|
الهلال على خطى النصر سائر للاسف اصبحنا مثل النصر نرى العالم كله متآمر علينا من حكام اوربا الى الاتحاد السعودي كما كانت ولا تزال الادارة النصراوية ،، قبل ثمان سنين كان الهلال يختار ما لذ وطاب من البطولات اسيويه او عربية او محلية يعمل بصمت ويترك لغيره الثرثرة يتهمونه بالتحكيم ومرة بالحظ ومرة بأن الاتحاد السعودي يقف خلفه وهو يسير بكل شموخ وكبرياء لا يلتفت للاقزام،، يكتب التاريخ ويترك للأخرين شرف التعليق عليه دارت الايام واصبحنا نمارس نفس آساليبهم البالية نهمل الجوانب الفنية ونركز على المؤامرات مرة الامين مجتمع مع الحكم ومرة الحكم مرتشي اسئلة لرجالات الهلال هل الاتحاد السعودي هو من فرض عليكم التعاقد مع ياسر الياس وخالد العنقري ونامي هل الامين العام هو من اجبركم على ان تسجلون البرقان وسعد الذياب في كشوفاتكم !! متى اخر مرة اجتمعت يا اعضاء شرف الهلال اجتماع موسع ورسمي ؟؟ لماذا اقتصر اعضاء الشرف على اشخاص لا يتجاوزون اصابع اليد الواحدة بعد ان كان اعضاء الشرف يتجاوز عددهم المائة عضو والداعمين منهم عشرين عضو على الاقل جمهورنا العزيز لا تصدقون انها توجد مؤامرة على الفريق الهلالي وان الكل متربص به بل نحن من نتآمر على فريقنا اذا كذبنا على انفسنا وقلنا الفريق ممتاز وانه لا يهزم الا بمؤامرة اتمنى ان تشاهدو الفوارق الفنية بين الهلال والاتحاد وان تركزوا بالفرق الشاسع بين الهلال والشباب علينا ان نحمد الله اننا حققنا بطولتين في ظل ضعف الامكانيات الفنية للفريق فريق لا يوجد فيه سوى خمس لاعبين وهم الدعيع وتفاريس وخالد عزيز والتائب وياسر والباقي مع احترامي لهم لا يرتقون لطموحات الجمهور الهلالي لا يحتاج ان تحاك المؤامرات ضده شاهدنا مستوى الهلال بغياب التائب وعزيز وانفضاح مستويات البقية عبدالعزيز الخثران عمره وصل الاربعين ومع ذلك قدم مستوى كبير وكان نجم المبارة لكن الهلال يحتاج لاعبين شباب عمر الغامدي نووووووووووووووم بعد الحصول على الستة مليون يستاهل الشيخ عمر العنقري اتعبت من بعدك اعتزل وسنجلب لك بحفل اعتزالك نادي الرياض بس فكنا الله يرحم والديك سعد الذياب احس ان المدرب يحاول يقنعنا انه لاعب كرة قدم جربه جناح ما فلح جربة ظهير خلى العقل يطير رجع قلب دفاع زاد الاوجاع محتاجين غربلة شاملة وقوية تنفض اشباه اللاعبين نفض ونترك الحديث عن الرئاسة والامين للابد ونركز على الفريق ابتداء من الموسم القادم |
إنت متآكد إنك متابع المباراة عدلـ:d ضربت جزآء خيآليه إحتسبت للممثل الكبير كيتآ وضربت جزآء للفريدي بس الظاهر الحكم حولـ حسبهآ فآول وهي وأضحه إنهآ دآخل الـ18:upset: هذأ غير المصارعه الي صآرت خنق وطق ورفس :surprised: وإي لاعب يفتح فمه من الهلال على طول كرت يآخي والله قهر وإنآ إتحدأك لو إنك هلالي لأن مو معقوله تكون هلالي وترضى بالي صآر وتقول ما صار شي :naughty: |
والله يااخي انا اتفق معك في كثير مما ذكرت الا في إقتباس:
فوسط يجمع بين الخبره ......التايب ونواف والشلهوب وعزيز والغامدي والخثران والشباب .........الفريدي والكلثم وفهدسرور والدوسري والغنام يعني اكثر من 11 لاعب في خط الوسط مستوياتهم متقاربه بصراحه الهلال افضل من الاتحاد بكثير واللذي معظم لاعبيه منتهين الصلاحيه وغياب نور وشيكو وكيتا ثلاثة لاعبين فقط يقضي على الاتحاد |
كلام في قمة الروعه وها هو الصحيح لابد ان قول الحق لو على انفسنا |
معليش يالغالي .. حنا ماقلنا ان سبب عدم حصولنا على البطولات التحكيم ومن هالخراط الفاضي تبع النصراويين، لعلمك السنة هذي فقط والتي استقصدوا الهلال فيها حققنا بطولتين أهم بطولة في السعودية "الدوري السعودي الممتاز" وكاس ولي العهد، الهلال عناصرياً ممتاز ويحتاج إلى دعمه بلاعب أو اثنين فقط .! ماحدث قبل وأثناء المباراة مهزلة من أكبر المهازل والهلال رغم تكالب الظروف عليه لا يستحق الخسارة واليوم تأكدت أن الهلال عقدة الإتحاديين حتى وهو بهذه الظروف ومع كل التسهيلات للنادي الأصفر كانوا يلعبون على الهجمات المرتدة ووضح الخوف عليهم .! تحيتي لك ،، |
تسلم واللـه يا كبير أخي العزيز .. انت كمن يرشق الماء لايقاظ النائم ........وكم من مره اغمضنا العيون وكم من مره صرخنا على من يرشق اناء الماء يازعماء قوموا فوقوا من سباتكم حتى لاتتكاثر السقطات ولانبكي مجدا تليدا بايدنا اضعناه |
اخواني بالنسبة للاتحاد السعودي والتحكيم المنحاز ضد الهلال (من زمان) وليس وليد هذه المباراة او السنوات الاخيرة ولكن كان الهلال يتفنن في دق خشومهم والرد عليهم ف يالملعب الان اصبحت تلك المساعدات والانحياز يؤثر على الفريق الهلالي لان هناك لاعبين دون المستوى , نحتاج الى ترميم خط الدفاع (ونعتبر تفاريس والزوري هما عمودا الدفاع) ويحتاجون الى لاعبين على اعلى مستىو بجانبهم , ايضا علينا بدلا من التفكير في راس حربة ان نبحث عن لاعب وسط (هجومي) قوي بدنيا وصاحب مجهود عالي (لان الوسط لا نستطيع الاعتماد عليه) فالتايب (صاحب الاعذار في المبارياتالحاسمة) ما تضمن وش العذر القادم ليغيب عن مباراة مهمة والشلهوب (يلعب من غير نفس) ونواف (يحاول العودة ولكن لا يعرف الطريق) والفريدي )مازالت تنقصه الخبرة) اعطني خط وسط قوي اضمن لك السيطرة على المباريات في السنوات الاربع الاخيرة (قوة الهلال في دفاعه وحراسة ومحاوره) وبها حقق الهلا 7 بطولات والقوة تعتمد على الدعيع وتفاريس والمحاور عمر الغامدي وخالد عزيز اما هجوميا فياسر لوحده لا يجد المساندة من لاعبي الوسط نريد لاعب وسط يجيد تنفيذ لكرات الثابتة وصناعة اللعب والانطلاقات السريعة والتهديف (مثل كماتشو) ولكن يفوقه امكانيات ليجعل كفة الوسط تميل للهلال ويخفف الحمل عن الدفاع |
إقتباس:
والله بصراحه انظلمنامن الحكم كثير والمدرب بصراحه ماقصر ذبحنا بتغييراته |
الله واكبر الحين أخوي نصراوي متعصب معترف ان الهلال مظلوم ومتقصدينه الأتحاد السعودي حبيبي اذا تقصد ان ماننسى احتياجات الفريق فأنا معك لكن اذا تقصد أن الهلال مانظلم لا يحبيبي لو في نادي في العالم يتعرض له من ظلم وحرب مثل الهلال كان ما حقق أي بطوله |
مؤيد مؤيد وبقوة .. للحكي هذا كله .. الله يعطيك العافيه ماكنك الا قلت شي بخاطري ودي اقوله .. خصوصا بعد ماتصفحت المنتدى ورأيت من النقد مايغضبني .. كنت أتصور ولازلت احمل هذا الامل في مخيلتي .. كهلالي متعصب لفريقه وعاشق الازرق .. الجمهور الهلالي راقي بكتاباته وراقي بتحليله للأمور .. الجمهور الهلالي لايلتفت لتفاهات التحكيم والامور السخيفة .. الهلاليون اكبر من هذا كله .. ولكن للأسف .. اللي يدخل المنتدى اليوم يشوف كيف الجمهور عاصب عينه ويتخبط بالكلام الباطل الممزوج بعنصريه وعدم وعي .. أخوي عاشق النمر والذئب - الله ينصر دينك ياشيخ .. بل بالعكس ماكتبت الا ماعجزت الاقلام المتعصبة كتابته .. ياأخواني صدقوني فريقنا تعبان والعناصر الفعاله ماتتعدى اربعه او خمسه .. ليش ماتنقد وتناقش وتفتح عيونك وتشيل الستار اللي على عيوبك قبل ماتحط عيوبك على ظهر غيرك .. انظروا لفريقكم بنظرة المتحايد وسطر نقدك بأمانه لعلها تفيد أكثر من العنصريه العمياء التي لاتغني ولاتسمن من جوع .. ياأخواني التحكيم فعلا كان عليه مآخذ .. لكن مو معناته المسخرة اللي صارت فينا .. لجنة الانضباط حرمتنا بقرارتها السقيمة من اللعب في ارضنا .. ولكن هذا مايبرر الهزيمه .. ياعزيزي الهلال كان اكثر فوزه في جده .. بل انها اكثر بكثير عندما يلعب في ارضه .. ( اتكلم عن المباريات الحاسمة طبعا ) .. ياعزيزي جمهور الهلال في كل مكان .. بجدة بالشرقية بمكه بمنفوحة .. منتشر ولله الحمد .. ترجعون تقولون ظلم توقيف التايب .. نقول اوكيه ظلم .. بس هل يعقل فريق عريق مرصع بالبطولات ومليء بفطاحلة الملاعب .. كيوسف وسامي ونواف و و و و و .. هل يعقل ان يكون امله الوحيد في التايب ؟؟ .. يااخواني فتحوا عيونكم شوفوا كيف غياب التايب يأثر على الفريق بشكل واضح وكبير .. هذا يدل على ضعف شنيع في فريقنا لازم نلتفت اليه .. ولاتسيرون على خطا النصر .. كما قال اخونا عاشق النمر والذئب .. والله العظيم اني ماقدرت انام من الهزيمه اللي صارت فينا .. ضيقه بصدري مايعلمها الا الله .. لكن الحق يقال .. لعل المسؤولين يعيدون النظر ويصلحون ماهو فاسد .. ان شا الله تصلح امور الفريق الغالي ويفكونا من اللاعبين المقالب وبدون ذكر اسماء فهي معروفة وااخونا عاشق والنمر والذئب اشار اليها .. وفي الختام .. ياشباب نصيحة ابريء بها نفسي امام الله .. خافوا ربكم ولاتلعنون فلان وتسبون فلان .. ترى كلنا مسلمين برضه وترى كلها كورة .. والله العظيم اللي يشوفنا يقول حشا مسلمين وكفار يتلاعنون .. والله عيب علينا .. واحد يقول " لعنة الله عليهم ظلمونا ومادري وشو " والثاني يسب بكل أريحية ومتجرد من الحيا ومن الحشمة والرزانه في العقل .. انا ملاحظ تغير كبير في المنتدى والجمهور الهلالي اللي اخبره زمان كان اكبر من كذا .. انا فعلا كتاباتي قليله لكني متابع الفريق .. وعضويتي في المنتدى قديمة بالحيل وكان ايامها الجمهور وش حليله ياحبي له .. تكفون يالربع .. خافوا الله في اللي تقولونه .. والله مو ناقصنا ذنوب .. |
إقتباس:
كلامك الاول سليم من ناحية التحكيم/ لكن الهلال يختلف كليا عن النصرلا من ناحية الادراة ولا الجماهير وحتى الفكر فا بالامس لم نعلق الخسارة فقط على التحكيم....ولو كان بعضنا يرى ذلكفنحن كجماهير لا نعتمد على تصاريح الادارة او اعضاء الشرف حتى لا نرى الا مايرون اما من ناحية الفريق يبغالة غربلة !!!!!!!!!! حط عندها الف مليون علامة استفهام وتعجب اي غربلة فريق يخسر مباراة وتقول غربلة اجل لو ما جاب بطولتين وخسر الثالثة في النهائي وش تبي تقول ....واذا بغيت تعرف قيمة اللاعبين اللي تتكلم عنهم جب لي واحد في نفس المركز وبمستواهم اوافضل منهم ما راح تلقى الا القليل واللي شراهم يكلف ملايين لانهم افضل شوي بس؟؟؟ بعدين قاعده الهلال متأثر بغياب طارق هذي كليشة واللي يقولها ما يعرف الهلال ابدا يسمع ويقول:stoned: |
إقتباس:
انا ملاحظ هجومك الدايم على التايب ؟؟ ذابح اخوك ؟؟ :d والا يمكن كـــل ذا عشان كماتشو ؟؟ :d اقووول ترى كنت احب كماتشو .. بس كرهتني فيه الله يلعنه !! ... سي يو |
اتفق معك اخي في بعض الطرح ولكن اختلف معاك في شي واحد اللي هو تشبيه الهلال بالنصر فشتان اخي بين الثرى والثريا :( |
اولا- احنا ما ننكر ان فيه غلطات فنيه واضحه ثانيا-الهلال لا زم{يكرش} كم من لاعب زي [الذياب-البرقان-الغنام.......] ثالثا- ما فيه احد مايقول ان الحكم اهدى الفوز للاتحادحتى اي اتحادي يقول كذا |
كلام في قمة الروعه وها هو الصحيح لابد ان قول الحق لو على انفسنا واتمنى من الهلالي 305 يشوف المباراه مره ثانيه وشوف مستوى لاعبينا في المباراه واذا كان على التحكيم لنا ضربتين جزاء وللاتحاد ضربتين جزاء والا ياهلالي 305 ما شفت الدقيقه 86 وضربة الجزاء للحسن كيتا اذا انهزمنا قلنا مؤامره ونسب وشتم بالاتحاد السعودي ولجنة الانضباط والله هاذي ماهي اخلاق الهلال اللي تعودنا عليها ومن جماهيره فرق عالميه تنهزم وهذا حال الكوووره وبعدين لا نستعجل ان شاء الله يصدر قرار بإيقاف المولد مشكلتنا عاطفييين بزياده الخلاف في الراي لا يفسد للود قضيه وفي بعضهم لازم اقول مؤامره واتهجم على التحكيم والاتحاد السعودي عشان اكون هلالي والله هاذي ما كانت اخلاق الهلال و جماهيره وضع المنتدى اصبح غريب . الله يفكنا من هالتعصب |
| الوقت المعتمد في المنتدى بتوقيت جرينتش +3.
الوقت الان » 12:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd