ما ذبح الهلال إلا هؤلاء أنصاف اللاعبين

تخيل فريق مثل الهلال ليس لديه في قائمة الأربعين إلا مهاجم واحد ( ياسر القحطاني )

والبقية تكملة عدد واحيانا مدافعين للفريق المنافس

إذا غاب ياسر وضعنا أيدينا على قلوبنا

لدينا لاعبين جالسين على كبودنا

أتمنى خصخصة الأندية في القريب العاجل حتى نتخلص من أعضاء الشرف الذين لا يدفعون إلا إذا تم تلبية رغباتهم

ورغباتهم معروفة كواسطات للعيبه معينين انتهت صلاحياتهم

ولا ما معنى نواف التمياط أساسي على حساب عبدالعزيز الدوسري المبدع

ليس انتقاصا أو انتقاما لنواف لكن مستواه لا يؤهله للعب

وهو نموذج للاعبين كثر في الهلال كالمفرج والعنقري والهليل والبرقان والياس والخراشي والعبدالسلام والموري

شاهدوا ما يفعله عبدالله غازي وذياب مجرشي في الحزم وأحمد عباس ومازن الفرج في الطائي وهم منسقين الهلال

تخيل شركة موبايلي ماسكه الهلال وتدير شؤونه وتعين رئيساً له ومدراء ادارات وهكذا كما يحصل في الأندية الأوروبية

كيف سيكون وضع الهلال

ههههه شيء طبيعي هذا عيبنا كجمهور متعصب

بعد الخسارة نحط اللوم على اللاعبين ولا المدرب ولا نشوف اي عذر ونجيبه

عالعموم انا اختلف معاك في انتقاد اللاعبين المرشدي والفريدي اما البقية

اسف لاتعليق

لكن خالد العنقري والصراحه تقال انه بدع في المباراة الوحدة وقلنا بدا يرفع مستواه لكن من بعد اليوم اتوقع لو يروح ويا النزهان في سدوس احسن له

الحين تمدحون الفريدي في مباراة الهلال والاتحاد في الدوري

وهو الذي صنع الهدف الوحيد ...........................

واليوم تسبونه والله جمهور ما نفهملكم

يا رجاال خلي عنك الكلام الفاضي بلا انصاف لاعبين بلا خرابيط يعني الزوري مو لاعب والمرشدي مو دفاع صلب وبعدين تعال يا باشا ناقد ليش ما تجيب لاعبين بالمواصفات اللي تبيها وعلى حسابك الخاص اقول خل عنك الهرج الزايد اليوم اللي هزم روح لاعبين الهلال الحكم اللي ما اتوفق في إدارة المباراة بالشكل النصف مطلوب ولا كان الهلال جاب العيد في عميدهم

أرجع للمباراة وبتشوف إن الهلال بعد هدف الخثران كان بإمكانه تسجيل التعادل ويمكن الفوز لكن إغفاله لضربة الجزاء واللي جا من خلالها الهدف الثالث قتلت روح اللاعبين وفي مباراة مثل هذي وظروف سيئه من لجنة معاقبة الهلال التي كان لها الدور الرئيسي في هذه الخسارة

وعن العقلاء اللي تتكلم عنهم أقول لو كل واحد طاوعك فيما كتبت اقله ارجع وتابع مواضيعك كلها وشوف روحك اللي تغنت بنفس اللاعبين في البطولتين اللي حققناها

وشكراً

ياخوي الى متى وحنا نلعب باسماء كانت في السابق نجوم
لكل نجم نهاية
والله حرام عبدالعزيز الدوسري حبيس الاحتياد والشلهوب بهذا المستوى!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

هارلك للجميع وياليت كل واحد يعرف وش يكتب في مثل هالاوقات

من تقول عنهم انصاف لاعبين هم من اتوا لك بالدوري وكأس ولي العهد يالفاهم
والفريق كتله واحدة وليس لاعب او لاعبين

لا إلآه إلا الله اللهم صلي على محمد وعلى آل محمد ياجماعة وحدوا الله وصلوا على محمد

حشا ماصارت الدعوه مباراة كرة قدم ألا تثقون بالزعيم ... إذن كونوا معه وتوكلوا على الله


المباراة انتهت بخيرها وشرها أنا أشوف أن الهلال قادر على العودة للمنافسة بقدرة الله أولاو أخيرا ولكن لابد من عدم اليأس وتهيئة اللاعبين لابد من التركيز على التهيئة النفسية للهلال قبل كل شئ يا زعماء لانريد نتكلم عن لجان واتحاد سعودي وحكم ومنشطات وغير ذلك وليكن شعارنا من الآن إلى يوم المباراة واحد وهو ( تأكيدوتجديد الثقة في لاعبينا ومدربنا وإدارتنا ) وسيعود الهلال بإذن الله صدقوني لأنه الهلال سيعود ويعيد الإبتسامة لجماهيره فقط كونوا يدا واحدة مع الهلال

صحيح تفاريس ماكان في مستواه ابدا ابدا

لكن قدر الله وما شاء فعل

يالغالي نبي ظهير (الرهيب ولا اجنبي)

ومهاجم مع الصويلح وياسر و ياليت السهلاوي ...

ويجي الهوساوي اللي مكانه فاضي

وتنسيق العنقري والمفرج والهليل والخراشي وسرور وشاكلتهم اللي من زمان ندري انهم تالفــــين

إقتباس:

الرسالة الأصلية كتبت بواسطة Goopee (مشاركة 8369892) يا رجاال خلي عنك الكلام الفاضي بلا انصاف لاعبين بلا خرابيط يعني الزوري مو لاعب والمرشدي مو دفاع صلب وبعدين تعال يا باشا ناقد ليش ما تجيب لاعبين بالمواصفات اللي تبيها وعلى حسابك الخاص اقول خل عنك الهرج الزايد اليوم اللي هزم روح لاعبين الهلال الحكم اللي ما اتوفق في إدارة المباراة بالشكل النصف مطلوب ولا كان الهلال جاب العيد في عميدهم

لو كان المرشدي دفاع صلب فكيف استطاع الحسن كيتا لوحده تسجيل ثلاثه اهداف والتسبب بضربة جزاء؟؟؟ وافترض ان الاتحاد لعب بمهاجمين فكم ستكون النتيجة؟؟؟
لكن صادقين مع انفسنا ما دام المرشدي وبقية انصاف اللاعبين يقدمون هذا المستوى امام فريق سعودي فماذا سيكون وضع الهلال عندما يشارك في البطولة الاسيوية؟ هل ستلعب امام الفرق الايرانية او السورية او الاوزبكية وحتى الاماراتيه بهؤلاء اللاعبين ؟

تحياتي للجميع

المرشدي وبكل جداره الحلقه الأضعف في تشكيله الهلال

والله جمهور مصاب بمرض انفصام بالشخصية الا من رحم ربي

وأنت اول واحد مصاب دامك مسمي نفسك أبو مايكل النجدي وش جايب مايكل لنجد

الحمدلله الذي عافانا