@@.. زعلانين ؟ متضايقين ؟ ماعليكم متأهلين متأهلين .. @@ - نادي الهلال السعودي - شبكة الزعيم

محامي الفيلسوف15 · #1 27/04/2008, 09:12 AM

زعلانين صح ؟

والله أنا أكثر واحد مبسوط بعد ما حكمت عقلي وأدري إن في رب في السما مايرضى الظلم ..

نقل للمباراه + إيقاف التائب 4 مباريات .. مافي شك انها قرارات مضره بفريقنا اذا بننظر لها ونقعد بمكاننا ..

الهلال لم يخسر ولا مباراة خارج أرضه هذي السنه في جميع المسابقات ماعدى مباراة الحزم في كأس الأمير فيصل وطبعا كلنا نذكر الحكم وكيف اهدى الفوز للحزم ..

يعني نرجع لآخر مباراه وين كانت ؟ بمكه .. والنتيجة فاز الهلال .. وفي مباراة الذهاب في الرياض تعادل ..

الفريق يأدي أفضل أداء ومستوى ونتيجه في خارج أرضه ..

بالعربي ليش مانتصور هالقرار إنه يكون في صالحنا بدل إنه مايضرنا .. وغير كذا جماهيرنا في كل مكان ماشاء الله تلاقيها .. يعني لاخوف من الحضور والمسانده ..

ثاني شي اللي هو أبو نادين

بلا شك غيابه مؤثر جدا جدا جدا .. واللي يقول غير كذا مكابر .. لكن السؤال : اذا غاب التائب مافي بديل ؟

الفريدي - الكلثم - ع الدوسري اذا رجع من الاصابه ان شاء الله - التمياط - الشلهوب ..
كل هذول إذا كانوا بمستواهم بإستطاعتهم تعويض غياب التائب ..

قلت إذا كانوا بمستواهم لان التائب أحيانا مايكون بمستواه زيه زيهم ..

والله والله والله إني ماكنت متحمس لهالبطولة بإعتبار أخذنا الدوري اللي هو أهم بطولة بهالموسم ..

لكن بعد اللي صار حلفت أني بآقف مع الفريق لو بالمواضيع اللي ترفع المعنويات وطبعا بالحضور والمسانده ..

وتأكدت أننا لو أخذنا هالبطولة بيكون لها طعم جناااااااااااااااااااااااااااااااااااااااان

ثقوا بلاعبينكم وبالاداره ودورها .. وثقوا بإن عندنا مدرب داهية يقدر يصنع الفرق بأي لاعب ..

وبالاخير ثقوا إن الله موجود .. ومايرضى بالظلم ..

ماحبيت أعلق على القرارات نفسها والظلم اللي حصل لاننا لو بنقعد نتكلم بناقف مكاننا ولا بنسوي شي ..
عشان كذا ياليت كلنا ناقف مع الفريق ونترك لهم القرارت ولنا البطولات ..

والسلام خير الختام ..