إقتباس الرسالة الأصلية كتبت بواسطة أول العنقود 1- ماهي مواصفات فتــــآة أحلامك ؟ طويلة بس مو مرة و أنيقة و تعشق الهدوء و تحب الأطفال و ما يحتاج أكمل لأن شهادتي فيها مجروحة

أنآ مايمديني يانآس على الغزل اللي عيني عينك

إقتباس 2- ماهو شعورك إذا رفضتك العروسة ؟ وش عاد إذا كانت هي اللي يحبها قلبك ؟ أستبعد بحثي عن زوجة أخرى بعد رفض حبيبة القلب لكن و لله الحمد ما رفضت

خل عنك بس ألا بتجيك أم العقد لو رفضت وجهك السمح ..

إقتباس 3- ماهي الطريقة اللتي تود أن تتزوج بها هل اختيار الأهل أم اختيارك ؟ إختياري و الوالد الله يحفظه يتكفل بالباقي و بهذه المناسبة أحب أدعو كل أعضاء المجلس العام إلى حفلة زفافي المتوقع إقامته في 9/9/2009

مــآشــآء الله ..

مــآشـــآء الله تبآرك الله ..

إقتباس 1- ماهي الطريقة اللتي تود أن تتزوج بها هل اختيار الأهل أم اختيارك ؟

اولا لقد انه موضوع حركتات واكشن وازد وازد
1- ماهي مواصفات فتــــآة أحلامك ؟
يالبا قلبها لقد انني حاط وحده فبالي ياحبي لها ان شاء الله تصير ام لعيالي هي وخشتها كل شي بها حلو اخلاقها جمالها خشتها المصون ياحبي لها
2- ماهو شعورك إذا رفضتك العروسة ؟ وش عاد إذا كانت هي اللي يحبها قلبك ؟
الله لايجيب ذيك اللحظه لان الي فبالي كل حياتي صراحتن يعني اذا ماصار نصيب ابشرب كروليكس
3- ماهي الطريقة اللتي تود أن تتزوج بها هل اختيار الأهل أم اختيارك ؟
اخترتها وقضيت خلن اقضي من عله الجامعه ثمن اخطبها









ويامال الصنكيوات على هيك مواضيع

إقتباس الرسالة الأصلية كتبت بواسطة A B B O D 1- ماهي مواصفات فتــــآة أحلامك ؟ 2- ماهو شعورك إذا رفضتك العروسة ؟ وش عاد إذا كانت هي اللي يحبها قلبك ؟ 3- ماهي الطريقة اللتي تود أن تتزوج بها هل اختيار الأهل أم اختيارك ؟ --------- جـ1 / فتاة احلامي تكون اول شي طايعه لـ اهلها .. بعدين تكون على مستوى عالي من الاخلاق .. لان بعض( وركزوا على كلمة بعض ) بنات هالزمن قلت عندهم الاخلاق للأسف .. اما الجمال فيكون ايضاً من اهم متطلباتي لكن اهميته ليست أكثر من طاعة الوالدين والأخلاق .. ومثل ما قال الشاعر [ اهم شي الاخلاق وحب الوطن ]

أما هالشاعر ودي إني مصفقته ماجاب سيرتي أبد

خيوو بكون معك واقعية حبتين ..

البنات هاليومين وعلى مرأى من عيني ينقسمون إلى قسمين وأتوقع الصالحات يغلبون بالعدد على عديمات الاخلاق ..

لما نتكلم عن عديمات الأخلاق فهؤلاء حدث ولا حرج ..

ياربييييه تجيني حالة الغثيان إذا شفت إحداهم ..


بالذات هاليومين بنات البوي كاثرات بشكل غير طبيعي وحط على كلمة غير طبيعي مئة خط ..


والله ان حالتهم مؤسفة جدآآآآ ..


المهم ماودي أخرب عليك جوك


فيه بنات والنعم والله ينحطون على الجرح يبرى

إقتباس جـ2 / والله اكيد بينطعن قلبي .. لكن الحياة ما توقف عند بنت .. بس الأكيد انه فيه غيرها مثلها وابرك منها من بنات السعودية ..

وأنا أشهـــــــــد ..

ياكثرهم اللي ربي مبارك فيهم وش عاد انهم بنات كتكوتات ياختي ماحلاهم

إقتباس جـ3 / والله اختيار الأهل اكيد .. خصوصاً انهم يكونون يعرفون البنت ويسألون عنها ..

اللي يحسن الظن بربي والله انه بيرزقه كل ماتشتهيه نفسه وترتضيه ..

إقتباس للجميع/ 1- كلمة توجهونها للفتاة اللتي تنتظر فارس أحلامها ضاربة بعرض الحائط معارضة اهلها له .. بقولها ( إن كان ربي كاتب لي آخذه فأنا له حتى لو العالم كله ضدي) .. -------------- اقول لها والله الرجال الطيبين والـ ( حلوين ) كثير وانتي توكلي على الله وحاولي تمحينه من راسك .. لانه يمكن يكون ما يبغاك !!

هو من ناحية الحلوين كثير مافيه كلام ..

بس بالله وش أبي بحلاته وهو ماعنده من الطيب شربه ..

يحمل لوحة مكتوب عليها بالبند العريض

لا يغركم شكلي ..

إقتباس الف شكر اختي على الموضوع الجريء ..

عبدالله ..

أشكر لك روووعة طرحك ..

وطيبة قلبك العذب ..

تسلم والله ولآهنتْ ..

.


دمت لمن أحببتْ ..

حي الله متابعه بصمت . طرحك دائماا يجد القبول من الجميع وهذا إن دل فإنما يدل على حسك التهديفي الراقي < ذبحتنا الكوره

طبعا الزواج نصف الدين وكل شخص يتمنى ويحاول بناء مستقبله حتى يعيش حياة طبيعيه ويطبق سنه إلهيه مشروعه للجميع .. ولا أخفيك ســراً ( ودي أتزوج اليوم قبل بكرا )

بصراحه طرحك جميل وحساس وفي وقته وأعذريني على التأخر في الرد لأزدحام الخواطر في رأسي وكثره التفكير بأمور خارج النت

إقتباس ذهبت إلى أقرب الناس إلى نفسك من النساء أكانت أمك أم أختك أم غيرهم .. أول ماتجلس معها بتلاحظ سمة غالبة على طبعك ألا وهي الحيـــــــاء .. وأنت يالمسيكين تبدأ باللخبطة في بعض الكلمات .. والحساسية يرتفع سوقها عندك .. وعيونك بالأرض ..

أي حياء وأي أرض .. الله يرحم زمان أول يوم البنت اذا قالوا لها جاك عريس تعتكف في البيت سنه من الحياء
الحين وانا اخوتس الوضع تغير والناس تغيروا .. صرت كل يومين والثاني أقول ماودكم تزوجوني قبل أنحرف والبنت من زود الفرح بالعرس شوي وتطق أصبع عند أهل العريس

إقتباس المهم تعطيها مواصفات فتاة أحلامك (قلوووب تتسابق وش كثرها)

بشتري سياره انا ؟؟ اهــم شي تطلع مزيـونه وسنعه تعرف الواجب والأصـول واهم شي بعد تعرف ترقص عراقي << هذي طلبات عيال 2008 ( الله يرحم مزنه )

إقتباس هذي خالها مدمن وهذي عمتها الله لا يبلانا وهذي قبيلتها قد جربوا منها ناس نعرفهم ترى البعد عنهم غنيمة

هذا سبب من أسباب العنوسه .. والمفروض مانحكم على البنت من جماعتها أو عمتها وغيرها لأن البنت ممكن تكون الصفوه وتكون أحسن مليون مره من بنت الشيخ الفلاني والا عائله الفلانيه



1- ماهي مواصفات فتــــآة أحلامك ؟
بالنسبه لي ابي بنت اذا سلهمت بطرف رمشها أعض الزوليه يعني مزيونه وراعيه دين وتعرف الأصــول وتعرف تصلح شكشوكه


2- ماهو شعورك إذا رفضتك العروسة ؟ وش عاد إذا كانت هي اللي يحبها قلبك ؟
انا بصراحه ماجربت هالشعور لكن ما اتوقع فيه بنت عاقله بترفض واحد ظريف ومؤدب مثلي < والله ياهو ماكل مقلب جامد
نجي للجد .. بالنسبه لي راح يكون شعوري طبيعي جدا وانا مؤمن بأن الزواج قسمه ونصيب وراح أعتبرها خيره لي وبالنسبه للحب الحمد لله قلبي ماتعلق في أحد من بنات الجماعه والحب راح يكون بعد الزواج بإذن الله


3- ماهي الطريقة اللتي تود أن تتزوج بها هل اختيار الأهل أم اختيارك ؟
انا ما اعرف البنات ولا أعرف أخـلاقهم اكيــد راح أستشير أهلي وراح أأكد على شرط الجمال وانا واثق بإختيار الوالده

...

أكرر شكري بتواجدك وتواصلك الجميل معنا في المجلس العام وهذا شرف لنا تواجد قلم مميز ونشيط مثل قلمك متمني لك المزيد من التألق والتوفيق

إقتباس الرسالة الأصلية كتبت بواسطة بنت عبد العزيز @ ^^^^^^^^^^^^^^^^^^^^^^^^^^^^^ على البركه ان شاء الله ************************************************

تبين الصدق مافهمت وش تقصدين بس الله يبآرك فيك ..

إقتباس 1- ماهي مواصفات فارس أحلامك ؟ اممممممممم <<< وجه مستحي

لا لا تكفين قولي انك تكذبين ..

إقتباس والله عادي ما فيه شكل محدد بس اهم شي يصير اطول مني ومن مقبول الى وسيم هذا شكلن

نفسي أعرف البنت ليه ماترضى بزوج نفس طولها

بدال ماتحمد ربهـآ ..


ياشباب بيني وبينكم البنت تبي واحد أطول منهــآ عشآن


هاه أقول يابنات





كله عشــآن خآطر عيوووون الكعب<<<< يارفعة الضغط جعل الرب يمحيتس

إقتباس اما اخلاقننننن فهذي مهمه ما ابيه متسلط او ( جاهلي )

هذه الفئة لمن كتب الله لهــآ نصيبآ مع أحدهم ..

فأنا أقول يامردى حظك يالأجودية ..

عظم الله أجرك مقدمآآآ لحيآآآآة كلهــآ إبتلآء وامتحآآآآن ..

أهم شي قوي طاعتك بالله ..

وتحلي بالخلق الحسن لين يفرجهــآ ربك من عنده ..

إقتباس و اخلاقه حلوه اكيد وحالته الماديه عاديه وطبعن صلاته <<<<<<<<< وش بقى

بقى خفة النفس ..

وحبه لك اللي أعمى عيونه عن كل عيوبك ..


وان يخآف ربه في تعامله مع أمه وخواته <<<< ياحبي للخوات بس محد مظلوم في الحيآة كثرهم ..

ونظرته للحيآآآة كيف ..

وعسى مهوب بخيل ..

والله يستر إذا كان مايحب الخير لأهله والناس ..

وكيف طريقة تعامله مع زوجته في مملكتهم الخاصة ..

هل هو عللللللللللله ويدقق في كل شي ..

ويحاسب على كل شي في البيت ..


وشوفي الشرابه طايحه ..

وليه الدولاب مو مرتب ..

ولا ليه الثلاجه مفتوحه لهالدرجه ما انتي حاسه بالمسؤليه ..<<< مافيك يد تصكها ياجعلك اللي مانيب قايله بس ..

الشرهه موب عليك على أمي اللي اختارتك لشخصي الكريم <<< ايه معليه كريم بعينك




مايراعيها في وقت تعبها !!!

ولا وقت نومها ولا الوقت اللي تبي ترتاح فيه ..


يبيها وقًااااافي أربع وعشرين ساعه ..


ياشيييييييييييخ خاف ربك ..


<<<<<<< الليدي خليها في القلب تجرح ولا تطلع لبرا وتفضح

معليش ياحبيباتي المضطهدات ..

أنا بشتغل توعية لهالفئة لين يتعدلون شوي ولا واجد ..

إقتباس 2- وش شعورك إذا رفضك العريس ؟ وش عاد إذا كان اللي يحبه قلبك ؟ اذا رفضني عادي الزواج مو غصب ممكن ما يكون ارتاح او انا العكس يعني ما راح اخذ الموضوع بحساسيه لان الزواج شي اكبر من كذا

لأن مافيه أحد في بالك قلتي هالكلام ..

بس لو كان تحبين بمعنى الحب كان عرفتي وش تعني المعآآآنآآآآآة ..

إقتباس 1- كلمة توجهونها للفتاة اللتي تنتظر فارس أحلامها ضاربة بعرض الحائط معارضة اهلها له .. بقولها ( إن كان ربي كاتب لي آخذه فأنا له حتى لو العالم كله ضدي) .. لا تعليق

شكرآآ ..

ودي بتعليق بس الله يصلحك على هالتحفظ ..

إقتباس 2- وش رايكم بالأهل اللي يزوجون بنتهم غصب!!!! ممكن يكونوا الاهل على حق مثل اذا كان الولد ما عليه كلام والبنت رافضته لمجرد شي تافه في هذي انا مع الاهل

حتى لو انه مين ماكان ماودي اذكر أسمآء ..









يعني الشيخ محمد العريفي مثلا ..


لو جاني يخطبني وأنا موب مرتاحه له والله محد يقدر يزوجني ألا برضاي ..

هي الدنيآ سايبه ..
الحمدلله اني مانيب بنتك ..

إقتباس لكن اذا غصبوها وهي ما ارتاحت حتى لو كان الولد اكككككه

اكككككككه في عينه .. <<< وشو اكككه هل تقصدين بهــآ سَهَمْ ذَبَـآح

إقتباس لان هو شي نفسي سبحان الله والرسول صلى الله عليه وسلم قال لما جاه رجل خاطب وساله الرسول اذا كان راها او لا فقال لا وقال له الرسول في ما معناه ان يراها عسى ان يحرى بينكما .

اللهم صلي وسلم على سيدنا محمد ..

إقتباس متابعه مشكوووره على الموضوع الااكككككه

الشكر موصول لتواجدك الرآآآآآئع ..


كم أمتعني الرد على إجاباتك ..


تسلمين ياقلبي ولآ هنتِ ..

إقتباس بنت عبد العزيز

دمتِ لمن أحببتِ ..

هلا والله وغلا أخـتي متابعة بصمت

موضوع حساس ورائع .. وطرحكـ احلى وأروع ..
والحين صار حكي الــناس دايما عن الزواج مدري لقلة الرجـال أو لكثرة الحريم
بس الأكيد انه لكثرة الفتن اللي نشوفهـا بكل مكان سوا البنات او الشباب

إقتباس وهذي قبيلتها قد جربوا منها ناس نعرفهم ترى البعد عنهم غنيمة <<<<<<< ياصبر الأرض عليكم يا هالمتخلفين وهذي انتبه ياوليدي ترى أبوها بخيل <<< هو بيتزوجها ولا بيتزوج ابوها؟؟؟؟

والله هالناس مدري وشو جوهم بصراحه او مدري وش يحسون فيه
يعني الحين يرفضون بنت علشان اشياء تافهة!
مدري وش المعايير اللي يقيسون فيها صلاح البنت ..

إقتباس 1- ماهي مواصفات فارس أحلامك ؟

أبيه شين علشان محد يطالع فيه الا انا وبس
لا الجد ماني حاطه اي مواصفات ببالي لعريس الغفله ..بس اهم شي مايكون يدخن وابيه من الشرقيه
ومزووح وفرفوش ومتواااضع
لان الكبر لله
وقبل كل شي الاخلاق والدين

إقتباس 2- وش شعورك إذا رفضك العريس ؟ وش عاد إذا كان اللي يحبه قلبك ؟

والله ان راح رجال بداله عشرة وهذا نصيبي ..
وان شالله نصيبي بيجيني مع غيره ..ومن ناحية زواج الحب .. صح اتمناهـ ..بس ماافضله ..

إقتباس للجميع/ 1- كلمة توجهونها للفتاة اللتي تنتظر فارس أحلامها ضاربة بعرض الحائط معارضة اهلها له .. بقولها ( إن كان ربي كاتب لي آخذه فأنا له حتى لو العالم كله ضدي) ..

والله صح ان الحبيب يلغي وجود الكل والبنت تفكر بقلبها موب بعقلها دايما ..
بس الوحده اذا مااحترمت اهلها الرجال مايحترمها
والوحده المفروض ماتاخذ واحد الا واهلها مقتنعين فيه وراضين والبنت لازم تفك بعقلها بعيدا عن العاطفه الغبيه عند البنت
لأن اكثر اللي تزوجوا بهالطريقه انجح زواجهم

إقتباس 2- وش رايكم بالأهل اللي يزوجون بنتهم غصب!!!!

الزواج اهم شي يكون برضى الطرفين ..
لان الزواج ان ماصار باقتنــاع الرجل او البنت احتمال كبير انه مايكون ناجح ..


والله يوفق الجميع ويرزقهم الزوج الصـــالح للبنات
والزوجه الصلحه للشباب .. ورده

وتسلمين يالغاليه على الموضوع الـ nice

إقتباس الرسالة الأصلية كتبت بواسطة الغدير الازرق وعليكم السلام ورحمة الله وبركاته اهليييين وسهلييين ومرحبتين فيك وخيتي متابعه بصمت ورده

هــلآ والله ومسهلآ باخَيٍي ..

إقتباس ماشاء الله علييك كل هالمواضيع والنشاط بالمجلس وبصمت ماتجي وانا اخووتس يعني متابعه بعنف أشوف إنها أطلتز

اللي تشوفه وانا اختك ..

إقتباس نجي الحين لموضوعك ..

أيوووه ..

إقتباس ومن قال إننا بنستحي لاوالله ماحنا مستحين بنقولها والأبتسامة طاقة شبرين وإلا ياأول العنقوود

ياجعل هاللإبتسامه دوووووم ..

إقتباس شي طيب إننا نلاقي الحب في مجلسنا اييييه كذا ياأعضاء المجلس اصرفوا حنانكم ترى الدنيا مردها الآخره

لا خلاص اسحب قلوبي ..

بغير معاملتي معكم ياخشنيييييييين .. ..

إقتباس أكيييد أبيها تكون راعيه دين وأخلاق وأهم شي تكون فلاويه يعني عشان نذب على بعض

والله ونااااااااااسه مايصير اجي معكم ..

إقتباس تكون مثقفة عارفة أمور بيتها وحياتها وحياة زوجها

إن شــــــــآء الله ..

إقتباس وبالنسبة لي الجمال آخر اهتماماتي لكن تكون مملوحة على أقل تقدير

ياقلبوووووووشن عليهــآ يآنآس ..

إقتباس ياوييييل حالي ويلالالاه أما لو ترفض مايردني غيير الجسر المعلق

وهي تقول خدني معك ع الجو الحلوو ..

إقتباس لالاجد راح اشيل فكرة الزواج مؤقتاً من بالي حتى انسى اللي حصل

الله لا يجيب الزعل بينك وبينها ..

إقتباس والزواج قسمة ونصيب مجرد توفيق من الله لعلها خيرة يمكن ألقى اللي أطخم منها

مالك أمان يالدوووبببيييي ..

إقتباس أكيييد على اختيار الأهل لكن يتخلل اختيارهم بعض من شروطي وأهمها إنها تكون من خارج العائلة

ولمآذوووو ؟؟؟؟


نفسي اعرف سبب رفض الشباب والبنات للزواجات العائلية ..

إقتباس ثاااامر ياشيخ يالبى قلبك الله يوفقك ويسعدك والأعضاء مايحتاجون لدعوة حاضرين حاضرين إن شاء الله لو تحط عرسك بالدهناء إلا اقول وش راايك نتزوج زوااج جماعي حنا وكم عضو كل واحد ياخذ كريمته ويقضب الباب

يالله يارب انك توفقهم وتسعدهم وتفرح نظرتهم بشوفة حبيبات القلب ..

إقتباس شكراً وخيتي متابعه على هالموضوع ورده عسااك عالقووة .

الغدير الأزرق ..


الشكر موصول لحضورك الرآآآآئع ..


والممتع جدآآآ وربي ..


تسلم على روحك العآلية والمرحه ..


لآهنتْ خيوو ..

.



دمت لمن أحببتْ ..

إقتباس الرسالة الأصلية كتبت بواسطة متآبعه بصمت أسئلة الشباب/ <<<< عشان مايدورون الحب في مكان ثاني 1- ماهي مواصفات فتــــآة أحلامك ؟ حطيتهم تحت 2- ماهو شعورك إذا رفضتك العروسة ؟ وش عاد إذا كانت هي اللي يحبها قلبك ؟ م راح ترفضني العروس لاني الصراحه واثق من نفسي اتمتع بوسامه واخلاق وشاطر حيل ههههههه ويشار لي بالبنان لدرجه جيرانا يتمصلحون معانا ... حته يتصلون فيني خارج الدوله ومعنه الاتصال مكلف اسبوعيا .. اونه للسلام وانا اهازب الوالده اقول شبلاهم يتصلون وهيه الله يخليها لنا تحاول تهدي وتوضح الموقف 3- ماهي الطريقة اللتي تود أن تتزوج بها هل اختيار الأهل أم اختيارك ؟ والله الصراحه هاي المصييبه لانه مجتمعنا اسلامي وم نخالط البنات ... فكيف بختار البنت... شي طبيعي بيختارون الاهل وهاي المصيبه اذا اختارولي وحده مب حلوه بنتححرررررررررررر ..

السلام عليكم ورحمة الله وبركاته

طبعا انا اموت في مواضيع الزواج لانه تقريبا خلصت دراستي العاليا ووصل عمري تقريبا 24 والاهل بدو يدورون لي وانا طبعا محتار لاني متشرط شروط اعوذ بالله منها لانه خايف تطلع زوجتي غوريلا يعني شينه وانا الصراحه رفضت بنت من قبل .. طبعا م شفتها بس رفضتها لانها من عايلة خال ابوي .. وانا من شروطي اني م ابي بنت من عايلة الوالد او الوالده ...
شروطي هي (عشك ابليس في الجنه) خخخخخخخ
1. مكلة جمال
2. جامعيه وشاطره يعني ما اريد بنت مخلصه ثانوي وبس ... لاني الصراحه ما ابي بنت اقل عني في التعليم وابيها شاطره لاني ابي عيالي شطار ... م ابيهم تيوسسس و اتم اعاني وياهم على طول الدهر
3. الاخلاق
4. لا لبنات اقاربنا

وبس

والف شكر على الموضوع الحلو اخويه وان شاء الله يرزقك بالنت الحلال السنعه وتيبلك درزن عيال .. وعقبالنا ان شاء الله .. لا تبخلون علينا بالدعاء

سوري متابعه بصمت فكرتج اول مره ريال بدون م اشوف النك هههههههههههههههه من القطاعه ابي ارد بسرعه خخخخخخخ

لي باآآكـ في الموضوع لكن لو نسيت اسف هههه وانشاء الله ما انسا و اعذريني لو نسيت

إقتباس الرسالة الأصلية كتبت بواسطة مجنون الزعيم(9) ][الغالين][ معنآته .. الموضوع موجه للشباب بس ..مش عايزين بنات يردو عالموضوع

موب على كيفك يالدووبببيي ..

إقتباس والله ياخيتي اول ممكن الواحد يستحي .. بس حاليا .. وده ينزل اعلان بالجريده يكتب شاب يريد الزواج ويكتب المواصفات ..

يتهيأ لك انه مايستحي ..

بس إذا جاء وقت الجد تقول انه مصدر الحياء كله ..

إقتباس فل كآمل

كادلاك مثلآ ..

إقتباس والله مافي مواصفات معينه مبالغ فيهآ ,, يعني مواصافات اي شاب سعودي بيتزوج < ..

ودك ان ذا الشاب السعودي يفك بنات الناس من شره ولا يتزوج ابد ..

إقتباس بقول لـ نفسي هارد لك .. والله اذا رفضتني الزواج قسمه ونصيب مو بالغصب

مافيه شك انه قسمه ونصيب بس وشو شعورك حزتهــآ ؟؟؟

إقتباس اكيد لازم يكون لي راي ولا اتزوج على عماها بسم الله ممكن اختياارري مع اختيار الاهل ..

عشآن كذا الرسول وصى بالشوفه الشرعيه ..


موب إذا جات ليلة الدخله ترتاع ..

إقتباس عوافي خيتوٍ ,,

مجنون الزعيم(9) ..

الله يعطيك العافيه على الحضور الجميل ..

نوورت المكان وربي ..

تسلم والله ولآ هنتْ ..


.


ودمت لمن أحببتْ ..

مواصفات فارس الاحلام؟
ماعندي شي معين اهم شي دينه وخلقه

اذا اهلي رفضو الشاب اللي احبه؟
اتقبل رفضهم بصدر رحب ..ولابد للرفض سبب قوي وانا على ثقه في قرارهم
وصحيح انه موضوع خاص فيني لكن تظل الكلمه الاولى والاخيره الى الوالد والوالده .
همسه:
ساعات القدر يكتب حب انسان في قلبك ..بس مايكتبه في حياتك..