اما عاد


طيب وش رايك بجاوب لكن بشرط تجاوب على سؤالي




من منشن عليه تبي تعرف وين ساكن



انا ساكن في الحي حقنا هذاك

ايييييييييه ياخي حينا ماأعرف وش اسمه

لكن بعطيك الوصف

تعرف شارع المدينة اللي ورا الجسر المعلق وانت طالع من عند ديراب باتجاه الرياض ومتعدي حي السفارات باتجاه الشمال ودخلت مع العروبة شرق ثم الملك فهد جنوب ثم التحلية شرق تدخل بحي يسمونه السليمانيه وانت على شارع التحلية قبل ماتدخل الحي هذا فيه مطعم لاكافيرنا ثم جافا تايم ثم كادي بجنبهم مطعم ماأحبه ومحل ملابس رجالي مخيس وفيه مجمع توه مبني جديد بوسطه مطعم صيني على كيف كيفك المهم تلف يمين بعد المطاعم المذكورة تلقى المدرسة العالمية الفلبينية تكمل لما تجيك اشارة تسوي يو تيرن " فوق تحت " أو " تجي راجع " وتلف من خلف بنده ومطعم الست شاه اول لفه تلف معها تحصل وكالة فيراري اللي يحبها خويي تخليها وتلف يمين مرة ثانية وتسوي يو تيرن من عند الإشارة باتجاه الشرق تمشي لما تحصل إشارة على يسارك التميمي ومقابلك ماكدونالدز تتجه للشمال عند الإشارة الملحوسة المايله تحصل وكالة بورش وفولكس واغن تكمل لما الإشارة الأخيرة وتسوي يو تيرن علطول سفط سيارتك راح تحصل وكالة الزاهد بجنبها وكالة لمبورقيني عندهم سيارات حلوة ارجع لسيارتك وخذ طريق الملك عبدالعزيز باتجاه الشمال أهم المعالم التي تمر بها أكسترا على يسارك وبجنبه عالم سوني وساكو ومطاعم وحلويات النافورة على يمينك ووكالة باناسونيك و سيتي ماكس لما يجيك تقاطع الملك عبدالله مع الملك عبدالعزيز تحصل أمامك على اليسار صحارى وخلفه حياة مول وأمامك على اليمين الحربي تيليكوم طبعاً لف يمين باتجاه الشرق مع الملك عبدالله تحصل الممشى اللي حول جامعة الأمير سلطان طبعاً خلف الجامعة الكلية التقنية وعلى يسارك برجر كنج كمل طريقك تحصل ضد بعض على اليسار محل العاب شبكات وبلايستيشن كمل طريقك يجيك على يسارك المحلات التالية هرفي ليتل سيزرز أرامكس وكذا مطعم كمل قدام يجيك على اليمين مجمع الأمير سلمان كمل قدام يجيك الدائري الشرقي عدي منه تحصل على اليمين وكالة تيوتا البازعي والبنوك التالية الفرنسي والرياض والأمريكي والاستثمار وكذلك مجمع الماركات الإيطالية بيرناردي وقبله موبايلي وبجنبها مكتبة العبيكان ههههه وعلى يمينك بنده وساكو ومكتبة جرير وقرطاسية المكتبة بعد الإشارة فيه مطعم يحبه قلبك اللي هو مطعم ماما نورة عندهم عصير رمان راااااااايق وعلى فكرة لهم فرع ثاني على طريق التخصصي وفرع ثالث على الملك عبدالله ههههههههه
ياطويل العمر أنا بيتي بجنب واحد من الأماكن المذكورة آنفاً

وتقبل مروري الخفيف

حي المنصوره جنوب الرياض
..................................