<!-- / message -->

انا عندي ايسر و الحمدلله اوووووووكي معايا ... ولا تسمع لكلام الناس ترا كله ع الاستخدام

انا لي سنتين مستخدم ايسر ولا اشتكيت منه ولا غير قطع ولا غيره ... ومعي زي الفل

بس تبي التووووووب خذلك توشيبا

تحياااتي

انا عندي إتش بي وماشي معي زين والموصفات زينه والسعر 3670

شاريه قبل 3شهور وشاريه من مكتبة جرير

انـــــا اقــــول افــــضـــــل جــــــهـــــاز (ســـــونــــــي)

عاملين حملة ياجماعة على الايسر لييييييش
انا اشوفه طيب جدا

انا بصنفهم لك بحسب خبرتي

hp
acer
toshiba
dell

ف تبي رخيص وزين ايسر

غالي بس مميز بمعنى الكلمه توشيبا

ديل ما انصحك ابد بطاريته
لك عليها

اتمنى اني افدتك

ياحبيبي بناءًا على خبرة طويلة وصاحبي عنده محل صيانة بعطيك وانت تختار

إسوس شركة رائدة في تصنيع المذربورد والهارد ديسك وكثير من أغراض الكمبيوتر يعني الجودة راح تكون فائقة .

ديل إيضاً قوية وعلى قولتهم حمار مكدة لكن الناس لا يرغبونها بسبب حجمها الكبير نسبياً .

سوني شركة جديدة في هالمجال صحيح بالمواصفات عندها تفوق غير طبيعي لكن من تجربة زميل لي حرارتها مرتفعة دائماً وأيضاً سوني هي تقريباً أغلى اللابتوبات سعراً

توشيبا خبيرة في مجال اللابتوبات وجودة عالية وعمرها الافتراضي طويل وثاني شركة من ناحية غلاء السعر .

فيجيتوس سيمينس شركة المانية يابانية كل الناس يسبونها وبقوة ولكن أنا لدي لابتوب منذ أكثر من سنتين واستخدام جائر حتى الأطفال كسروا اجزاء من البودي ولكن شغال زي الحلاوة .

أيسر أنا بصراحة اشبهها بالأكسنت واسعة الانتشار لرخص ثمنها وجودة متوسطة يعني بثلاث الاف تنقي مواصفات قوية .

اتش بي أو كومباك أكرهها هذه الشركة لأن تجربتي معها سيئة جداً غيرت الهارد ديسك اربع مرات خلال سنة واحدة يعني ما أنصح أبداً فيها .

وفي الأخير أياً من اللابتوبات لا تأخذها من مكتبة جرير لأن الأسعار مرتفعة والصيانة في حال احتجتها لا قدر الله سيئة جداً . وبالنسبة لي الشركات الكبرى كإكسترا أو إلكتروا أو بست لا أثق في ضمانهم .

وتقبلوا تحياتي ،،،،

انصحك بخلاط الابتوب بيدوخك

انا عندي ايسر وابنتف شعري من كثر ما يعلق

احسن كمبيوتر توشيبا


و الله انه يريح البال و انا انصح بتوشيبا

والله أنا عندي إيسر بس مواصفات مرررره قليله لأني شاريته من زمان وإلى الآن ما قد سويت له صيانه ولا هم يحزنون بس على مواصفاااته أقول أنه فللله بقولكم مواصفاته بس لا تضحكون لأني عطيته أختي وشريت لي سوني :) ..

كانت مواصفاته ( الرام 256 :) - الهارديسك 40 :) - السرعة سنترينو 1.60 :) ) ..

يعني مواصفاته سيئه وإلى الآن شغاااال والإيسر معروف راااعي كرف للي ما يعرف للكمبيوتر ..

بالنسبه لجهازي الحين واللي أنصح الكل يشترونه هو السوني فايو ..

أجهزتهم جبااااااااااااره ..

وأسعارها أول غاليه الحين فيه فئات منه أسعارهم ما تتعدا 5000 وهي فئة cn ..

أنا جهازي فئة sz بس غالي شوي كنت شاريته بـ 7500 ..

بس سعره فيه ..

وهذي نصيحتي ..

وبالتوفيق ..

شف اخووووي ..


الـ acer انا معي الحين والله كثيره تعليقه مانصحك فيييه ..


لكن الدييل روووعه شغيل يجلس معك عشر سنوات يمشي تمام .


لكن انصحك بالتوشيبا غيره لاتتدور ..

عندك اسيس واتش بي هم الافضل من واقع تجربه

الاسيس مواصقاته قوية جدا واسعاره مش غالية وضمانه اوكي من واقع تجربه قد خرب علي مره ووديته لهم العصر المغرب مخلص ضمانهم اوكي اذا احجته ويكفي انه لمدة ثلاث سنوات دولي يعني لو يخرب بااي مكان ماعندك مشكلة

اتش بي يكفي انها اقوى شركة كمبيوتر بالعالم والدليل شف الجامعات وبنك الراجحي والدوار الحكومية مايخذون الا اجهزة اتش بي وان دل على شي دل على جودة الاجهزة

ويكفي مواصفاتهم واسعارهم الحلوة

انا عندي الجهاز الاتش بي من 6 شهور واعتبره افضل جهاز مر علي من جميع النواحي

اما التوشيبا انتبه تاخذه تراه جهاز اقل من عادي مجرد اسم واكثر الناس يعانون من الشاحن حقه لو خرب عليك بتعاني وكيله دمار

خويي خرب عليه الشاحن ثلاث مرات وسعر الشاحن 700 ريال !!!!!!! ويكفيك ان حرارته عاليه مميسبب تلف الهاردسك والمذربور مع الوقت نصيحة ابعد عنه