|
(حسن العتيبي) ..قليلا من التريــث ياإدارة الهلال السلام عليكم رحمة الله وبركاته باختصــــــــــــار شديــــــــــــد انا رأيي أن تتريث إدارة الهلال في موضوع الاستغناء عن الحارس حسن العتيبي حارس مبدع ودائما ماكان خير بديل للأخطبوط محمد الدعيع كلنا نتذكر غياب الدعيع في نهاية موسم 1425هـ وكيف أبلى العتيبي بلاء حسنا في غيابه وحققنا الرباعيه المحليه الشهيره بطولتي الأنديه الخليجيه الموسم الماضي والموسم الحالي قدم فيها مستويات رائعه انا أتفق مع الجميع ان فيه الكثير من العيوب وتسبب في الكثير من الأخطاء مثله مثل أي حارس لكن بصراحه فكرة التخلي عنه فكره خاطئه لأننا لانضمن كم موسم سيستمر محمد الدعيع في الفريق قد يقول قائل بأن لدينا فهد الشمري نعم لدينا فهد الشمري وهو حارس واعد ومتميز جدا ولكن هل من الخطأ أن يكون لدينا فهد الشمري وحسن العتيبي خصوصا وأن بدر الدعيع مازال صغيرا في السن ولازال أمامه الكثير حتى يصبح الحارس الأول في الفريق جميعنا يعلم ان الحراس عمله نادره في الأنديه ومن يشاهد حال النصر والأهلي يقر بذلك فلماذا التفريط بحارس مثل حسن العتيبي في وقت يلوح فيه الدعيـــع بالاعتزال نهاية الموسم او حتى في نهاية الموسم القادم اذهبوا الى منتديات الاتحاد والأهلي النصر واقرأوا مايكتبونه عن حسن ومطالباتهم لإداراة أنديتهم بالتعاقد معه قليلا من التريث ياإدارة الهلال فحسن ضحى بمستقبله من أجل الهلال في وقت سابق |
اتمنى نترك الفرصة للشمري وبدر الدعيع مع خبره الدعيع اتوقع انه راح يكون مستقبل للهلال جيد بحراسة المرمى |
إقتباس:
وانا ماقلت مانترك فرصه للشمري لكن في حال إعتزال الدعيع حرام يكون عندنا بديل كفء للشمري بدر الدعيع صغير ويحتاج الكثير حتى يثبت نفسه في الفريق لازال صغير في السن وقليل خبره ولو تشوف بعض الأهداف اللي دخلت مرماه من مسافات بعيده جدا وهذا ليس تقليل منه فكل حارس في بداياته يرتكب أخطاء |
كلامك صحيح اخي ااسامه خصوصا مع اصرار الدعيع للاعتزال نهاية الموسم وحسن العتيبي حارس رائع وكثير ما انقذنا في حال غياب الدعيع اتمنى من اعضاء الشرف تقريب وجهات النظر بين العتيبي والادارة ... وجود حسن مع الشمري في حال الصابات او ابتعاد الدعيع ضروري جدا لان بدرالدعيع مازال المشوار امامه طويل |
والله انا اشووف ان حسن العتيبي حارس ممتاز واتمنى من أداره الهلال أعادته الى الهلال فهو خليفه ممحمد الدعيع .. كلنا نذكر مباراه الهلال والقادسيه الأخيره وكان الحارس حسن العتيبي والهلال لعب بكامل نجومه ولم يستطيع التسجيل .. والله حارس متمكن !! مشكوور اخوي اسامه على الموضوع الرائع !! تحياااتي لك احمد |
يــاجمااعه .. شرط أن الــشمري أحسن بواااااجد من العتيبي ..؟؟ بعديــن مستقبل الــزعيم بالحــرااسه .. لاتخافون عــليه ..! فهــد الشمري خــالد شراحيلي بدر الــدعيع عــبدالله السديري |
والله حسن العتيبي ما اشوف انه مبدع ابدا والله حرام موهبة الشمري تروح حراااااااااااااااااااااااااااااااااام |
وعاد المدعو اسامة المطبل الاكبر للنكبات في الفريق ابتداء بالمفرج وانتهاء بالعتيبي العتيبي ماله مكان بالفريق من الحين اقولك ولا تقعد تصج اهلنا بالمواضيع وتنسب زي كل مرة :d |
خلاص عرضوه على لائحة الانتقال... ماينفع الكلام بس الباقين افضل بالنسبه لي |
إقتباس:
عيب هالكلام يابابا:surprised: , |
إقتباس:
إقتباس:
أخواني الكرام أولا أتشرف بمروركم ثانيا يعني الشمري مبدع ماقلنا شي لكن ليش مايكون عندنا الشمري والعتيبي يعني اذا وقع الهلال مع العتيبي وكان حارس ثاني في الفريق حتروح موهبة الشمري يعني اذا عندك عبدالعزيز الدوسري تستغني عن الشلهوب واذا عندك عزيز والغامدي تستغني عن الغنام والبرقان واذا عندك عبدالعزيز الكلثم تستغني عن فهد سرور واذا عند التايب تستغني عن نواف وكل ماكان عندك لاعب مميز في مركز معين تستغني عن بديله او اللاعب الاخر مايصير لاعبين اثنين في نفس المركز واحد اساسي والاخر احتياطي |
العتيبي حارس ممتاز جدا هو تصريحة بعد مبارة فازنا فيها والله ناسيها بالضبط هو اللي خلاهم يحطونه في القائمة السوداء مع ان تصريحة كان عفوي يدافع عن رفيق عمرة المفرج والخثران واتمنى انها ما تكون مؤامرة ضضضده لابعادة عن الخشبات الثلاث لحساب الدعيع الصغير |
الله يسهل عليه حسن العتيبي اذا تبغاه يحرس في المرمى لازم تربطه بسلسله وتربطه في القائم عشان مايطلع من مرماه في كل كوره ياما تسبب بخسارة الفريق الاسيويه وغيرها |
إقتباس:
ياعزيزي هذا حارس مرمى لاتقعد تعد أخطائه ترى لو نجلس ونعد أخطاء اي حارس في العالم نتعب نحن نقيم مستوى الحارس طوال موسم وليس في مباراه واحده والله لولا الله ثم العتيبي في بطولة الخليج الموسم الماضي لشاهدت أهداف بالجمله في مرمى الهلال والموسم هذا ايضا |
يا حبيبي الهلال ماشارك بكل ثقله في بطولة الخيج عشان تجي وتقول انه انقذنا ومن ناحية الاسيويه انا حبيت اضربلك مثال فقط لاغير وبعدين ارجع بالذاكره لورى ماشفنا منه الا نكبات كذللك مسلسله الشهيرمع النصر يوم يوقع معهم بطريقه مقززه بغرض مساومة الكيان الهلالي وهذه كانت اهم الاسباب في جلي عميد الحراس محمد الدعيع |
فهد ممتاز وافضل من العتيبي وياليت الاداره تفكنا من القيه الخراشي والعنبر والعنقري والياس والهليل والبرقان والذياب والله مافي روسهم كوره |
إقتباس:
اما بخصوص جلب الدعيع إحقاقا للحق انت عكستها جلب الدعيع ه سبب توقيع العتيي للنصر لضمان مستقبله بعد ان كان متألق مع الهلال وانضم للمنتخب السعودي في كأس القارات جلب الهلال محمد الدعيع وكان مصير حسن العتيبي المحتوم ان يبقى في مقاعد البدلاء عندها تقدم النصر وهو الفريق اللذي كان على أبواب العالميه بعرض مغري للعتيبي وبصراحه ترى إحنا في زمن الاحتراف هذا العتيبي بقى في الهلال وقضى عمره كله في مقاعد الاحتياط وهو اللي كان الجميع يتنبأ له بمستقبل كبير يعني توقيعه للنصر لضمان مستقبله وأضن لو أي شخص كان مكانه كان بيسوي نفس الشي حارس صغير في السن ينتظرك مستقبل وتدرك ان امكانية مشاركتك مستحيله لوجود سيد حراس اسيا ويتقدم فريق اخر بعرض مغري لك دعوا العواطف جانبا وفكروا بعقولكم |
إقتباس:
لكن اذا فهد افضل من العتيبي يعني نستغني عن العتيبي يعني اذا ياسر احسن من الصويلح ينتقل الصويلح ليش مايكون عندنا الشمري والعتيبي اذا اصيب فهد يحل العتيبي مكانه اش المانع؟؟؟؟؟؟؟؟؟؟؟؟؟؟؟؟؟؟؟؟ |
كلامك صحيح اخي ااسامه خصوصا مع اصرار الدعيع للاعتزال نهاية الموسم وحسن العتيبي حارس رائع وكثير ما انقذنا في حال غياب الدعيع اتمنى من اعضاء الشرف تقريب وجهات النظر بين العتيبي والادارة ... وجود حسن مع الشمري في حال الاصابات او ابتعاد الدعيع ضروري جدا |
بالعكس أخوي رحيله أفضل من استمراره حتى يعطى فرصة لاسيما أنه كبرسنه وهو لازال على مقاعد الاحتياط , والشمري مبدع له مستقبل وسيكون خليفة الدعيع انشاءالله . شكرا على الموضوع |
إقتباس:
.................................................................... |
انا استغرب من هذه المواضيع وأشوف انه مع الوقت يكثر جمهور (خالف تعرف) حسن على العين والراس وما نقول عليه شي كشخص لكن كحارس اسمح لي مستواه أقل من الهلال بكثير نبارك خطوة الادارة وكنا نتمنى اضافة البرقان والمفرج والخراشي لكي نرتاح من الذين ضمنوا التواجد في الهلال بطريقة ( انشب لهم , يمكن يحتاجوني اذا تورطوا) اسمح لي اخوي لكن حكّم عقلك قبل لا تكتب موضوع لمجرد مخالفة الجميع |
إقتباس:
يا أخوي وجهة نظر الرجال 100% وانت يا أخي عيب عليك تقول مثل هالكلام ،، هذا منتدى راقي والموجودين كلهم محترمين عيب عليك تتلفظ بهذي الالفاظ |
اسمع يا أسامة العلم اللي يجمد على الشارب وانا اخوك .. حسن العتيبي على بلاطة ماحولك أحد .. جته فترة بدع قبل سنواااااااات وبعدين نكبنا في الآسيوية وأنت ماشي ..وبعدين البديل المتواجد أحسن منه بكثير .. فأرجوك إذا في قلبك ذرة حب للهلال تترك هالموضوع وخل الإدارة ينسقونه والله يوفقه في فريق ثاني .. اسمح لي بسؤال ياخوي / انت عصيمي ..؟ |
اسمح لي تسمي هذا حارس شف الحين من اللي بياخذه احد انديه الدرجه الاولى واتحداك ماحد ماخذه من انديه الممتاز الا بمبلغ زهيد |
اي والله انكـ صآدق ( حسن العتيبي ) فرطنا فيه.. فهد الشمري < قسما بالله داج صد بلنتي..والجماهير عاطفيه يقولون هذا احسن حارس.. بدر الدعيع < ان شاء الله يطلع مثل عمه واحسن بعد.. |
العتيبي هو اللي رفض التجديد مهو الإداره اللي قررت الإستغناء عنه |
إقتباس:
حلوه منك !!!!! يعني انت ماشاء الله حكمت ان الكل متفق على رحيل حسن العتيبي وبعدين ترى حتى الاداره مانسقت حسن الاداره اختلفت مع حسن حول قيمة العقد يعني بالعربي كان هناك نيه لتجديد عقده فلاادري من هم اللذين اخالفهم!!!!!!!!!!!!!!! |
اهنيك صراحه بحبك للاعبي الهلال الخلوقين ولكن وللامانه الاعبين الي انت تحبهم لايستحقون العب لنادي كالزعيم الاعب حسن مشكورا سبق وان كبنا في اكثر من نهائي وهذا طبعا لحماسه الزائد كبقية اللسته المحبوبه لديك ...طبعا هذا غير وانه سبق وان تدرب مع النصر حينما جلبت ادارة الهلال الدعيع ومساومته للهلال المهم اخيرا وليس اخرا الى متى ونحن العاطفه تسيرنا في كل شيء اين الاعبين علي جبلي والمعيوف والاعب الي راح لسدوس ..واقل القليل انك تطالب بفهد الشمري كحارس اساسي خليفة للدعيع خاصه وانه صغير في السن مقارنة بالعتيبي وشكرا لك |
إقتباس:
|
إقتباس:
وبعدين اي اسيويه اللي نكبنا فيها الهلال لعب ثلاث بطولات في التصفيا التأهيليه المباراه الأولى مع الفريق الايراني وهي اللي تسبب فيها حسن بهدف المباراه الثانيه مع فريق اوزبكي الثالثه مع العين يعني من ثلاث مباريات حارس يتسبب في هدف يصبح هو اللي نكبنا في الاسيويه الله يسامح الصحفيين اللي ماعندهم سالفه الا نشر هذا الكلام الفاضي لأغراض شخصيه |
إقتباس:
انا اول مره اسمع ان العتيبي تدرب في النصر العتيبي وقع عقد مبدئي بالانتقال للنصر لكن لم يتدرب مع النصر وعموما حتى لو فكر العتيبي بالانقال للنصر هل هذا خطأ؟؟؟؟؟؟؟؟؟ حط نفسك مكانه فريق يعرض عليك فرصة العمر مشاركه في بطولة اندية العالم ستصبح الحارس الأول في الفريق وليس الثاني هذا هو العتيبي بقى في الهلال وشوف اش صار فيه اخذناه لحم وبنرميه عظم يعني بالعقل مو كان انتقاله لأي نادي اخر افضل له الان نحنا نقول الشمري حارس متميز طيب اش المانع ان يبقى حسن العتيبي هل حسن العتيبي حاجز مكان اساسي في الفريق الان؟؟؟ طبعا لا مالمانع ان يبقى حتى لو كحارس ثاني او حتى ثالث في الفريق؟؟؟؟؟؟؟؟؟ |
اما مبدع حسن العتيبي اعتقد انها جديده من عام 1418 نهائي الشباب هدفي المهلل وهو من ذيك السنين وهو سبب في اغلب خسائر والاهداف اللي تجي علينااا لو نعطي الفرصه اللي اخذهااا الشمري والدعيع الصغير اصبحوا هم المبدعين ماهوب هو مع احترامي لوجهة نظرك |
طيب يا صديقي وش رايك بالمبادلة بين حسن والرهيب؟ الحراسة وضعها مطمئن بالنادي عكس الظهير الأيمن وبكذا في أسوأ الأحوال نلعب سنة او سنتين بدون هم الحراسة او الظهير اليمين موب أفضل كذا ؟ على فكرة بالدوري الانجليزي اغلب الحراس اللي يبدعون مع الفرق الهابطة لذلك حراس مثل بن فوستر الحارس الثالث بمانشستر اعير العام الماضي لواتفورد اول الهابطين وكان مقدم مستوى ممتاز جدا ومثله الحراس السابقين لمانشستر هاوارد النكبة مع المان والممتاز مع ايفرتون .. كارول الزلابة مع المان والجيد مع ديربي رغم الهبوط الشنيع :D العتيبي مستواه جيد مع القادسية مع اني ما اشوفه يتفوق عالحارس الاحتياطي له بالقادسية اللهم العمر الكبير والمفيد للحراس .. لو يتم اعارة شراحيلي او بدر الدعيع لاندية صغيرة بالممتاز او اندية كويسة بالدرجة الاولى بشرط يلعبون باستمرار راح نقطع شوط كبير بتجهيز حراسنا الصغار :) إقتباس:
غبنة خمس ملايين في حارس ثالث وان كان متميز جدا يعني دامنا بنتمسك بحسن من البداية كان ماجبنا الشمري وضيعنا الطائي وهبطوا :( |
والله كلامك صحيح 1000000% اخوي اسامة .. نسينا مستواه الرااااااااااائع في البطولة الخليجية .. أخاف إذا راح نندم من جد .. إقتباس:
إمكن اللي يسب واحد مثلك .. أما الكبار إذا عارضوا يعارضون بأدب .. |
السلام عليكم هل تذكرون المباراة التي كادت تحرم الزعيم من الدوري (القادسية)وكيف كان حارس القادسية سد منيع فيها.؟ |
إقتباس:
وبالنسبة لنكبة الاسيويه المباراة مع الاستقلال الهلال انهزم فيها والي ذكرتها انت فاز الهلال 2/0 الي وكان في مجموعته السد والعين تاكد من معلوماتك قبل ماتدافع عنه |
ياخي مع أحترامي لحسن العتيبي بس أخذ فرصته وزياده .. عندنا الشمري ينتظر الفرصه .. وبأذن الله سيحمي عرين المرمى الهلالي .. ومن بعده بدر الدعيع .. أما حسن فأعارته هي أحسن حل .. وأتمنى أيضاً .. أعاره كل من : محمد العنبر .. الهليل .. الياس .. العنقري .. الخراشي ( بعد مايرجع أبو صلوح أن شاء الله ) .. سعد الذياب .. الموري .. والأستفاده من أعارتهم .. مثلاً .. أعاره العنبر والخراشي لأي نادي وأحضار لاعب يمكن الأستفاده منه في أي مركز .. اعاره الهليل و الياس و العنقري لنادي الأتفاق وأحضار راشد الرهيب .. أعاره سعد الذياب .. والموري لنادي الأتفاق وأحضار عبدالرحمن القحطاني أو أي لاعب يمكن الأستفاده منه .. وبكذا نكون أحضرنا لاعبين نستفيد منهم بدل ماندفع فيهم فلوس .. ونكون اعطينا الفرصه للاعبين الهلال باللعب مع أنديه أخرى بدل مايكونوا أحتياط ..!! |
| الوقت المعتمد في المنتدى بتوقيت جرينتش +3.
الوقت الان » 02:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd