شي كويس بالحيل أن أمك تصير فيذا

بس أبوك لا

مب كرهن فيه الله يطول بعمره

بس مدري أحس أن الأم أفضل من الأبو في النت

و للمعلوميه .. في منتدى من المنتديات اللي أشارك فيها بكثره [ الزعيم نمبر تو مكسات نمبر ون ] أمي مراقبه و أنا في منصب مراقب سابق [ كنت مراقب ] لكن قطعت النت شوي و رجعت و لقيت نفسي كذا

و عادي جداً الأمر .. حتى أن أمي ترسل لي رسايل عالخاص مدري وش تببي

كأنها ترسل عالجوال

أول رساله لها عندي ما مسحتها

كانت هي على اللابتوب حقها و أنا عالكمبيوتر حق أخواني كلهم

بس ما علمتني عن اسمها

و أصلاً ما كنت أدري أنها مسجله

تقول لي

قم يا رويكه [ عيارة راكان ] و رح دق على البقاله خلهم يجيبون جبن و نواشف

طبعاً وجهي صار تسذا

من ذي .. و وش لون تعرفني .. و اللهجه نفس لهجة بيتنا .. و زود على هذا تعايرني

و أنا أبو ريان

و أرد عليها رد مهب صاحي

و أسب و ألعن خير خيرها

بس الجاهل ما عليه شي .. و أنا ما كنت أدري أنها أمي

و إلى يومك تصير سوالف و كذا في النت

حتى أن كل الأعضاء هناك يدرون أنها أمي .. حتى في نبذه عن حاطه أم متقدم [ اسمي هناك ]

و أيضا فطست على الرد اللي تحت
و أوافقه في كل شي

إقتباس الرسالة الأصلية كتبت بواسطة ابو طـــــلال موضوع حلو .. وتحفة .. ودمة خفيف وعلطول تخيلت وظحكت .. تخيلت اميمتي تكتب موضوع عن مسابقة افضل تعليق أو خاطرة .. وأبوي أجمل قصيدة ويفوز ببطاقة DSL جائزه افضل عضو في التواصل والردود وايش تتوقع راح يكون اسمائهم في المنتدى ؟؟ واي قسم راح يكتب فيه ابوك اكثر شئ ؟؟ وامك وين راح تكون متواجده ؟ يعني في اي قسم ؟ أبوي اتوقع بيكون اسمة بالمنتدى .. عاشق الكشتات أميمتي .. ( أم الحلوين ) أبوي بيكتب بكل شي .. فاضي هالشايب .. بس أكثر شي بقسم الجمهور الهلالي ( مندس ) ويسبب فتن وخلافات >> نصراوي ابوي ... امي .. اتوقع فاتحه رابط السديس وأنواع الصياح .. والمشاركات ( 0 ) بس حلوة لو تكون امي معي بالماسينجر واكلمها ولاترد .. وشوي وتقول ( برب ) موضوعك حلوووو ... تخيلات احييك على هالموضوع اختي ... يعطيك العافية ... اخوكم الصغير ابو طلال

و السلام عليكم

عذراً

بس نسيت نقطه

اسم الوالد أتوقعه .. نصراوي عمك حارق دمك

اسم الوالده .. أم الحلوين

بس اسم الوالده من أبو طلال

لأن اسمها اللي تسجل فيه دايم ما أقدر أقوله