![]() |
الرد الشافي على الحملة الكبرى لأكبر نادي شعبية بالممكلة لمقاطعة شركة الاتصالات نهائيا بسم الله الرحمن الرحيم الجميع قراء موضوع اخي( lr8rl ) وهو المطالبه بمقاطعة شركة الاتصالات السعودية والتوجه لشركة موبايلي اغلب الردود كانت متفاوته فمنهم مؤيد ومنهم غير مقتنع حتى ان البعض اصبح يتهكم ويقول واذا رعت شركة الاتصالات نادي النصر نعم من حق شركة الاتصالات رعياة اي نادي هي تراه وترى انه سوف يحقق لها الكسب المادي وكذلك من حق النصر ان يبحث عن شركة يستفيد منها ماديا . ولكن السؤال انت ايها المشجع الهلال هل تتنتظر ان يستفيد النصر ماديا لكي يلاحق لاعبي ناديك ويرفع عقودهم ويزاحمك على اللاعبين الذين ينوي النادي استقطابهم ويكفي منافسة الاتحاد والشباب . انت ايها المشجع الهلالي الا يهمك انت تجدد شركة موبايلي مع الهلال في العقد الجديد بعد 4 سنوات بمبلغ اكبر من المبلغ الحالي ولا قد تدخل شركة الاتصالات وشركة زين وغيرها في منافسه كبيرها المستفيد منها نادي الهلال . ولكن كيف نزيد من قيمة العقد ؟ عندما تجد شركة الاتصالات انها خسرت الكثير من عملائها وتعرف قيمة المشجع الهلالي عندما تفقده بعد ان عرفت قيمته عندما كانت تلتهم امواله . فانها سوف تحارب وبقوه على انت تستقطب مشجعيه . كذلك شركة موبايلي عندما ترى زيادة عدد مشتركيها فستعرف قيمة المشجع الهلالي ولن تفرط في عقدها الجديد قد يقول احدكم ما يهمني لا هلال ولا نصر اهم شي شركة كويسة اقوله انا معاك طيب اذا قلت لك يا عزيز مشترك الجوال كم ارخص باقه اكيد بتقولي باقة 45 وهي الدقيقه 35 هلله في الدقيقة بين الجوال والجوال - و 40 هلله بين الجوال وموبايلي - و 40 هلله بين الجوال والثابت :upset: لكن موبايلي عندهم عرض الان وهو باقة الموج الازرق وهي 30 هلله بين موبايلي واي رقم سواء موبايلي او جوال او ثابت - و20 هلله لاي رقم مشترك في الموج الازرق والي اعرفه ان كل من حول جواله اشترك في الموج الازرق يعني بتكون اغلب المكالمات 20 هلله للدقيقه بين موبايلي و30 هلله بين موبايلي والجوال . هذا غير ان رسوم الاشتراك 45 ريال شهريا هذي ما تدفعها لمده سنه يعني بس فواتير مكالمات وموجود وموجود اكسترا مجاني وبالنسبه للتغطيه انا مجرب بنفسي والله مالقيت فرق يمكن موبايلي احسن داخل البيت لاني كنت اعاني قبل ايام الجوال من ضعف الارسال لما ادخل بيتي . طيب بيجيني واحد ويقول انا ما ابي اغير رقمي اقوله يا اخوي انا غيرت ثلاث ارقام من الجوال لموبايلي ووالله العظيم ما تغير فيها رقم يعني رقمك هو هو . كيف تغير من الجوال لموبايلي : العملية سهله جدا - تروح مكتب اشتراكات الجوال تقول بسوي تصفيه يعطيك مبلغ الفاتوره قله زود عشره ريال او عشرين حلال عليهم . خلها يزيدها في الفاتوره ليش ؟ اقولك بعد شوي :naughty: وتسدد في نفس مكتب الاشتراكات. بعدين تروح مكتب موبايلي تعطيه الفاتوره الي انت سددتها وتطلب التحويل لهم . هو بيعطيك شريحه جديده وبيقول لا تشغلها الا لما تجيك رساله تفيد بتحويل رقمك . طبعا الان جوالك شغال ارسال واستقبال انت حاول انك خلال الثلاث ايام الي يتم فيها التحويل انك ما تكلم كثير يعني تستفيد من العشرين ريال الي انت زدتها او تجيب بطاقة سوا وتشجنها وتكلم عشان لما يتم التحويل ما يطلع عندك رصيد غير مسدد ويوقفون التحويل . بعد ثلاث ايام تجيك رساله تقولك تم تحويلك الى موبايلي تطلع الشريحه وترميها وتركب موبايلي :clap: |
الحمد لله اني موبايلي ................................................. |
صح السانك .... عموماً بالنسبه لي ما أغير قناعاتي تجاه شركه الاتصالات سواءً قامت برعاية النصر ولا حتى أهلي صنعاء .... شركه تسحب ما في الجييييييييييييييب |
يعطيك العافية ومامثل موبايلي :) ّ |
الحمد انا الجوال .... عبر هههههههههههه هلالي |
يعطيك ربي الف عافيه على الموضوع اللي جاء في وقته وان شاء الله اني بحول لموبايلي .. |
انا بحول موبايلي عناد للنصر واشوف راح تربح الشركه اذا قاطعوها الهلالين والا لا |
انا والله من يوم رعت موبايلي الهلال وانا مطلع شريحه من موبايلي بالرغم ان الرقم اللي كان معي من الاتصالات كان مميزوبعته علشان الهلال |
ولا ازيدكم من الشعر بيت انا لما طلبت تحويل رقمي بعدها بيومين دقوا علي شركة الاتصالات ( ( تخيلوا يدقون عليك شركة الاتصالات :clap:... ياما وياما نلاحقهم وندق عليهم نجلس بالساعات نحتري احد يرد علينا ... والحين هم نفسهم يتصلون علي )) ولا يقولي طال عمرك انت طلبت تحويل رقمك ممكن تعطينا الاسباب طال عمرك ؟ هل فيه خدمه مو عاجبتك طال عمرك ؟ احنا شركه رائده وخدماتنا كثيره واسعارنا الارخص طال عمرك ؟ ثم قال كلمه وليته ما قالها قال : انت من عملائنا القداما لك اكثر من 10 سنوات ما يصير تتركنا :bigeek: قلت توكم تعرفون اني من عشر سنوات عندكم:nono: ابي تعطيني ميزه ميزتوني عن غيري خلال عشر سنوات انا اقدر اعطيك 100 سبب تخليني اترك شركتكم الي عاصرتها عشر سنوات لكن انت عطني سبب واحد يخليني ما احول رقمي ؟ سكت شوي وقال طال عمرك هذا شي من حقك ومحد يجبرك على شي لكن صدقنا فيه خدمات بنقدمها لعملائنا القداما الي انت منهم بعد شهر ونص فياليت انك ما تستعجل قلت انا عند كلامي ويا ليت ما تعطلوني . ومن بكره تحول رقمي طبعا الكلام هذا له اكثر من خمس شهور والى يومك ما اعلنوا عن مميزات جديده او عروض خاصه للعملاء القداما .s60s |
انا رقمي الاساسي موبايلي وعند رقم ثاني للجوال اذا تم توقيع العقد مع نادي النصر راح احط الرقم الثاني في الزبالة مابقى الا النصر اصرف عليه |
الله يعطيك العافية ...... هذا هو الهلالي المضبوط .......... اذهبوا الى حملتهم على موبايلي لتروا حقد جمهور 11% على كل ما يخص الهلال .... والله الذي لا إله إلا هو أني لا أدفع حاليا لشركة الانفصالات سوى اجور الثابت والنت و قد حولت جميع جوالاتي وأفراد المنزل الى موبايلي يا هلاليين كونوا مؤثرين ليعرف الكل من هو ناديكم ........ أجل شركة الاتصالات موكلة محامي الغفلة لتغريم الزعيم 100 مليون ريال هل ستتجرأ تلك الشركة على ذلك لو واجهت منكم ردة فعل |
صحيح اني املك رقمين واحد الإنفصالات و الثاني موبايلي لكن بالملحق لاجلست تكون شبكة موبايلي ضعيفه عندي يمكن برج واحد او برجين مقارنه بالإتصالات هذا فقط بالملحق اما بالمطبخ الإتصالات معدومه الشبكه مافيه اي برج اما موبايلي 4 ابراج عموماً اذا وقعوا مع النصر رعايه بحول الرقم الأول إلى موبايلي يصير عندي رقمين الموج الأزرق |
موبايلي عالم من اختياري بصراحه انا من زمااااااااان محول من الاتصالات الى موبايلي فواتير ولا احسن منها |
تصحيح بعد سنه الاشتراك الشهري 40 ريال فقط والله يعطيك العافيه |
والله يأخي المنطق يقول اذا المسالة جوال جوال يأخي ادعم ناديك ,,,,,,,,بعدين ترى الاتصالات اكلتنا من زمان وماخفضت الا من يوم هزتها موبايلي . بإذن الله راح اغير انا واسرتي موبايلي عن قريب |
الوقت المعتمد في المنتدى بتوقيت جرينتش +3.
الوقت الان » 04:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd