|
حجز الناصرية وانواع السواليف والمواقف http://vb.alhilal.com/news/Untitled-13.gif http://vb.alhilal.com/banner/logo.gif في الصيفية قبل الماضية كلفتني الوالدة اودي اخوي الصغير حمد لستراحة خوالي تقول ضايقن صدره ووده يروح يلعب كورة ويسبح قلت ابشري اوديه ما عندنا اغلى منتس انتي تامرين امر بس ما ادري البنزين يوصل ولا مايوصل << طبعا تلميح :naughty: المهم الوالدة افهمتها و ألفزت مبلغ مادي بيدي ركب معي اخوي الصغير حمد وكنا بنص العصر وانواع الحر:cursing: تبادر الى ذهني واحد من اخوياي قلت ابيه يخاويني يوسع صدري الاستراحة بعيدة اتصلت على ابو سليمان انا ابو سليمان وينك هو وش عندك انا اخلص وينك هو بالفيحا قلت يله جايك نبي نروح مشوار يحبه قلبك <<< اغراءات عشان يجي:naughty: وصلنا عند اشارة ماكدونالدز مخرج 15 لفيت يمين متجهين للفيحا اناظر الا والله اشارة جديدة s118s قلت يارجال ما يضر نقطعها وانا اللي اقطعها وبعد 200 متر تقريبا تفتيش s16s ضاق صدري قلت قسيمة مالها داعي بدأ تأنيب الضميرs17s فتحت الدريشة قال الرخصة والاستمارة قلت سم قال اصفط صفطنا وانزل قال طف السيارة واركب الجمس قلت ليه وش انا مسوي << ما عادي يمدي تجحد قال اقول اركب قلت ما قطعت الاشارة <<< المشكلة محد طرى اشارة :d قال لا قاطعها المهم انا اشوف الجمس فيه هنود وسعوديين جمس مليان قلت الله يستر لا اركب بالشنطة قلت معي اخوي الصغير شفه مرتاع ما اقدر اروح واخليه نزل حمد وهو بالمتوسطة لكن اللي يشوفه يقول لاعب رمي الجلة نزل وهو يضحك وانا اغمز له ابيه يصيح عشان يمشينا قال اخوك ما ينخاف عليه رجال يروح بتكسي للبيت اثناء هذا الحوار مع رجل المرور اتصل ابو سليمان وهو غاضب وووووووووووينك قلت ابو سليمان تعال عند التفتيش اللي عند ماكدونالدز قال مسكوك قلت ورا ماعلمتني ان فيه تفتيش قال ما دريت انك بتقطع الاشارة قلت تعال الله يمحاك جا وقعد يكلم رجل المرور الباسل ووصلوا الى حل انه ابو سليمان ياخذ سيارتي ويوديها لبيتنا قلت لبو سليمان ود حمد للاستراحة و لبق السيارة عند البيت وركبت الجمس بجنب مصري ثوبه كله دم حسيت انه دابغن له واحد امه داعيتن عليه والمصري يكلم بالجوال وشرق الرياض كله يسمع المكالمة وواضح ان اللي يكلم المصري يهزئه لانه يبعد الجوال قالي المصري الله يخليك كلم كفيلي ووصلوه هنا ( يقصد وصفله المكان ) قلت ابشر ما ورنا شي اول ما حطيت السماعة بأذني : هالحين يا حمـار وينك بالضبط انا تغير وجهي قلت سلام عليكم قال وعليكم السلام المهم وصفتله المكان لان المصري الله يجزاه خير يشتغل بملحمة ومعه بالسيارة ذبايح والكفيل خايفن تخرب اللحمة مع آذن المغرب انطلقنا إلى حجز الناصرية ودرايش الجمس كلها مفتحة وصوت الهوا الجميل ورائحة الاخوان اللي معنا تعطي الواحد تفائل وامل ويتخيل انه يسمع اغنية فيروز نسم علينا الهوا من مفرء الوادي وصلنا و حطونا بسيب كبير ووزعوا علينا زبادي العالم تشربه شرب انا ما جيته قلت اما زبادي <<< فسقان ما درى ان الجوع بيلعن خير خيره بالحجز دخلونا الحجز وكان شبه مليان طبعا بدت الاتصالات على اخواني قلت منب مخلي ابوي يدري <<< قضية مخدرات مهوب قطع اشارة جا اخوي الكبير ويحاول منا ومنا قالوا ما يطلع الا بعد مرور 24 ساعة ودفع كل الغرامات اللي عليه المهم اخوي عطاني بطارية جواله ووصل خوينا ابو سليمان وسواليف عند الدريشة شوي اكرشوهم رجالات المرور البواسل انا متكي لحالي واناظر واحد هالوجه مهوب غريبن علي واقرب منه قلت انت العصيمي اللي في القناة الرياضية قال ايه العصيمي هذا قد قابل معي بمعلب الملز وطلعت في برنامج والله نسيت اسمه برنامج يجي الظهر يوم الخميس يقابلون مع الجماهير المهم سواليف معه طبعا طولت عليكم بها المقدمة الطويلة لكن الآن راح اعرض اهم السواليف اللي حصلت بالحجز http://vb.alhilal.com/news/Fa9l-2.gif تاكي مع مجموعة وواحد منهم يسولف اللي يسولف من دخلنا وهو يفقش علينا وجهه اسمر وشنبه كثيف جدا ويسولف عن تركيا والبلاوي اللي فيها مراقص وما مراقص كلام مشفر كثير وواحد من المجموعة جالسن يخبص الورقة اللي معه بيلعب بلوت المهم قال راعي تركيا والله يا عيال اني حاجز الاسبوع الجاي على اسطنبول اللي يخبص الورقة رفع راسه وقال: وش تبا بلنان يا ولد كلها حروب وذبح وذبيح حنا فقعنا ضحك:rotflmao::rotflmao::rotflmao::rotflmao::rotflmao::rotflmao: وش جاب اسطنبول للبنان:upset: هذا المفروض يحطونه بزنزانه لحاله:d http://vb.alhilal.com/news/Fa9l-2.gif جالسين نتكلم عن القسايم وشلون ومتى بنطلع والتسديد ومن هالامور عشان الواحد يطلع لازم يسدد كل القسايم اللي عليه المهم واحد قال يا عيال الحين كم قسيمة قطع الاشارة قلنا عمدا 950 والعادية 350 قال اسددها واطلع قلنا ايه تسددها وتسدد كل اللي عليك قال اما عاد قلنا اما ثمود بعد لازم تسدد قال اجل يا عيال اللي يطلع تكفون يجيب كرز دخان لي :dالرجال مطول بالحجز ما فيه امل يسدد http://vb.alhilal.com/news/Fa9l-2.gif بعد ما صلينا العشا كان فيه مطوع يدور وينصح الله يجزاه خير المهم لقى مكان قريب منا و جلس ينصح شوي بعدها بدا يسولف وقال اني كنت مسرع قبل آذن المغرب بشوي ابلحق على المسجد بأذن واصلي فيهم وقطعت اشارة و ركبوني وكان اللي ماسكني يقول انت مؤذن مسجد عشان اطلعك؟ فقلت له (الكلام للشيخ) لا قال اجل اركب قلنا ليه ما قلت له انك مؤذن وامام بعد قال ماحبيت يكون فيه فرق بالتعامل بيني وبين الناس لكن لما وصلت وشفت الزحمة والحشر هذا قلت للضابط اني مؤذن مسجد وامام ووعدني خير وقالي ان شاء الله نطلعك وتصلي الفجر بجماعة المسجد قام المطوع من عندنا ولا شفناها طول الليل المهم آذن الفجر وقمنا نبي نصلي اناظر اللي أذن :d الا هو خوينا المطوع لعله الله يجزاه خير اذن الفجر بالحجز و صلى فينا الفجر بالحجز:d http://vb.alhilal.com/news/Fa9l-2.gif عيوني توجعنيs29s من الكتابة هذي بعض السواليف اللي صارت بالحجز واعذروني على ثقل الدم آسف للإطالة |
ههههههههههههههه شكل الحجز فله ابروح اقطع اشاره وا اسولف مـعهم الا وش رايك اني الين قطعت ااششاره اقول لهم تراني مؤذن وطلعوني تتوقع يصدقون المهم انا ما قد دخلت الحجز ولا ابي اطبه وحمد الله على سلامتك الا ابي اسالك عسا مب الزبااااااااااادي منتهي ويصير لك مثل ما صار لواحد في المنتدى مدري وش اسمه |
ههههه قصة عمر كل هذا في اقل من 24 ساعة وشلون لو رحت مؤبد<<< واحد نجس الله يعين الحجز مشكله الله لا يبلانا بهالاشارات |
يخرب بيتك ياعبدالعزيز ..! اثرك انت وبدر راعين سوابق .. :d الله يستر منكم بس :razz: عموما قصه جميله ورهيبه وغنيه بالكالسيوم والحديد :d تشكرات :smilie47: |
الحجز ..s45s يـآ نـآس فيه أحلى من الحجز ؟ ألحين انت اذا طفشت .. تروح وتدبر لك انت واخوياك قطة استراحة وتاجرونها سنوي بمبلغ وقدرووهـ .. ! في ظل أن الحجز فاتح ابوابه يحتري احد يجيه .. لحد ينط علي ويقول تبي تدشرنا .. اساساً كلكم دشير .. انقلع لا بارك الله فيك << طيب من كلمك انت :d:D .. :: سالفتك تحيفة .. وبما أنها كانت بالصيف فمن المفترض أنك تقعد أطول مدة زمنية ممكنة .. صدقني بتطلع من الحجز وانت في جعبتك كتلة غير سهلة نهائياً من التناحة وخفة الدم .. موفق وعقبال المركزي وحاير :d |
خخخخخخخخخخخخ الله يكفينا شر الحجز...!! بس ماكنت اتوقع انه فله الى هالدرجه:d الله يستر لانجربه بس:d والمره الثانيه لاتقطع اشاره لأن عواقبها وخيمه>>متعوب عليها:d ...تــــــــ ح ـــــــياتي.. |
الله لايعيد الحجز وأيام الحجز ويبعد وياكم عن القسايم والمخالفات |
هههههههههههههههههههههههههههههههههههههههههههههههههههههههههههههههه راعي سوووابق ههههههههه |
ههههههههههههههههههههه اما قصت المصري حكاية ثانية على العموم ننتظر قصه ثانية منك |
ذكرتني بواحد من العيال شاف له تفتيش ويحسب حادث من السفاتي اللي موجوده.... المهم ويروح لمهم الرجال ويشوف اللي متجمعين حول اللومينا والشرطي يسجل في أوراق معه....جاء بيلف في لفه قبل التفتيش إلا يلقى البحث واقف قاله رح قدام يالحبيب...خوينا راح عند التفتيش ووقفوه لأن مامعه رخصه وقالوا لبق وتعال لبق وصار له مثل أبو الشباب كاتب الموضوع..المهم جوا اهله بيطلعونه من الحجز بعد الواسطات ويوم جاء اخو بيطلعه عيا يطلع>>كب عفشهم .....أعجبه الوضع في الحجز..... يسلموو على الموضوع... |
اهاااا قل كذا من زمان انا اقول وش فيه عبدالعزيز في أحد الصيفيات ألتزم :d ماشاء الله وصلت لحيتك إلى سرك أثاريك راعي سوابق وبالحجز بعد اخ عبدالعزيز للأسف انغشيت فيك ياخسارة الأيام اللي قضيتها معك راعي سوابق ؟ ولك وجه تكتب بعد ؟ >>>>>>>> ما ينعطى وجه :d يا عبدالعزيز كم مرة أقول لك حاول قد مافيك تستفيد مني ما دمت تمشي معي يعني لازمني في الروحة والجية واسئلني عن أي شي أسويه لا تستحي وانا اخوك وإذا تبي شي قله لا يردك الا لسانك > > > > > > من جد ما ينعطى وجه :d قصة رائعة وجميلة استمتعت صراحة وانا اقراها يعطيك ألف عافية |
إقتباس:
الحجز للرجالs32s والله تكره نفسك بالحجز <<<<< منغث من ذاك اليوم:upset: |
إقتباس:
مؤبد قالولك http://vb.maas1.com/image.php?u=4339...ine=1161634274 مجرم حرب الاشارات من عقب ما انحجزت صرت كل ما اشوف اشارة انزل من السيارة واحب راس الاشارة واركب موتري<<<< قوية :dhttp://www.mycrazyhobby.com/images/home/light.jpg |
إقتباس:
ان كانك تبي حبوب كيرم ترى عندي<<< مجرم:d ثانكيو يا الغالي:smilie47: |
إقتباس:
شرفني مرورك تئبرني:pizza: |
| الوقت المعتمد في المنتدى بتوقيت جرينتش +3.
الوقت الان » 11:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd