|
الحفل لتكريمي لتــوديـع تفاريس : في ؟؟؟؟ يوم ؟؟؟؟ الدعوه عامه للزعماء !! بأذن الله سأكون اول المتواجدين في هذا الحفل لازلت اتذكر اول تمرين لتفاريس في الهلال كان برفقته كماتشو ذهبت خصيصا لمشاهده المحترفين الجدد الذين تعاقد معهم الهلال واتصل على احد الاصدقاء يستفسر عنهم وقلت له بالحرف الواحد اجانبنا هذه السنه يبشرون بالخير ان شاء لله اقسم بالله اني راهنت عليهم من اول تمرين اشاهده لهم !! تفاريس كانت له مساهمه كبيره في حصول الزعيم على ثمانيه بطولات ولو كانت فيه احصائيه عن اكثر لاعب شارك في اكثر عدد من مباريات الهلال خلال الاربع سنوات الماضيه سيكون بلا شك هو تفاريس ... خلال اربع سنوات كانت غياباته قليله جدا وتعد على اصابع اليدين لاعب صاحب مستوى ممتاز.. وفي ومخلص ونادرا ان تجد لاعب بهذه المميزات !! 3 سنوات وتفاريس عايش على فتات الهلال وامثاله [ عفوا ] اقصد القريبين من نصف مستواه والبعيدين عن اخلاصه في الدوري القطري يتاقضون اضعاف مايتقاضاه !!! من اول موسم حضر فيه للهلال والعروض تتهافت عليه ومع ذلك ضحى بالملايين من اجل [ ملاييم الهلال ] اخرها في الموسم الماضي عندما عرض عليه باكيتا مدرب الغرافه ضعف عرض الهلال ورفض !! تفاريس الذي لم يمنح الا بدل سكن وبدل نقل فقط وهو الذي يستحق بدل مفرج وبدل عنقري وبدل خثران [ عندما كان ظهير !! ] رحيل تفاريس خساره كبيره على الهلال ولن يعوض بسهوله تبرير الاداره بأن مبلغ عقد تفاريس مرتفع ومبالغ فيه غير منطقي !! على اعتبارين : الاول : ان تفاريس يستحق ما يدفع له الثاني : ان اموال الهلال ضاعت على صفقات او صفاعات بالمعنى الصحيح : على سبيل المثال وليس الحصر : مسفر القحطاني فهد المفرج ليلو كم كلف النادي التعاقد معهم او التجديد لهم ؟ مسفر المنسق من الاتحاد : 500 ألف ريال [ اللهم لاحسد ] المفرج : جدد عقده مؤخر 2 مليون ريال [ اللهم لاحسد ] ليلو : 5 مليون ريال وخمسمائه ألف تقريبا [ اللهم لاحسد ] 8 مليون ريال على 3 لاعبين لا يمثلون 10 % من اهميه وجود تفاريس واستمراره في الهلال !! اذا كانت اداره النادي حريصه على اموال النادي لماذا تبذر اموال النادي على صفقات الجميع متأكد من فشلها ؟ لماذا تفرط بالاعبين الهلال وتوزعهم على الانديه الخرى مجانا ودون مقابل ؟ خالد راضي للنصر !! وعبدالرحمن العصفور وماجد المرشدي للوحده !! وعبدالله غازي وذياب مجرشي للحزم !! ومازن الفرج للطائي والموسم الثاني للحزم !! وعبدالله المعيوف للاهلي !! واحمد عباس واحمد الجري للطائي !! واحمد الحربي للرائد !! وغـــيرهم الكثير فرطت فيهم اداره الهلال وبدون مقابل !! لو اخذت اداره الهلال 300 ألف ريال فقط مقابل تنازلها عن كل لاعب لجمعت قيمه تجديد عقد تفاريس !! 300 ألف ريال مبلغ زهيد جدا على لاعب في الدوري الممتاز ... لاعبين الدرجه الاولى تجاوزت عقودهم المليون والمليونين !! ما ردكم يا اداره الهلال ؟ تفاريس يستحق اكثر مما دفع له ويستحق اكثر مما طلبه فلماذا تبخلون عليه ؟ مواقف كثير يتذكرها جمهور الهلال لهذا الاعب الاسطوره ولن ينساها : واكثرها تأثيرا موقفه مع سعد الدوسري رحمه الله عليه بعد وفاته وكتابته على فانيتله / لن ننساك ياسعد وغيرها الكثير من الافعال التى لم يسبقه فيها احد !! شكرا تفاريس ولن ننساك ونيابه عن جمهور الهلال نطالب الاداره بعمل حفل تكريمي لهذا الاعب المخلص واتاحه الفرصه لاعضاء شرف الهلال ولجماهيره بتكريمه ...لانه يستاهل وارسال رساله لجميع نجوم الهلال بأن من يعطي ويخلص سيلاقي نفس التكريم الذي يحصل عليه تفاريس الاسطوره وداعا تفاريس والله يعوض الهلال خير اخيرا اتمنى من جمهور الهلال في الغربيه عمل لافته كبيره لتوديع هذا النجم في المباراه القادمه امام الاتحاد تكون باللغه البرتغاليه والعربيه والانجليزيه لانها قد تكون اخر مباراه له مع الهلال للاسف !! |
صادق اتمنى من موبايلي عمل .. لافتــاات ، مكتوب عليها تيفـا 3 .!! وتتوزع على كل الجماهير ،!! |
اي والله صدقت اخوي لازم موبايلي او الرابطه يوفرون لا فتات واعلام باسمه ورقمه لازم نحسسه اننا ياجمهور الهلال اوفياء مع النجوم الي خدموا الفريق.. شكرا لك اخوي (روح 10 الشلهوب) |
قسم بالله اني اذا دخلت للمنتدى وشف الموضيع الخاصه برحيل تيفا يضيق صدري واطلع والله العضيم انه خساره آآآآآه بس يا تيفا لازم يكرم من قبل الاداراه والجماهيرر عندي احساس انه بيسوي شي بالاياب :) |
إقتباس:
تفاريس قدم ماهو عنده للزعيم وكم تمنينا ان تبقى لاكن هذا هو عالم الاحتراف |
كلام منطقي وراقي من مشجع واعي لاهنت يالغالي وصدقني راح نبكي على تفاريس كثيررررررررررر |
هذا الكلام اللي يكسر القلب يا خساره يا ادارة الهلال فرطو بنصف الفريق هذا الاعب اللي الواحد يرتاح لمن يشوفه في الفريق يا خسار يا خساره يا خساره يا خسار يا خساره وبجلس اقولها طوال ما حييت على هذا النجم وداعناً يا تيفااااااااااااااااااااااااااااااااااااااااااااا ( 3 ) معشوق الجماهير |
صادق اتمنى من موبايلي عمل .. لافتــاات ، مكتوب عليها تيفـا 3 .!! وتتوزع على كل الجماهير ،!! |
وربي بيندمون وساعتها ماراح ينفعهم الند م وبيخسرون اضعاف اضعاف المبلغ المطلوب لتجديد عقد تيفا يارب تعدي هالسنه على خير ناس منتهيين يجددون لهم وناس شايله الفريق مايبغونهم قسم بالله قمة القهر يعطيك العافيه |
شكــــــــــــــــرا لكم على المرور اخوي هلابولي انا اطالب في عدم ذهاب اي لاعب الا بمقابل خصوصا ان الانديه الاخرى عندما يطلب الهلال منها لاعب تماطل في الهلال مع ان الهلال لا يريده مجانا !! |
إقتباس:
ماشاء الله صار الملك فيصل والله حرااااااااااااااام يروووووووووووووووووووووووووووح |
كلام جميل ومنطقي نعم تفااريس مخلص وصخره الدفاع الهلاليه....لماذا لم تجددون معه وستبقىااااا في قلوبنا ياتيفااااااااا..... وزي ماقلت اخوي نبي لافته لتفااريس فيها كلمات جميله او صوره جميله لتفااريس وشكراً |
وفي ومخلص , في لعبه , رآآآئع بمعنى الكلمه ويستحق اكثر ما دفع له , دائماً ستبقى في قلوبنا تفآريس , |
مشكوووووووووووووووووووووووووووووووووووووور اخوي ويعطيك العافية |
اخوي موضوعك جميييل ولو اني اناقضك في ان الهلال يجب ان يدفع هذا المبلغ الضخم يا اخي اللاعب فنان لكن المشكله ان يستغل اللاعب او حتا ناديه السابق حاجة الهلال ويرفع سعره بالطريقه الخياليه هذي وعلا فكره كروزيرو فريق برازلي فريق عريق وتفاريس احتياطي الاحتياطي هناك وليسوا في حاجته بس يستغلون غبائنا هنا والهلال ما عمره توقف على لاعب مهما كان حجمه واذا كان هناك فرصه فسوف يعود تفاريس بعد سنتين للهلال ولا نعلم هل سيجد لنفسه مكان في الزعيم ام لا خصوصا ان الهلال هو من يصنع اللاعبين ولقد راينا الفرق في سعر تفاريس اول ما جا الهلال وكيف اصبح الان خمسة عشر ضعف المبلغ اللي اتى فيه. عموما ادارة الهلال تتحمل مسؤولية اي شي وان كنت ارى انها فعلت الصحيح في ما يخص تفاريس... ملاحظه عبدالعزيز الخثران لاعب كبيير وادواره لايجيدها الا هو وقد تكون هذه الادوار لا يلاحظها الاشخاص اللي يركزون على من سجل ومن صنع والخثران اهم لاعب في الهلال حاليا وهو اللاعب اللي لايمكن تعويضه في الهلال وقد صرح بذلك كوزمين في اشهر جريده رومانيه تقبل المروووووووووور |
| الوقت المعتمد في المنتدى بتوقيت جرينتش +3.
الوقت الان » 10:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd