنسرق

هو للأمانة فيه أمن .. لكن فيه تسيب بعد ظاهرة الإرهاب للأسف ..
المشكلة لما يحصل شي ولا شي يجيك لواء ولا عقيد ويقعد يكذب عيني عينك ويقول الأمن بخير .. والدلخ ساكن في أرقى الأحياء ولا عمره مر على حي الفيصلية أو الشميسي وغيرها من الأحياء المعروفة بالفقر والجرايم ..!!

إقتباس


	لون الفاصل عجبني ماشاء الله وين تجيبون هالفيسااات يانكم رايقين بعد

أنا ملك الفواصل المبتكرة

الفيسات والله جبتها من منتدى هلالي شقيق لقيت برنامج عن الفيسات وحملته وهو اللي شجعني أكثر أنزل الموضوع

بس بعدين حذفته رفع ضغطي كل شوي ألقاه طالع بوجهي

إقتباس


	المتميز :المشاغب قصه مشوقه تحمل بين طياتها قضايا تفيد الشارع الرياضي >>>>>ياشين الي يقلد ابوريمان فوائد متميزه نسجتها باسلوب فكاهي مبدع ومو غريب على مشاغبنا دمت مشاغب للقلم

شكراً لك يا فراشتنا على تواصلك وردك الجميل اللي حمل آراء أعجبتني وخلتني أفكر وأحاول أعيد حساباتي من جديد

من كل قلبي أقول لك شكراً لك والله يعطيك العافية ورده ورده

---------------------

إقتباس

الرسالة الأصلية كتبت بواسطة متآبعه بصمت


	.. .. .. .. .. .. .. .. مشاغب إذا قدرت تنســى علمنــــــــي !

هلا متابعة بصمت ورده
إن شاء الله متى نسيت بأرد لك خبر .. يمكن اليوم أو بكرة إن شاء الله

المهم إن كاني فهمت مغزى سؤالك .. فأتمنى توجهين السؤال للهنوووف يمكن تفيدك أكثر مني .. لأني بصراحة لو أجاوبك والله لأستاثم فيك وأنصحك بالانحراف

عشان كذا أتوقع غيري يقدر يجاوبك أفضل

شكراً لسؤالك ومرورك ورده

---------------------

إقتباس

الرسالة الأصلية كتبت بواسطة بني حارث


	مساء الخير الصراحة موضوع مفيد جدا وخفيف لا تحرمنا من جديدك والفلة دمت بود أختك: بني حارث

أهلين وسهلين الحارثية وردهورده
مساء النور والرضا والسرور ورده
متشكر أوي لمرورك .. لا خلا ولا عدم ورده

--------------------

إقتباس

الرسالة الأصلية كتبت بواسطة الفارس-5


	هلا ابو شغب والله السالفة مروعة لاكن العبقري منهو والفاهي منهو هل هو كان هنا ملققووووووووووووف الموهم <من البنقالي <الموقوف< اقول تب الى الله ايها الداششر من يوم طبيت المجلس وانا داري انك داشر لا لا امزح لي باك بعدين

هلا وغلا الفارس الخامس

والله يا بعدي أخبرهم يقولون روعة مو سالفة مروعة .. والله لو هو حادث ياخوي

المهم ترى ما أسمح لك تغلط على كان هنا

قال فاهي قال

كان هنا مصمم مبدع وماله بالفهاوة أبد << ايه أبي منه تصميم .. مصلحجي أنا وش عندكم؟

وبعد ما أرضى تلمح على الموقوف وليد القحطاني

حاس أنك راد عشان تذب عليهم أنت وخشتك

ما علينا ..
حياك الله بالموضوع .. وميرسيه أوي ع هالمرور ورده

-------------

إقتباس

الرسالة الأصلية كتبت بواسطة aldb-aldashr


	من كل اللي قريته هذا اللي اعجبني <<< استهبل <<< مسوي تمون جات سيارة ثانية عليها 3 من الشباب الكووول اللي ما أدانيهم .. وقفناهم وأخذنا كل اللي معهم حتى واحد كان منهم لابس بنطلون " طيحني " خليناه يفسخه وأخذناه منه .. كذا أحلى إما يلبسه كله أو يفسخه كله .. صح؟ اما انت في هذي صادق واتمنى انك تقبل مروري المتواضع

هلا بك يالمنافس .. هلا بالدب الداشر

ورده
بالله غير يوزرك ما يليق عليك يالدب يالداشر يالصايع

<<< يعجبني بنفسي أسدح الميانة على طول

على العموم .. الله يعطيك العافية ومرورك لا تاكل هم .. تقبلناه بكل تواضعه ورده

-------------------

إقتباس

الرسالة الأصلية كتبت بواسطة الحلا مبتليها


	هلا ابو شغب ..من طول الغيبات جاب الغنايم.. على اني مالي خبره فيك لكن الكل يثني عليك.. موضوعك في غايه الروعه..والترابط .. والانسياق .. لازم الواحد في ردوده يصير رسمي <<من سالك؟ ماادري خخخخخخخخ

الحلا مبتليها ولكموووو ورده
أنا ما قلت لك قبل أن يوزرك يخقق؟

أهنيك عليه

عاد تدرين الحين وش بينقال عنك؟ بينقال عنك أنك ولد .. تدرين ليه؟ لأنك مدحتيني

أعوذ بالله يا هي تذبح بعضهم الغيرة يرتفع ضغطهم لا جات بنت مدحتني

عموماً أنا شاكر لك إطرائك لي .. وياليت بكل وقت تجين وتمدحيني بقوووة .. وعادي لو تقولين أنك معجبة بأسلوبي والله ما أزعل

<< فيه أحد يكره المدح؟

تقبلي تحياتي ولا عدمنا ثناءك ومديحك

-------------------

إقتباس

الرسالة الأصلية كتبت بواسطة سهم الشباك


	حضووووووري لمباراة الهلال عام 1413 هــ كنت يومها بالصف الأول متوسط وقتها انطردت من البيت وكان وقتها اختبار نهائي

قبل يومين رحت أفطر بمطعم يضبط الفطور .. رحت عنده وأكلت حتى شبعت ثم رجعت

-----------------

إقتباس

الرسالة الأصلية كتبت بواسطة **نــواره**


	ههههههه..الله يرج عدووينك ..شف أنا قرريت بدايتها بس أحسها فله..عمومن أنا نسختها عندي بعدين بقراها بوكره عندي إختبار يالله طس<<إنتي اللي جايه.. يالله أخووي مشكوورين وتقبل قطتي في صفحتك.. اللهم إنصر الإسلام والمسلمين ثم الهلال فوق كل أرض وتحت كل سماء,,

هلا نواره مرحبتين ورده <<< تذكرت يوزر نـــوارة اللي جاتنا ثم سحبت نفسها لما شافت البعض يسب دبي مدينتها

نرجع لردك .. إن شاء الله أن ربي وفقك في اختبارك وقريتي باقي الموضوع أو على الأقل ما يستفاد

المهم حياك ربي والصفحة صفحتك متى ما بغيتي تقطين حياك .. ولو تبين تقطين بعد فلوس ما نقول لا

تقبلي تحياتي ورده

-----------------

إقتباس

الرسالة الأصلية كتبت بواسطة مطيع الهميمي


	المشاغب ودي اقول لك شغلتين الاولى الحمد لله على السلامة ونورت المنتدى الرابعة تراني قريت الموضوع

هلا والله مطيع

الله يسلمك يالغالي .. ومنور بوجودك ووجود الأخوان ورده
تشرفت بردك أخوي مطيع .. وسعيد جداً بوجودك ..
لا عدمنا طلتك ووجودك بيننا في المجلس ورده

-------------------

إقتباس

الرسالة الأصلية كتبت بواسطة abo_nasser


	هلا وغلا بالمنحرف.. والله لك وحشة ... لعنبو مجلس ما فيه سلطان ..<<<<<<<<<بدا الهياط لاهنت اذا شفت مواصل اسحبها من اذنه على المجلس...وحشتني ردوده.. المهم ..موضوع طوووووويل ولا قريت منه الا البدايه وبكرى عندي اختبار ..فقررت ان اوفر القراءه لكتابي .. لي عوده غدا.. بعد اذنك يا خـ ر و ف.. سلاااااااااااااااااااااااااااااااااااااااام

ارحب يا مشبب .. صب القهوة يا صبي لعمك مشبب

<< كل ما سمعت اسم مشبب أتخيلك تمثل مع مازن الناطور في مسلسل بدوي

والله أنت بعد لك وحشة أنت وقدورك

والله يا بعدهم مواصل له فقدة .. ودايم يرفع ضغطي أحسه مثلي يمووت في شي اسمه سحبات

مشكلتنا فاهمين الثقل غلط

المهم ان شاء الله انك حليت زين وما جبت العيد مثل ما قالت الهنوووف في معلقتها الثامنة

تيت يا امباااااااااااااااع

خذ معك في طريقك تحيتين من تحياتي ورده ورده

------------------------

إقتباس

الرسالة الأصلية كتبت بواسطة المغامرة


	أهليييييييييييييييييييين سلطان نور المنتدى بس حبيت أرحب فيك وأأكد على دا الكلام بس - الخروج بعد تجربة عاطفية يجب أن تكون بفوائد والاستفادة من الأخطاء لا أن تكون النتيجة عكسية ومن سيء إلى أسوأ ..

هلا وغلا المغامرة وردهورده
منور بوجودكم المنتدى بأعضاءه ومشرفيه

مشكورة أختي على مرورك وترحيبك .. لا عدمناك ورده

----------------------------

إقتباس

الرسالة الأصلية كتبت بواسطة دانكن دونات


	لي عودة سلطان ,, جميل ما كتبت ....................................

هلا مرحبا دانكن دونات

<<< القلب للدانكن دونات الصدقي موب أنت

بانتظار عودتك .. وان ما عدت وربي أنك مسمووح من كل قلبي

<<< شايل هم الردود صدق

----------------------------

الحمد لله خلصت ردود الصفحة الثانية

جايكم جايكم يا تماسيح الصفحة الأخيرة

فنون هلاليه بجنون · #4 12/05/2008, 03:02 AM

عدنا لكن للأسف مالحقت على التعديل

توني داخله اليوم

وأنا عند وعدي

تبغى أكمل معاناتي في ردي الثاني

ما عنديش مانع

طيب بقلب الموجه

عن معاناه فرقى ابو سلطان

وتيفا

<< بسرعه برا

إقتباس


	الفراغ عند الشباب هو السبب الرئيسي للدشرة أو الإجرام .. فياليت تتوفر أماكن ترفيهية للشباب .

بصراحه ملينا من هالجمله

إذ قالو لهم ليه أدشرتو

قالو الفراغ الفراغ

بالعكس من وجهه نظري في أماكن ترفيه للشباب

والشاب الذكي هو إلي يستغل أوقات فراغه ويملىء يومه وبالأخص بالأجازات عشان مايلجأ للدشره

مثلا الألتحاااااااق بالمعاهد ومراكز رياضيه و...

إقتباس


	الخروج بعد تجربة عاطفية يجب أن تكون بفوائد والاستفادة من الأخطاء لا أن تكون النتيجة عكسية ومن سيء إلى أسوأ ..

الحمدلله ماقد جربت والله يحفظ قلوبنا

إلى أن نسلمها لمن يستأهله

ويصونه

إقتباس


	البعد عن الدين هو سباب فقدان السعادة .. ومن غير القرب من الله لن يسعد الإنسان حتى لو توفرت لديه جميع ملهايات الدنيا ..!

الله يسعدك

درررررررر

وجوااااااااااااهر

وألماااااااااااس

وحساااااااس ياجرح الكرامه حساااااااس << شطحت

أنا " دائما وأبدا " << وش عندها سلطان بن فهد

" أقول هالجمله "
سعاده الق

لب بالقرب من الله بالطاعاااااات والواحد يشوفه على نفسه

إذ بعد عن الله أمورك تعسرت

ودروبك تقفلت

وكآبه وضيقه نفسيتك

الله يملى قلوبنا بالأيمان وطاعه الرحمان

وعلى طاري السعاده واحد من الحلوين الي عندي يقولي فنون ادعلي ما ابغى إلا عشره ملايين

دائما يقولي تحبني

أدعيلي هالدعوه

وهو بخير ونعمه

صدق إذ قالو " بنى آدام ما يملى عينه إلا التراب "

عاد أقوله ودائما هذا ردي

خيو السعاده سعاده القلب

مو الملايين

عاد يرتفع المؤشر عنده

ينقهر مني

سلطان أحس أني طولت في ردي بالله

ما أدري وش أحس به

من الآن أقولك

لاترد علي

سامحتلك

رحمتك من كثره هالردود

ما أقول إلا الله يعطيك العافيه على هيك موضوع

انتلجنت عرفت كيف تجذب الشباب

تحيااااااااااااااتي
فنوووون

Olaroiu · #5 12/05/2008, 07:26 AM

welcome back المشاغب

موضوعك رائع كـ عادتك

ويليت تطبق البصمة في الجوازت و نفتك من البنغالية

...
بإنتظار جديدك

الزعيييييييييييييييم · #6 12/05/2008, 09:52 PM

وعلي انا ان ارد عليك ..

يالمشاغب ..

ابو شغب ..
ما اجملك ..
وم اجمل مواضيعك يالسحبة

وما اجمل فاوئدك ..

اشغب واحد في المنتدى

..<<<< اي احسن هذي

والا هذي

وش اللي ينفع اكثر ؟؟

العقيد أبو شهاب · #7 13/05/2008, 08:26 AM

موضوع جميل

والفصة مثيرة وجذابة جدا

وفيها من الواقع كثييييييييييييييييييييييييييييييييير

الله يهدي الجميع

تسلم

الله يعطيك العافية

شـــذى · #8 14/05/2008, 08:06 PM

إقتباس


	1- الفراغ عند الشباب هو السبب الرئيسي للدشرة أو الإجرام .. فياليت تتوفر أماكن ترفيهية للشباب .

وليتهم يضفونهم في وظايف الفقر والبطالة سبب كل الكوارث

إقتباس


	4- أتمنى أن يحرص الأمن على أرواح وممتلكات المواطنين كحرصهم على الحفاظ على الحكم وتراب أرض الوطن من الإرهابيين ..!

طبعاً كم مرة أجي وأروح على المجلس بس موضوعك كنت مؤجلة قراءته

لأن مواضيعك تبارك الرحمن يبي لها تفرغ واستعداد نفسي

جد والله أنواع الوناسة بس هذا الموضوع غييييييييييييييييير

ماشاء الله عليك جمعت كل المصايب اللي قاعدة تصير في موضوع واحد

واسطة ,, بطالة ,, انحراف ,, فوضى ,, فساد إداري

والله يرحم حال المواطن

وعلى قول عيضة السفياني شكراً يابلد

************

غير كذا رحمتك وأنت منذُ مبطي قاعد تطر المصممين توقيع

فقلت يابنت سوي له واكسبي الأجر من رب العالمين

وغير كذا تشوفين قدراتك في تصميم التواقيع

بدل مانتي مقتصرة على الفواصل والخنبقة حقت المواضيع

عاد هذا اللي طلع معي واحمد ربك

جاحدة الجدول اللي حطيته للمذاكرة وقاعدة أصمم لك << كأنها حاسة بلعانته

يعطيك ألف عافية ع الموضوع اللي في الصميم

دمت بكل الخير .

ورده

متآبعه بصمت · #9 15/05/2008, 05:36 AM

إقتباس

الرسالة الأصلية كتبت بواسطة شـــذى

ماشاء الله تبارك الله ..

مررررررره روووووووووووووووووووووووعه

تسلم يدينها الحلووووة

على انه مايستاهل بس يالله

لا بجد بجد ياسلطان

ماتستاهل أبد

سلاااااااااااااااااااااااااااااااااااااااااااااااااااااام

Hictar · #10 15/05/2008, 12:35 PM

سلطان التوقيع جاء بوقته

ويحكي المعاناه

شذى وش رايتس تسوين لي مثل التواقيع هذي

الفهد · #11 15/05/2008, 06:07 AM

إقتباس


	5- على المستشفيات الحرص على أبنائنا وأن يراعوا الله في المسلمين .. فمن أخطاء طبية إلى الاهمال في الحفاظ على المواليد .. والأسوأ من ذلك هو محاولة حل المشكلة بأي حل وإن كان خاطئاً كما ذكرنا في القصة حين تم وضع أحد التوائم بدلاً عن الطفل المفقود ..!!

اهلين مشاغب

والله انا اشوف ان هالوضعيه ممكن تكون حلوة بعض الاحيان

لأن الورع راضع من الحرمه راضع فأذا ماهو ولدها بيكون ولدها من الرضاعه

يمكن حرمه شينه تطلع لها بنيه مزيونه خلها تستانس ياخي

بس طريقتك في كتابة الموضوع تخقق

تشكراتي ياكابتن ورده ورده

سامي قول · #12 15/05/2008, 06:49 AM

اول مره اشارك معكم ....
بس ابداع ماشاء الله عليك...
بس انتم من جد انواع الضياع والدشره...
موضوع مجنون من جد يعني لمسة قضايا المجتمع في قالب كوميدي...
يعطيك العافيه على الموضوع الجميل...

الـمـشـاغـب · #13 16/05/2008, 01:14 AM

^
^
لا يالغالي أنا ما أعاني والله

دنياك يا زين ما تستاهل المعاناة

يا قدمك تراك مغبر أنت وهالمعاناة خخخخخخخخخ

والله من جد من زمان عنك يالشين

----

شذى

.. أنا قيل لي أنك سويتي تصميم جديد لي

قالوا حلو .. لكن وربي ما توقعت يكون بهالحلاوة

لي يومين أحاول أدخل المنتدى وعيا يفتح معي

عموماً راجع للردود إن شاء الله قريباً .. شكراً لكل من رد .. وشكراً شذى ورده

<< ترى ذا أول دخول لي للمنتدى بهالموضوع وجوالي مقفل .. فياليت أحد يعلمني إذا أنا طلعت من المسابقة ولا لا؟

مسابقة فاشلة ما علمونا بموعد المسابقة ..
فرصة ضايعة .. أنا أكرهك