يا هلالنا راشد الرهيب بينتهي عقده مع الاتفاق - نادي الهلال السعودي - شبكة الزعيم

az_za3em · #1 05/05/2008, 07:14 PM

السلام عليكم ورحمة الله وبركاته

اتمنى من كل قلبي ان تحاول ادارة نادي الهلال واعضاء شرفها الاوفياء في ان يبدأو بمخاطبة لاعب نادي الاتفاق الظهير الايمن المتميز راشد الرهيب وضمه الى نجوم نادي الهلال وهو بالتاكيد سيغطي مشكلة الدوخي باذن الله مع العلم بان عقده سوف ينتهي في هذا الموسم ،
ومع احترامي للجميع فان الاظهره في خانة اليمين ليسو في مستوى نادي الهلال فالعنقري مع احترامي له فهو غير واثق من نفسه ولا يعرف يستلم الكرة بالطريقة الصحيحة فهو دائما مهزوز وميزته الوحيدة هو الانضباط التكتيكي فقط واما نامي فهو لاعب متميز ولكن يجب ان ياخذ وقت اكبر من ذلك لانه لا يجيد الدفاع وخير دليل ما فعله مالك معاذ في مباراة الاهلي!
ويا ليت هلالنا يحاولو مرة اخرى في جلب اللاعب المتالق جدا الكويتي بدر المطوع وسيشكل اخطر ثنائي مع ياسر القحطاني وانا قرات من الصحف في بداية الفترة الثانية من الدوري السعودي في هذا الموسم انه كان موافق على اللعب في صفوف الهلال بنظام الاعارة .
وصحيح ان خسارة تفاريس ليست بالهينة لكني اؤكد لكم ان اسامه هوساوي فيه الخير والبركة ،
اما بالنسبة للاجنبي الثالث ياريت يكون قلب دفاع لكن في الجهة اليسرى .
وتحياتي للجميع

المستشار 07 · #2 05/05/2008, 07:32 PM

كلامك عين الصوااب ..

تقبل مروري .. أخوكم ..

انتظروا عودة الصويلح ..

Nilmar · #3 05/05/2008, 07:34 PM

راشد الرهيب هو اللاعب الوحيد اللي يحتاجه الهلال مع مهاجم محترف

الظهير الايمن هي الخانه اللي مفتوحه شوارع عندنا ودايما يستغلها خصومنا..

يعني تعاقدنا مع راشد الرهيب راح يقفل هالخانه بإذن الله وبدل ما كانت منطقة ضعف تتحول لمنطقة قوه

بس الاداره واعضاء الشرف كأنهم يبون اللاعب يجي لهم لحدهم ويقول تعاقدوا معي

او ينتظرون الاتحاد يتعاقد معاه..

الانديه بدت تشتغل للموسم الجاي ونص الاعضاء هنا جالسين يبكون على تفاريس؟؟؟؟؟!!!!!

معالي الزعيم_20 · #4 05/05/2008, 07:37 PM

الا الـــــــــــــرهــيـــــــــــــــب

الهلال مو ناقص نكبات وانت تشوف الرهيب خاصة اذا هو عند لاعب كبير يحاول يجيب فيه كبري وهو عند المرمى مما يسبب ..........

الاندية السعوديه فل فل خاصة في الظهير الايمن وشوف الدرجه الاولى والثانيه وعندنا لاعبين شبان ماشاء الله

Nilmar · #5 05/05/2008, 07:57 PM

إقتباس

الرسالة الأصلية كتبت بواسطة معالي الزعيم_20


	الا الـــــــــــــرهــيـــــــــــــــب الهلال مو ناقص نكبات وانت تشوف الرهيب خاصة اذا هو عند لاعب كبير يحاول يجيب فيه كبري وهو عند المرمى مما يسبب .......... الاندية السعوديه فل فل خاصة في الظهير الايمن وشوف الدرجه الاولى والثانيه وعندنا لاعبين شبان ماشاء الله

شكلك تشوف رهيب غير رهيبنا اللي في الدوري السعودي

هو مفتاح هجمات الاتفاق ومصدر قوته واغلب العرضيات اللي تجي منها اهداف للاتفاق منه

من وين جبت الكلام انه نكبه ؟؟؟

اجل من تبي روبرتو كارلوس العنقري؟

معالي الزعيم_20 · #6 05/05/2008, 08:24 PM

إقتباس

الرسالة الأصلية كتبت بواسطة عبودي 9


	شكلك تشوف رهيب غير رهيبنا اللي في الدوري السعودي هو مفتاح هجمات الاتفاق ومصدر قوته واغلب العرضيات اللي تجي منها اهداف للاتفاق منه من وين جبت الكلام انه نكبه ؟؟؟ اجل من تبي روبرتو كارلوس العنقري؟

الحمدلله هذا انت تقوله مفتاح هجمات الاتفاق ومصدر قوته واغلب العرضيات اللي تجي منها اهداف الاتفاق منه

طيب شوفه من الناحية الدفاعيه سهل العبور من جهته وكلنا شفنا النهائي والكثير من المباريات وحنا محتاجين من الناحيه الدفاعيه اكثر من الهجومية

Nilmar · #7 06/05/2008, 02:00 AM

إقتباس

الرسالة الأصلية كتبت بواسطة معالي الزعيم_20


	الحمدلله هذا انت تقوله مفتاح هجمات الاتفاق ومصدر قوته واغلب العرضيات اللي تجي منها اهداف الاتفاق منه طيب شوفه من الناحية الدفاعيه سهل العبور من جهته وكلنا شفنا النهائي والكثير من المباريات وحنا محتاجين من الناحيه الدفاعيه اكثر من الهجومية

اول شي من النادر انك تحصل ظهير يمين دفاعي هجومي بالملاعب السعوديه انسىىىىىى

واقرب مثال الدوخي وحسن معاذ سرعه وهجوم وعرضيات اوكي بس بالدفاع شوارع

الرهيب هو الوحيد اللي اشوف انه بالهجوم والدفاع يقدم مستوى

حالياً افضل ظهيرين في الجهه اليمين عندنا راشد الرهيب وحسن معاذ والثاني مشكلته مزاااااجي بقوه تمسك معه غلط يضيع الفريق

و اقل شي ينرفزه

مزاجي الزعيم · #8 06/05/2008, 02:18 AM

الصراحه مادري ليه الرهيب مااخذ تفكيركم وعقولكم

ياجماعة والله الرهيب موب نافع للهلال

الرهيب مابدع الا يوم صار جنااح اكثر منه مدافع

الاتفاق يلعب ب5 مدافعين والهلال اربعه

يعني الرهيب يهااجم اكثر مما يدافع والي يشغل منصب الظهير الايمن فعلياا هو جمعان الجمعان وتذكروا يوم لعب للمنتخب وشلون خنبق

الطريدي
حسن معاذ
افضل بمليون مره من الرهيب

وينك ياناامي

zozo 8 · #9 06/05/2008, 02:25 AM

والله انكم فاضين الظهير الايمن اجنبي على شان كذا ماجددو مع تفاريس انسوا الرهيب

طير سنجار · #10 06/05/2008, 03:12 AM

في الصميم والله العظيم

اتمنى من كل قلبي ان تحاول ادارة نادي الهلال واعضاء شرفها الاوفياء في ان يبدأو بمخاطبة لاعب نادي الاتفاق الظهير الايمن المتميز راشد الرهيب وضمه الى نجوم نادي الهلال وهو بالتاكيد سيغطي مشكلة الدوخي باذن الله مع العلم بان عقده سوف ينتهي في هذا الموسم ،

كريزي · #11 06/05/2008, 04:51 AM

الــــــــــــــــــــــــــرهــــــــــــــــيـــــــــــــــــــــــــب وبـــــــــــــس

<alzaeem> · #12 06/05/2008, 05:10 AM

نبي تفاريس نبي تفاريس جددوله هو موقع مبدئي بس مانبي لارهيب ولا كاس خادم الحرمين