|
خطوه ممتازه من الاداره عدم التجديد لتفاريس (تعال اقولك ليه) بسم الله الرحمن الرحيم ببدا في الموضوع على طول منيب احب المقدمات . والله الي يعتب على رحيل تفاريس ماعنده سالفه مع احترامي انا اقولكم ليش : أولاً : الحين 10 ملاين لموسم واحد لتفاريس و 12 مليون لهوساوي طيب نجي نحللها حبه حبه 10 ملاين تفاريس بعدها ماتدري وش بيصير هل تتوقع انه بيعتزل وهو مع الهلال !!!! ما والله اكيد انه بينتقل 100% 12 ملاين هوساوي بعدها ماتدري وش يصير هل تتوقع انه بيعتزل وهو مع الهلال !!!! انشاءالله نقول بنسبة 80% ثانياً : الحين الاعب ليش يلعب كوره بتقولي عشان جمهور ونادي !!! لا طبعن عشان الفلوس وتفاريس جاه عرض اكبر ومانلومه ويقولك ( الفلوس تغير النفوس ) بعدين ترا اصله برازيلي يعني مرده للبرازيل ماتعوق معه . ثالثاً : الحين كم لاعب اجنبي عندنا ؟ 1:التايب : جدد 2:تفاريس: انتقل 3:ليلو: بيتشوت على كذا بيصير لاعب واحد اجنبي فبإذن الله الموسم الجاي الاداره اتوقع انها بتجيب لاعبين مايخطرون على البال واتمنى (الشرميطي ) او الرشيدي مهاجم نادي الحزم . وبما ان الصويلح يالله لك الحمد بيرجع من اصابته قريب انشاءالله ( وماتشوف شر ) فالموسم الجاي بيكون عندنا ياسر الصويلح الكلثم الفريدي التايب الشلهوب الدوسري الزوري الموري المرشدي خيرات الغنام البرقان التمياط عزيز الغامدي الخثران هوساوي ملاحظه ( الي ماقلتهم مانبيهم) وانا اتوقع ان المرشدي وخيرات وهوساوي قدها بإذن الله وان احتجنا مدافع جبنا مدافع وش المشكله . وتبقى المشكله الاهم هي الظهير والله مشكله كبيره لو تنحل بإذن الله تشوف الزعيم الموسم الجاي ياكل اكل . رابعاً : شوفو ارسنال كم لاعب طلع من عنده كل واحد يقول انا ازين هنري فيرا اشلي كول ريس ..... الخ بس الجمهور ماشب على الاداره وقال ليش وليش عارفين ان الاداره احرص منهم وهم ادرا ومب مفرطين في لاعب الاا لأسباب كثيره ومن جابوا بعدها قالاس وتوريه من اقوى 10 قلب دفاع في العالم . والله يعطيكم العافيه |
ههههههههههه اخوي الاداره الهلاليه ما اتوقع أنها بتجيب جديد بس حلوهـ الترقيعه على فكرة .. لو يجيبون من هنا إلى بكره مثل وفاء و اخلاص تيفا ما فيييييييييييش .................................................................................................... .............. |
مشكور اخوي على جهدك لكن سؤال (( حطيت في بالك ان ادارة الهلال بتنجح وبتجيب لاعب ممتاز وكبير مثل طارق التائب او تفاريس ؟؟ )) ادارة الهلال اقل الاندية على فكره تجيب لاعب رخيص ونستفيد منه كلها بالملايين الريالات واخر شي يطلع فاشوش اخرتهم ( ليلو امبيلي )، هل الادارة قادرة على جلب مثل تفاريس او كماتشو وقيمته رخيصة ويعطي النادي ويفيده؟؟؟ اسامه هوساوي صراحه انا احترمه لكن وجوده يخوفني ما اتوقع انه بينسجم صحيح بتقول ما بدا الموسم ولا احتك مع اللاعبين لكن ياخي ناظر هوساوي وش يقدم من مستويات بالمنتخب او الوحده دماااااار ما حولك احد..... بالتوفيق يااااااااااااااااارب للزعيم |
أحتـرم وجهـة نظـرك .. بس هل تعتقد إن الهوساوي يستحق 12 مليون و تيفـا لا يستحق الـ 10 مليون فقـط .. ؟ تيفـا مستواه معروف هذا غير ولائه للنـادي و مستواه الثابت منذ حضوره لـ الهـلال .. بعكس الهوساوي و الذي هبط مستواه تقريبا من بعد كأس آسيا .. و بات مستواه غير مطمئن و هناك نقطة آخرى ,, الهلال لديه مشاركة آسيويه في الموسم القادم و الكل يعمل مدى آهميتها لدينـا كـ هلالييـن .. و هنا نحتاج لـ الاستقرار فنـي كبير ومنها التجديد لـ تيفـا و الإبقاء عليـه مهما كلف الامـر .. |
إســــــــــــــتـــــــــريح تـفـاريس من يسد بمكانك؟؟؟؟؟؟؟؟؟؟؟؟؟؟؟ اااااااااه بس |
كلامك سليم ووداعا يا تفاريس وستبقى في قلوبنا ومستقبلك أهم اعتزل اساطير الهلال النعيمة ويوسف وسامي ولا يزال الهلال يحقق البطولات صحيح ان غياب تفاريس مؤثر لكن الزعيم مثل ما طلع نجم مثل تفاريس يقدر يطلع نجوم غيره وشكرا |
ياسر الصويلح الكلثم الفريدي التايب الشلهوب الدوسري الزوري الموري المرشدي خيرات الغنام البرقان التمياط عزيز الغامدي الخثران هوساوي ملاحظه ( الي ماقلتهم مانبيهم) والله انك صادق |
إقتباس:
الدعيع وينه :upset::upset:؟؟؟ ........................................ |
شباب افهموا وجهة نظري ماقلت انا هوساوي ازين من تفاريس لاكن هوساوي نجم ومحد ينكر والواقع يقول ان هوساوي مستقبلاً بيقعد اكثر من تفاريس يعني هوساوي 12 مليون ولك وللزمن وبخصوص الدعيع لين الحين ماوضح شي عن حارسنا الموسم القادم عشان كذا ماكتبت الحارس واخر شي احب اقول ان الاداره بإذن الله بتسعد جماهيرها بصفقه الموسم القادم بس استنوا عليهم شوي بعدين خلاص تفاريس راح وهو مقتنع وش نسوي ماباليد حيله ( الشرميطييييييييييييييييي) |
اقول انت والله ما براسك كورهـ الدعيع ماتبيه ياحبيبي من يوم شفت الدعيع ماهو فيه وانا غاسل يدي لا تصرف تقول بيعتزل لان باقي في عقدهـ موسم او موسمين غير هذا الموسم |
إقتباس:
انت تتكلم عن ادارة الأرسنال ؟؟؟؟؟؟؟؟!!!!! وهل الرجال افكارهم زي بعض ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!! مثل مافيه لاعب موهبة ولاعب غير موهبة ....فيه اداري ذكي محنك فاهم ((((موهووووب ادارياً ))) وفيه اداري ( ...؟؟ ) ..!! |
إقتباس:
اذا انا مافي راسي كوره انت مافي راسك قرايه اقرا زين وش كتبت بعدين رد علي انا كتبت ( وبخصوص الدعيع لين الحين ماوضح شي عن حارسنا الموسم القادم عشان كذا ماكتبت الحارس ) لأن لو تذكر كان بيعتزل بعد كأس ولي العهد عشان كذا ماندري بيعتزل ولا لا |
الحين 10 ملاين لموسم واحد لتفاريس و 12 مليون لهوساوي طيب نجي نحللها حبه حبه 10 ملاين تفاريس بعدها ماتدري وش بيصير هل تتوقع انه بيعتزل وهو مع الهلال !!!! ما والله اكيد انه بينتقل 100% 12 ملاين هوساوي بعدها ماتدري وش يصير هل تتوقع انه بيعتزل وهو مع الهلال !!!! انشاءالله نقول بنسبة 80% شكلك بخيل انت الله يخلف علييك |
خخخخخخخخخخ اجل اللي يعتب على الاداره عشان انتقال تفاريس ماعنده سالفه..!؟؟؟ والله انت واللي سمح لك تكتب بالمنتدى هو اللي ماعنده سالفه...! اذا كانوا الادارة نفسهم وبعض اعضاء الشرف حزينين لانتقاله ويقولون انه المفروض يجلس تجي انت ترقع لهم وتقول اللي سووه صح..! اقول رووووووووووووووقنا بس ولايكثر.. تيفاااااااااااا وبس:( |
شباب انتم تحسبوني مستانس لرحيل تيفا ؟ ززز والله اني حزنت اكثر منكم بس احاول اوضح لكم انه مب نهاية العالم يبي يروح بسلامته والله يوفقه |
| الوقت المعتمد في المنتدى بتوقيت جرينتش +3.
الوقت الان » 10:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd