|
@لاعب مصاب وماتمرن يوميين ولاعب قبل ثلاث ايام مباراة ويقدم هذا المستوى لاتعليق@ a r t والله ريحتكم فاحت والي صار اليوم اثبت دعمك للاتي اولاً هاردلك وهذي هي الكوره فوز وخساره وبالنسبه للنتيجه الاخطاء التحكيميه ساهمت بغض النظر مقصوده اولا ثانيا عندي موضوع من شقيين الاول مستوى كيتا اليوم بصراحه لم اشاهد كيتا يلعب بهذا المستوى منذ قدومه للاتحاد سرعه لياقه مهاره من اليمين لليسار اشغل المدافعيين بس انا ملاحظ شي كيتا لعب يوم الاحد مباراة قويه 90 دقيقه مع الاتفاق اصيب يوم الاثنيين في التمرين لم يشارك في تمارين يوم الثلاثاء او الاربعاء يعني لم يشارك في تمرين كامل من بعد مباراة الاتفاق هل يعقل لاعب واجه هذي الظروف ويلعب بهذا الشكل مانشستر يونايتد خسر من تشيلسي بسبب الارهاق من مباراة برشلونه وهذا وهم فريق عالمي لاتفهموني غلط انا مااقول ماكل منشطات لا انا اقول يمكن عند الاتحاديين شي ينشط مسموح به في الملاعب مثل ريد بل او باورهاوس او بايسن اقل شي نعطيه لاعبي المنتخب الشق الثاني ال اي ار تي ماشاء الله عليهم اذا اللقطه على الهلال او جمهوره جابوا كل شي بعشرين كاميرا اما اذا كانت على الاتحاد ماجابوا شي والدليل لقطت المولد جابوها مره على استحياء والفوده جاب اللقطه من الجهه الي ماوضح فيها الضرب وقال مسك وكرت اصفر ياحليلكم واما لقطت الجماهير حدث ولاحرج لو رمى هلالي ورقه جابوها عشرين مره وجماهير الاتحاد ترمي الشباشب الله يكرمكم ولا لقطه اكيد جمهور الوطن في النهايه هاردلك مره ثانيه ومبروكيين بطولة كاس ولي العهد والدوري الي هي اكبر بطولات الموسم ومبروك عليكم الزوري والفريدي والكلثم والدوسري انا ماقول خسرنى التاهل ولاكن مانبي نبالغ لاننا راح نواجه الاتحاد بارضه وبين جمهوره في المدرجات وال اي ارتي في التلفزيون |
افا وين الردود وين التعليقات متحمس وانا اكتب الموضوع |
يعطيك العافيه والحسن كيتا عليه علامات أستفهام ؟؟؟؟؟ وليس علامه واحده |
يا رجّال الحمد لله على كل حال .. وكيتا أنا كتبت عنه موضوع وواضح هذا الشئ .. والله ابهرني النشاط الي فيه .. وعلى فكره ترى له قضية منشطات في الدوري السويسري .. لكن بإذن الله الله بينصرنا في الاياب .. وما على الله شئ صعب بإذن الله رجال الهلال يحولون الملعب الى ساحة معركه .. ويحرثون الملعب طول وعرض .. ويحققون الفوز .. وكرة القدم لا تعرف المستحيل |
مصدق إن كيتا كان مصاب .. لو مصاب ما أمداه يرجع ... الرجال على قولة أحد الأعضاء هنا لو يلعب مباراة ثانيه ما عنده مشكله يعنى لو كان مصاب ما كان يقدر يلعب بهالنشاط كله .. !! |
الحمدلله على كل حال نشوف لجنة الانضباط وش بتطلع قرار بكرا عن اسامه المولد والحمدلله اخذنا اهم بطولتين وان شاءلله تكون المبارة الجايه رد اعتبار بغض النظر تأهلنا او لا ونطلع بنتيجه حلوه بمستوا ونتيجه اما بالنسبه لمباره اليوم الفريق مو بيومه حظ ومدرب اخطاء اليوم في الخطه وسحب الظهيرين والهجوم كأن مافي مبارة اياب ! وحكم !! يعني افضل لاعبين العنقري قدم مستوا جيد وياسر والدعيع وتفاريس وعزيزوالذياب الباقي تكملة عدد مدري شفيهم بضبط يوم يطلعون لنا بمستوا ممتاز ومافي احسن منهم مثل المرشدي كان جيد جدا بس اخر مبارتتين اصبح نقطة ضعف للهلال الزوري بعد الاصابه نزل مستواه ولا رفعه اليوم الخثران ولاكوره صح الا الهدف والرفعه الي جت للفريدي وضيعها الغامدي يعطل الهجمه ! الشلهوب يحتاج لراحه يااعااالم هجمه قدام الباب وتردد عليها وضاعت ! الكلثم من زمان مالعب ويدخل اليوم ويصير دفاع مع الاتحاد بكوره المفروض ك مهاجم تشوتها ع المرمى ! مو تبعدها الفريدي لعب وتحرك بس الانانيه والتغطيه ويتردد اذا صار عند المرمى ننسى الي صار اليوم ونفكر بمبارة الجايه الله يوفقهم المره الجايه شكرا ع الموضوع :D على فكره الامير بندر بن محمد حكى عن ART قال خل فوده يقول عن التحكيم ولايختار القطات الي يبيها وعن البلنتي يقول انكم تعيدون حقت الاتحاد اكثر من مره والهلال لا ياحبي له بس |
المباراة انتهت بخيرها وشرها أنا أشوف أن الهلال قادر على العودة للمنافسة بقدرة الله أولاو أخيرا ولكن لابد من عدم اليأس وتهيئة اللاعبين لابد من التركيز على التهيئة النفسية للهلال قبل كل شئ يا زعماء لانريد نتكلم عن لجان واتحاد سعودي وحكم ومنشطات وغير ذلك وليكن شعارنا من الآن إلى يوم المباراة واحد وهو ( تأكيدوتجديد الثقة في لاعبينا ومدربنا وإدارتنا ) وسيعود الهلال بإذن الله صدقوني لأنه الهلال سيعود ويعيد الإبتسامة لجماهيره فقط كونوا يدا واحدة مع الهلال ياهلال عزك عزنا يا هلااال |
والله لعب كيتا اليوم غريب...لاعب مصاب ويطلع منه كل هذا... لازم فبه لجنة لكشف المنشطات... |
والله والذي نفسي بيده لو آمنا بأننا نستطيع الفوز بالخمسة بنفوز بعد مشيئة الله وربي يا ناس ورب الكعبة نقدر بس ننتظر التوفيق من الله سبحانه..! لو كل لاعب آمن وكلم نفسه وغرز فيها التاهل للنهائي سنتأهل لو كانت 20 صفر بس نحتاج ثقة في انفسنا وهذي حقائق علميه والله .. نقدر نعمل المعجزات بس نتفائل (صلى الله عليه وسلم قال ؟:( تفاءلوا بالخير تجدوه ) لو تركزون في هذا الحديث راح تعرفون ليش انا متفائل |
تبون تبررون الهزيمه بالقوه عشان كيتا لعب بشكل ممتاز المباراه انتهت وفاز الاتحاد وفوز مستحق |
الله يعين بس الزعيم خسر قبل ما تبدء المباراه نفسيااا ................................................................... |
الله مع هلالنا --------------------------------- |
لاتلومه الأطراف مسحوبه وملعب الخصم مفتوح ماتبيه يسجل يا اخي والله لاعب حاره يقدر يسجل لكن هالسؤال يوجه لكوزمين |
الحمد الله علي كل حال يا رب يفوز الهلال علي الاتحاد في الاياب يا رب بالتوفيق للهلال ان شاء الله |
خلونا نقول لوأعطي أسامة المولد كرت أصفر على قولة الفودة .... وعنده كرت في مباراة الأتفاق فدفاع الأتحاد مضروب خمسين بالميه المباراة الجايه اللهم من أراد الهلال بشر فأشغله في نفسه اللهم من أراد الهلال بشر فأشغله في نفسه اللهم من أراد الهلال بشر فأشغله في نفسه اللهم من أراد الهلال بشر فأشغله في نفسه اللهم من أراد الهلال بشر فأشغله في نفسه اللهم من أراد الهلال بشر فأشغله في نفسه اللهم من أراد الهلال بشر فأشغله في نفسه اللهم من أراد الهلال بشر فأشغله في نفسه اللهم من أراد الهلال بشر فأشغله في نفسه اللهم من أراد الهلال بشر فأشغله في نفسه اللهم من أراد الهلال بشر فأشغله في نفسه |
| الوقت المعتمد في المنتدى بتوقيت جرينتش +3.
الوقت الان » 07:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd