نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى المجلس العام (http://vb.alhilal.com/forumdisplay.php?f=1)
-   -   جيبوا كفن والقبر زيحوا ترابه @@ من اروع ماقيل في الغدر @ (http://vb.alhilal.com/showthread.php?t=57230)

الصـدقي 31/03/2002 05:34 AM

جيبوا كفن والقبر زيحوا ترابه @@ من اروع ماقيل في الغدر @
 
الحقيقة كنت اقرأ هذه القصيدة
في منتيات الإقلاع :( :(

وبالفعل اراها صادقة

تحمل بين طيتاتها

الغدر :( :( .... واراها من جميل ماقيل في الغدر

لن اطيل

لكن القصيدة من منتديات الإقلاع ...............


@@@

[c]يا لوعة القلب الحزين وعذابه

يا فرحة العذّال فيما لجا فيه

همٍ(ن) من أصله فيه واخر لجابه

يوم إبتعد واقفى حبيبٍ(ن) مصافيه

هذا الذي ماكنت .. حاسب حسابه

ألقى الجفا من واحدٍ(ن) دوم مغليه

يا دمع صوّر حزن قلبي .. وما به

كودك لهيب النار يا دمع تطفيه

من شاف دمعي.. قال:هلّت سحابه

بس المطر ماهيب هذي حراويه

لولا الكرامة..لانتحر عند بابه

وأبدي على المجمول ماكنت مخفيه

وقولوا لقلبي شاب وأقفى شبابه

وأشوف قلبك يالغضي ما دري فيه

عسى الذي صار الجفا من أسبابه

عمر(ن) بقا له بالكسافه يقضّيه

بالآخره نار اللظى ينكوى به

مخلد(ن) بالنار ربي مجازيه

يا أهل النمايم والحسد والسبابه

وش فايدتكم لا فقدته وأنا أغليه

الحب يالعذّال يوهب وهابه

ماهوب يشرى لاجل الأنذال تشريه

والله ما سطّرت بيت(ن) طرابه

ولا كتبت الشعر من شان أغنّيه

لا شك مابي حدّني للكتابه

والا أنا وش لي بوزنة قوافيه

أنا قتيل الحب في وسط غابه

كلّه وحوش (ن) همّها الحب تنهيه

جيبوا كفن والقبر زيحوا ترابه

وخطّوا على قبري حبيبه غدر فيه
[/c]

السلطاني 31/03/2002 11:00 PM

الله الله


قصيده رووووووووووووووووووووعه

تسلم اخوي الصدقي على الاختيار الموفق

عاشق الفن اليوسفي 31/03/2002 11:13 PM

صح لسانك اخوي الصدقي وقصيده روعه زيك

مومو515 01/04/2002 05:57 AM

روووووووووووعه




مومو

سهل 01/04/2002 03:18 PM

صح لسانك http://alzaeem.com/vb/images/icons/icon14.gif


كل(ن) به جروح ,, ولكن شوقي يضنيني

ويش اباسوي بقلب(ن),, يصعب علاجه


تحياتي ;)

الصـدقي 01/04/2002 05:17 PM

تشكرووووووووووووون على الردود يامبدعين


وربي يعافيكم ان شاء الله


تسلووووووون


الوقت المعتمد في المنتدى بتوقيت جرينتش +3.
الوقت الان » 12:10 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd