لآهـل بريطانيا ... لحظة من فضلكم
 

اسعد الله كل اوقاتكمـ آيها الزعمــاء بكل خير ... ومودهـ ... وفالكمـ التوفيق ... وتحقيق اعلى مراتب النجاح ,,,

آخــوتي ,,,

آرغب باكمال دراستي العليا (دكتوراهـ) في بريطانيــا ... واحاول البحث عن قبول خلال الفترة الحــاليــه ...

آعلم جيداً غلاء بريطانيا ولكني آرى أنهـا الآقرب لــي ,,,
آحببت آن اسألكمـ متمنيــاً آن اجد الفائدهـ منكمـ إخوتي ,,,

1) آبحث عن تخصص هندسة شبكات لمرحلة ادلكتوراهـ ... ماهي افضل الجامعات حسب خبرتكم ؟؟

2) ماهي الفترة الزمنية المتوقعة للحصول على القبول المشروط ؟؟؟

3) اعلم جيداً الأعداد الكبيرة من الطلبة العرب بتواجدهم في مانشستر ,,, لذلك ماهي المدن التي تنصحوني بالذهاب اليها بعيداً عن اعداد العرب المتزايد ؟؟؟


طبعــاً انا موظف حكومي ... ورح اكون مبتعث ... والامور الماديــة اهميتها لا تعني لـي الشيء الكثيــر ...

إعتذر لاسألتي الكثيرهـ ... متمنيــاً لكم جميعــاً النجاح والعودهـ إلى آرض الوطن حاملين اعلى العلاماااات


اخوكمـ ... خريج قريب من الآردن ...وطالع منهــا قريب بإذن الله ,,,


دمتم بخيــــر

هلابك اخوي

الله يوفقك ان شاء الله وتكمل الدكتوراه

انا انصحك بمدبنه توتنجهام مدينه جميله وحتى الجامعه حلوووه واعرف ناس كثيرين يمدحون الجامعه

وفيه جامعه شفيلد من اشهر الجامعات ببريطانيا

اما احسن جامعه لتخصصك ما ادري والله وياليت كنت اعرف وافيدك

اسف اخوي يمكن ما وصلتلك المعلومات كامله وبدقه بس هذا اللي عندي

اتمنى اني افدتك لو 1 %

فيه يا خوي جامعة شيفيلد زي ما قال اخوي ابو نانسي انها قويه

وفيه جامعة ادنبره وجامعة نيو كاسل وجامعة جلاسكو وجامعة هول Hull وجامعة لفبره الجامعه حلوه بس المدينه لك عليها اعرف ناس يدرسون فيها وساكنين في ليستر ليستر جنب لفبره نص ساعه بالقطار اما بالسياره ما تاخذ نص ساعه بس تعرف الصبح وانت رايح للجامعه وراجع منها وقت ذروه الطريق ياخذ فوق الساعه والمواقف مشكله اخرى

وبالنسبه للمدن اللي ما فيها عرب واجد مافيه كل المدن مليانه سعوديين وخليجيين وشوي ليبيين

اما للتخصص ما عندي اي خلفيه

وشكرا

شخصيــا أتصور أن جنوب بريطانيا هو الأفضــل لعده أسباب ( الجـو - الأكسنت ) طبعـا جنوب بريطانيا الجو أفضل من الشمال الي معروف ببرودته وبالنسبه للأكسنت أتوقع أن الجنوب لهجتهم أسهل وأبسط نوعـا ما لأن الشمال لهجتهم بصراحه لك عليهــا :d

وبالنسبــه لرغبتك بالبعد عن العرب للأسـف بريطانيا مليانه عرب وبكل مكــان وبالتحديد سعوديين وليبيين وبالفتره الأخيره أخواننــا الأماراتيين يتزايد عددهم بشكل كبير في بريطانيا .

لا بالعكس انا اخالفكم الرأي ,, اغلب الجامعات المذكورة هنا ماهي جيده لطالب سعودي , خصوصاٌ اذا وده يدرس ويفهم الثقافه المحليه .. وهذا هو المطلوب .. اهم شي انك تعرف الناس هنا كيف عايشين .. وكيف يفكرون عشان تنفع بلدك اذا رجعت ..

الجنوب مليان كثير عرب وبشكل جنوني

بالتالي احسن مكان .. ادنبره ومن فوق .. يعني اذا وصلت ادنبره شف لك جامعات هناك ,, ورح لشمال احسن لك ..

شيفلد مليانه عرب , ولا تصلح لك .


بالتوفيق

ايه ولله انا اسكن بالجنوب وقله العرب ماراح تستفيد