|
الموسم القادم موسم الانهيار ... لاتفاريس ولا الدعيع عز الله دماااار !!! : ياعالم شئ يعقل وش مايعقل ابداً تفاريس لاعب لايتخلف عليه اثنان يستحق مايطلبه اثبت وجوده واثبت حبه للزعيم واثبت هذا الموسم بشهادة جميع النقاد انه افضل لاعب ابدع في هذا الموسم طوال الموسم لم يلج المرمى بفضل الله الا 12 هدف كل هذا بـ فضل تفاريس والدعيع بعد الله لكن الشئ الذي لم يحسبوا حسباه اعضاء الشرف الموقرين ان الدعيع هذا اخر موسم له وبغياب تفاريس الموسم القادم والدعيع سـ يكون موسم النكسه للهلال ويلزمه عشر سنوات لإعادة التوازن كما كان يا اعضاء الهلال تكفون فكروا في الموضوع تفاريس لاتفرطون فيه لو استدعاء الامر فتح حساب للمشجعين تكفون وربي تفاريس ماينتعوض لاهوساوي ولا غيره كيف تجددون لـ المفرج والاحتياطيين بأضعاف هالمبلغ ومستخسرينه فيه الدعيع اثبت انه هو نص الفريق هذا الموسم وبغيابه الموسم القادم بيتغير الوضع كثير اولاً لان الدعيع له هيبه تخيف اي مهاجم بعكس اي حارس ثاني قد يقف مكانه ثانياً لايوجد حارس بالمملكة يستطيع تقديم مستوى الدعيع فكيف سيكون الحال عند غيابه هو وتفاريس نبي رأيكم يا اعضاء تكفون طالبوا معي بالتجديد لتفاريس لانه بيطلب مبلغ كبير هذه السنه والسنه الجايه بإمكانك شراء بطاقته لان هذا كلامه هو اما تتركه يروح السنه هذي مستحيل يجيك السنه الجايه بنص مستواه واكبر دليل كماتشو والمشكله تفاريس بينتقل لقطر لموسمين يعني مايطلع من هناك الا منتهي ! : |
أخوي وش دعوى الدعيع باقي لسنتين أما تيفا خبر صعقني بصراحه ماتخيله الا بشعار الزعيم بس ماقصر بالتوفيق له |
لعنبو بليسهم مستكثرين عليه 2،700،000 لو يدفع كل واحد 500،000 كفت وزود وربي انه يستحقها ويستحق كل هلله فيها بس وش نقوول الا الله يخلف على هلالنا دام هذا تفكير اعضاء الشرف (بالمبلغ هذا نجيب اكثر من لاعب ) طيب يالله ورونا جيبوا الرهيب جيبوا مهاجم اجنبي عاى مستوى عالي آآآآآآآآآآآآآآآآآآآآآآآآآآآآآآآآآآخ ياتيفا والله ابكيتني |
انصح الدعيع يعتزل , مالها داعي الفضايح الموسم الجاي , ( العنقري المفرج هوساوي المرشدي ) !! |
خلاص ياجماهير الامر حسم لصالح الريان القطري والله قهر يوم قريت الخبر متوقعت وانصدمت صراحه الموسم الجاي احس من نعيد مهازل الدفاع...انتم رايتم تفاريس طيلة الموسم والله دفاع صخره يالله على العموم الاعب ماقصر بالتوفيق للهلال ورجالته |
ياعالم الدعيع اخر موسم له هذا وخذوها مني بيستلم الدرع ويعتزل وصدقني هذا افضل وقت له بوجود اشباه المدافعين الموسم القادم سـ يكررون نكسات الدفاع : |
الدعيع اخر موسم له الموسم الجاي وتفاريس الله يعوضنا فيه خير الله يعيننا على فراق تيفا |
انا مو مصدقه لين الحين ابفهم فيه لاعب مميز غير تيفا قلنا لا وبتجيبونه ومافيه الا بهذاك النبلغ الفلاني اللي مستخصرين تحطونها بتفاريس وهو اوفا لاعب اجنبي قدم على الكرة السعودية مب الهلاليية بس يالله جيبوا لاعب بالمبلغ هذا ولاعب مميز ونوشوف |
إقتباس:
الدعيع اخر موسم له هذا وهو افضل وقت لاعتزاله لاسباب كثيره اهمها انه في قمة عطائه وانه ختم مشواره ببطولتين واظن انها الاخيره الا ان يأتي بدفاع واظهره صاحيه : |
إقتباس:
: آآآخ يالقهر بس تبين الجد تيفا مهايطي وين كلامه وحبه للشعار ولا كله تمثيل علشان يقنعنا لو طلب ملايين والله طاح من عيني عقب هياطه صح انه لاعب محترف ويدور مصلحته لكن لايهايط ويقول انا معكم ويبكي وينصب علينا ! : |
الدعيع قالها انا باقي سنتين بامر الامير سلمانs60s اما تيفا ياحسافة:schmoll:ماتوقعتها من اعضاء الشرف ولله اني كنت متوقع انهم يرفظون التجديد للتايب ولايرفظون التجديد لتيفا لكن حصل العكس |
والله تيفا يستاهل اكثر يإدارة الله يرحم والديكم ورانا كأس أسياء يعني مباريات قويه ورانا ايقافات يعني اذا توقف مدافع من بيلعب صدقون لو لعب تفاربي بالدفاع لوحده يكفينا الثقه الله يستر من السته |
تفائلوا بالخير يا شباب نسيتوا وش سوو لنا اعضاء الشرف كل هذا ننساه عشان تفاريس راح راح كماتشو قبله وخذنا بطولات في غيابه وش هالكلام يا جماعة الخير الموسم الجاي بذان الله راح نضفر بالبطولات بس انتوا تفائلو |
آآآخ يالقهر تيفا مهايطي وين كلامه وحبه للشعار ولا كله تمثيل علشان يقنعنا لو طلب ملايين والله طاح من عيني عقب هياطه صح انه لاعب محترف ويدور مصلحته لكن لايهايط ويقول انا معكم ويبكي وينصب علينا لا مهايطي ولا هم يحزنون والله العظيم انه يستاهلها اجل هوساوي اللي يستاهل الـ12 مليون انت سمعت وش ردوا على تيفا بقيمة عقدك هذا نقدر نجيب فيه اكثر من لاعب اكثر من لاعب زي مين يعني زي العنقري ؟ المفرج ؟ الخراشي ؟ ليلو ؟ اشباه لا عبين الموضوع انتهى وتيفا راح بيقى اللاعب الأول في قلوب اغلب الهلاليين وما اقول الا يامال العافية يا اعضاء الشرف ما قصرتوا كذا الإستعدادات للموسم القادم كذا الإستعدادات للبطولة الآسيوية اللي اصبحت الآن حلم كل هلالي بعد ما كانت من اسهل البطولات الهلالية الله يستر من الموسم القادم بس ياخوفي ترجع الخمسات في زمن العجايب كل شي جايز ربك يعين |
اقول فال الله ولا فالك قال ايش قال الموسم الجاي موسم الانهيار وين راحو الباقين ترا فيهم الخير والبركه وبعدين كورة القدم كل يوم تولد نجم جديد يعني لا تخاف الزعيم بيبقى كبير اما بالنسبه لتيفا فهو خساره كبيره والله مالهم داعي يبخلون على لاعب زيه هو يستاهل اكثر من كذا وبعدين لو دارين كان قطينا احنا يالجماهير ودفعنا المبلغ هههههههههههههههههههههههههه بس الشكوى لله العين بصيره واليد قصيره الى اللقااااااااااااااااااااااء تيفا |
| الوقت المعتمد في المنتدى بتوقيت جرينتش +3.
الوقت الان » 02:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd