|
قارورة نواف VS قارورة التائب السلام عليكم http://upload.alhilal.com/img/012/za...mmam%20(4).JPG شتان بين ردة فعل التائب وردة فعل نواف التمياط في معركة ذات القوارير غالب المواضيع في المنتدى عن التائب وايقافه وانه لايستاهل وانه مظلوم فيه ناس ترى انه مظلوم لان اطلق شنب لو تجيه القارورة اللي جت ابو نادين مايتفل الله يعزكم كان يمكن ياخذ القارورة ويصكها بجبهة اللي رماها لان حسب كلام البرقان ان التايب يقول حسيت بكهرب بجسمي من قوة الطقة فيه ناس تقول لا يستاهل ماجاه وانا واحد منهم ليه يستاهل طيب ؟ لان اللاعب قدوة مهوب يحسب نفسه يلعب بحوش بيتهم علشان يتصرف على كيفه كل تصرفات اللاعب محسوبة عليه وعلى فريقة وتضره وتضر فريقه مثل ما سوى التايب بردة الفعلة الغبية بالبصق واشارة الاثنين باصابعه حتى اثار الجمهور وكلن بدا يرجم من كل جهة لو مع ان لو تفتح عمل الشيطان أقول لو ان التائب مسك اعصابه كما فعل الخلوق نواف كان ماصار كل هالضجة ولكن الشرارة كانت التفلة استغرب منكم تناسي فعل نواف بعد ما تم ضربه بالقارورة وكيف كانت ردة فعله حتى ان رجل الخط سحبه خاف عليه لله درك يا نواف كم انت مثال للاخلاق والهدوء والاتزان واشهد لك بذلك منذ ان زاملتك في ثانوية الماوردي عام 1412 فاشهد الله اني لم اسمع صوتك الا همسا يوم ان كنت بأول ثانوي وكنت انا في آخر سنة في ثالث وكنت تخرج من فصلك في الفسحة وتقف عند باب الفصل ولا تحتك بأحد لما عرف عن هذه الثانوية بكثرة المشاكل فمن يوم يومك كنت محترم ولست غاوي للمشاكل مشكلة بعض الجماهير الهلالية انها رأسمالية اديني اديك :upset: يعني اذا لاعب جالس يبدع مع الهلال حاليا طاروا فيه وخذ ياتصاميم وريمكس وكليبات واذا انطفى نجمه صار في عالم النسيان نسيتوا نواف الفتى الذهبي نسيتوا نواف 2000 لاتنسوا انه ابتلي بإصابة قضت عليه ولكنه عاد كله حب بالهلال كله بسبب فرقة المفصليات الاتحادية بقيادة نور اللي جلس في ذيك المباراة منشن على مفاصل نواف لما جهزهاوخدرها للاعب الايطالي جلسي وجاء وكمل الباقي حسبنا الله ونعم الوكيل لمشاهدة الاصابة هنــــا لك كل تحية وتقدير يابو بندر على اخلاقك وهدوئك وهذا الموضوع هدية مني لك :) ----------------- هدية للذكرى CLICK HERE |
نوااف معروف بـ اخلااقه العااليـه !! والتاايب كذالك .. بس لاننسـي ان التاايب .. عصبي زيااده ..وزي مايقولوون ..كل فعل ردة فعل !! والتاايب نجم ونواف نجم !! لك تحيااتي !! |
فيه فرق بين الرجمه الي جت التايب في منطقه شينه وعلى كلامه حس بكهرب اقلها انه بيتفل اكرمكم الله حط نفسك مكانه فجأه بدون اي سبب واي انذار تجيك رجمه وش بتسوي بخصوص نواف ترا الرجمه الي جته ولا وحده جته وان كان جته فهو شافها قبل لاتجيه وتفاداها عشان كذا مافيه ردة فعل فهمت الحين بخصوص على قولتك (نسيتوا نواف الفتى الذهبي) لاا مانسيناه ومحد ينكر نواف 2000 بس خلك واقعي نواف طاح مستواه عن اول فاشي طبيعي محد مسويله ريمكسات وتصاميم على قولتك التصماميم والريمكسات للاعب الي يمتع جمهوره ويفيد ناديه المثل يقول من جد وجد شف عمر الغامدي شف الدعيع يلعبون من قلب يطيح مستواهم فتره بسيطه لاكن يرجع ثانيه بس نواف طاح مستواه وعيا لاايرجع وكلنا نتمنى انه يرجع مستواه ز |
التمايط كان حاسب حسابه و متوقع انهم راح يرجمون لكن التائب جاته العلبه بدون سابق إنذار على كل حال التايب كان المفروض يمسك اعصابه والرجال أعتذر والتمياط معروف بأخلاقه العاليه وسلامتكم |
إقتباس:
يعطيك العافية نفس كلامي اللي قلته لخوياي قبل يومين .. التائب القاروره كانت مفاجئة من الخلف .. واتت في اول رمي للقوارير اما نواف فهو شاف ماحصل للتائب .. وكان منتبه للحذف حتى اللي وصله كان يتفاده اتمنى لانحكم على التائب بكل عنهجية وكأنه من غير نادينا .. ونزيد الطين بله طارق يحتاج للدعم لانه علامه فارقه في الزعيم رضي من رضي وابى من ابى |
.. ياخي كل انسان وله صفاته الخاصه فيه .. :) يعني واحد يقدر يضبط نفسه بمواقف والثاني لا :surprised: لاتكبرون السالفه الرجال اعتذر .. |
اخوي بدون الدخول في المقارنات (لكل انسان شخصيته) ولكل حدث ظروفه ما يهمنا ان التايب اخطأ (ويجب ان يحسب حساب الجمهور الهلال) ولا يلتفت للاستفزازات عبده عطيف عدى استفز واخذ كرت اوقف مباراة مهمة قارورة جاته على راسه تفل على الجماهير بدون تفكير واوقف 4 مباريات ما ادري من كثر غيابات طارق اتوقع ان المرة القادمة اذا ما احد استفزه (بيمسك قارورة ويضرب نفسه) عشان يغيب عن مباريات الحسم طارق في الاشهر الثلاث الماضية لاول مرة يقدم مجهود متواصل بدون اصابات ولكن خربها (بتلك التصرفات) التي تشغل الهلالييين كثيرا انظرو خلال عامين فقط الموسم الاول كله انشغالات باصابات التايب ثم انشغالات بكروت التايب والان انشغالات بردة فعل التايب (ورانا فريق نريد ان نركز عليه ) ارجو من طارق وهو لاعب كبير ان يعي ما يفعل (ان كان فعلا يبادل الجماهير الهلالية نفس الحب والتقدير) |
مثل ماقالو اللي قبلي طارق جته في مكان قوي في رقبته وفجأه نواف لاعب خلوق وكبير وهذا شي معروف بس الضربه جته في ذراعه وكان عارف ان فيه رجم فيه فرق بين الاثنين صحيح ان طارق اخطأ لكن الحق يقال الضربه كانت قويه حسبي الله عليهم الـ***** الله يوفق الهلال يوم الخميس |
اخوي نواف اخلاقه عاليه وطارق ايضا بس بوقت الالم محد تحكم باعصابه |
نواااااااااااااااااااااااااااااااااااااااااااااااااااااااااااااااااااااااااااف كبيييييييير كالعــــــاااااده انسااان خلوووق الله يحفظك ياااارب وان شاااء الله انت بالطريق للعوده كماا عهدناااااك |
وهديه مني قاروره عقل لك في نفس مكان ضربه التايب شكراااااااااااااااااااااا |
استغفر الله من كل ذنب عظيم وحنا مانخلص من هالسالفه وربي خلص كلامي من كثر ماأرد على هذي المواضيع انتهى الموضوع وطارق تعاقب وجماهيرنا تعاقبت كلامكم بيغير من الموضوع شي نووووووووووووواف اخلاق وادب والتايب لايقل عنه ابدا لاتحكمون على اي شخص من ردة فعله لان ردة الفعل تكون بدون ادراك من الشخص ولا تبدا تقارن كل لاعب وشخصيته وتفتح باب حق المقارنات والله يوفقنا ويوفقهم |
بالنهاايهـ ووش تبي تقوول .!. درست مع نوااف !! يآآخي جمهور مدري كيف يفكر !! |
ياخي كلامك رائع وجميل و لكن لا اريدك ان تغفل عن عنصر المفاجئه التي تلقاها التائب مما افقده السيطره على اعصابه بينما نواف او الا عب الوحداوي كانوا متهيئين لذلك فتكون رده الفعل اهدى لديهم |
أقول نواف علشانه خويك .. تقعد تجامل لنا فيه ... يا اخي أعطي كل واحد حقه .... والله كأننا ننفخ في قربة مخرومة ... الف مرة نقول .. أنه نواف عارف انه في رمي ورجم قبل مايطب الملعب .. وهو جالس بره يتفرج على ابداعات التايب ...<--- يساتهل يقعد احتياط الين يتعدل .. ويصير يعرف يلعب .. ذكرياته ما حتجيب لنا بطولة ... والتايب جاته الرمية من الخلف .. وهو أول واحد انضرب في الملعب كله .. ولو كان نواف انضرب قبله كان بكي من ردة الفعل .... مو بس تفل عليهم ... بس انتوا الله يهديكم .. !!! علشانه خويك ... تكتب له موضوع للذكرى !!!!! والثاني اللي يقول .. السنه الاولى اصابات .. والثانية كرووت .. والثالثه ما ادري وش هو ...!!!! هذا عشانه جدد معاكم صرتوا تتكلموا عليه كذا ... لو ماكان جدد معاكم .. كنتوا قعدتوا تجروون وراه علشان يجدد وما يروح للنصر ولا الاتحاد ... أعطي كل واحد حقه ... ولا تجرح أحد .. ولا تقول على أحد غبي ... عيب اكلام اللي كتبته .... |
| الوقت المعتمد في المنتدى بتوقيت جرينتش +3.
الوقت الان » 01:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd