|
على الادارة الهلالية ان تحاسب التائب لابد ان تحاسب الادارة الهلالية اللاعب طارق التائب على الكروت اللي ياخذها بالمجان وينحرم الفريق من خدماته بااخي شوفوا تفاريس هذا العملاق الكروت اللي يأخذها كلها طبيعية لتغطيته للدفاع الهلالي في كل مكان حتى احيانا يغطي مكان العنقري واحيانا مكان المرشدي .مااخذها على شأن لاعب سحب فيه , والكلام ينطبق على اي لاعب في الهلال لان الهلال فوق اي لاعب مهما كان حجمه ترى احترق من اجل الهلال |
اقول موضوعك ما هو هذا وقته لو كنت مكانه وش بتسوي تنحذف بقوارير الماء وتسكت لكل انسان مقدرة على التحمل ما اقول غير حسبي الله ونعم الوكيل في الوصخ فيصل العبدالهادي |
إقتباس:
وارجو على محبين الهلال عدم القسوه على التايب لاتنسون وش سوى في المباراة |
شوف مانجحده حقه بس ماهي اول مرة يعصب وياخذ كروت وكم مباراة ندخلها وايدينا على قلوبنا لاياخذ الثاني والثالث |
لابد من محاسبته على خطاه الدعوه فوضى الاخلاق اولا واخيرا |
اشوف المشاركين ... الجدد كاثرين هل هم ... شريحة جديدة ... ولا عينات الجار... اقول لا يكثر حبيبي ... ودي بلاعب مثله يحسم لي مباراة ولا لاعب خلوق .... |
لو انا مكان التايب اسححححححححححححب ع المباراة يلعنن ابوها كورة تسبب لي الاصابة لاسمح الله وبعدين التايب لايلاااااااام بصراحة موضوعك مدري وش هدفة مع احترامي لك الرجال جايب هدفين وهالهدفين ولع الجمهوور الوحداوي منه وحذفوووة تبيه يسكت؟؟؟؟ كيف الحال بس احترامي |
حبيبي والله كلامك منطقي جدا طارق التايب لاعب محترف مو من اي شي تقفل اخلاقه المفروض يتعامل بافضل من كذا وانا معك كل مباراه نقول بس بياخذ احمر ولو لاحضت انة مسك فلينه لاعب الوحده بشكل واضح وهو معاه اصفر اشكرك على صراحتك وانا معك لازم الاداره تسوي شي معاه وليت المحترفين العرب مثل عقليه تفاريس اتمنى من الجميع الرد بمنطق وترك المجاملات |
شوف مانجحده حقه بس ماهي اول مرة يعصب وياخذ كروت وكم مباراة ندخلها وايدينا على قلوبنا لاياخذ الثاني والثالث انا معاك |
اقول الله يرضى عليك غير الموضوع بس عشان ما اغلط عليك........ حنا ناقصين؟؟ |
يا كثر المندسين في منتدى الزعيم مو وقت الكلام هذا |
اخي العزيز لا يجب أن نتعامل مع الخطأ بخطأ اكبر التايب متحمس ويحترق داخل الملعب لذلك فهو يخرج عن طوره احيانا ولا تنسى انه لما يبادر بالاعتداء او الخروج عن الروح الرياضية ولكن ردة الفعل قد تأتي بأكبر من الفعل نفسه .. وعلى الهلاليين احتواء نجمهم وعدم تسريب اليأس لنفسه مره كوزمين مره ليلو مره التايب المقصود هو الهلال ولا اعتقد انك احسنت بهذا الموضوع ونظرت اليه من جانب واحد فقط تقبل تحياتي |
اولا طارق لاعب محترف وبروزة وفعاليتة في المباراة شي واجب علية وليس تفضل او سواة فالنادي لم يأتي بة مجانا. وهذا بالنسبة لطارق متى ما أجاد يجب علينا وعلى الادارة تقدير ذلك ولا أعتقد إن الهلال قصر أو يقصر من هذة الناحية ولكن أن يضر الهلال بتفكير وتصرف غير احترافي فالواجب محاسبتة على ذالك . وبكل صراحة أحرج الهلال بحرمانة من خدماتة و نقل المباراة عن ارضة لارض الخصم يعني اذا فاز الاتحاد نلعب المبارتين على ارض الاتحاد |
والله المفروض يعاقبونه لاعب خبره ومحترف ولا يضبط اعصابه !! شوفو نواف يوم تعرض للقاروره لم يبصق ولم يضع الركنيه ولم يؤثر في نفسيته ونفسيت زملائه بل ان التائب هو السبب في ايقافه 4 مبارايات يعني الهلال يجدد له 6 مليون عشان يزعل من قاروره ويروح يتفل على الجماهير ؟؟؟ عالعموم انا من اشد المعجبين بطارق ولكن حركاته تستفزني |
كلامك صحيح وانا قلت هالكلام باحد الردود وقالوا مندس وقالوا كلام وسخ لكن ماعليك منهم كلامك صحيح واكيد بيعاقبونه بس بدون اعلان العقوبه واتوقع خصم . اصلا مجرد البصق على الجماهير السعوديه هذه اهانه لنا كسعوديين خلاص وقفوه ويستاهل وشوفوا نواف التمياط |
| الوقت المعتمد في المنتدى بتوقيت جرينتش +3.
الوقت الان » 05:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd