|
عندما يغيب ياسر تغيب الاهداف .... وتحضر التعادلات !!! بسم الله الرحمن الرحيم ارحب بكل الزعماء والزعيمات ... واباركلكم درع الدوري ( تو الناس )مايخفى عليكم ان الهلال في في اخر خمس مباريات تعادل في اربع وفاز في مباراة وهي قدام الاتحادولكن المباريات اللي تعادلنا فيها كان ياسر غايب عنها وهذا مؤشر خطيربحيث اننا لانملك مهاجم من طراز ياسر لانملك مهاجم ثاني ( يخوف ) ممكن يقلب النتيجه في اي وقتويكون قوه ضاربه مع ياسر اتمنى من الاداره مع نهاية الموسم الغاء عقد ليلو ( الزود ) واحظار مهاجم سواء محترف او محلي.2 _ تجديد او شراء عقد الصخره تفاريس اللاعب اللي بجد يخلص لشعار الزعيم من قلبه واعتقد انه رخيص بأي مبلغ يوضع فيه.3_ التعاقد مع السيد كوزمين لمدة خمس سنوات لكي يعمل بخطه طويلة المدى ويعمل على اكتشاف شباب الهلال .مع تمنياتي لزعيمنا الغالي تحقيق كاس الملك . |
(أول مرة أرد أول واحد ) هههه , فعلا الهلال محتاج مهاجم ثاني مع ياسر والله الهجوم بدون ياسر عقييييم وأتمنى انهم يتعاقدون مع مهاجم خليجي يفيد النادي وفي نفس الوقت ما راح يكلف الخزينة الشئ الكثير , وبالتوفيق للأزرق |
مع إحترامي لك أخوي مدحكم لياسر صار زياده عن اللزوم وكأن الهلال ياسر فقط أنا ما أكره ياسر ويعلم الله أني أحبه زي أي لاعب هلالي لاكن تجاهلكم لجميع من يمثل الهلال وتركيزكم على ياسر ونسب الفوز لياسر فقط هذا فيه ظلم للباقي . . . الفوز ينسب للمجموعه كامله والخساره كذلك . . نواف التمياط من كثر ما مدحناه ما بقى غير نوصله فوق السحاب هذا هو طايح مستواه ولا يفكر أنه يرفع من مستواه لأنه عارف أن فيه ناس راح تدافع عنه علشان كذا هو غير مهتم على الإطلاق أن يرفع من مستواه . . . وياسر إذا ظليتوا تطيرونه بالعجه بمناسبه وغير مناسبه قولو عليه السلام والخسران الأكبر هو فريقكم لاكن ما نقول إلا الله يستر من تبعات إعطاء ياسر أكثر مما يستحق . . . تقبل مروري أخوي تحياتي |
والله الهلال عندما يغيب ياسر يصبح اسمه ظل الهلال والهلال بدون ياسر في الهجوم مايسوى حاجة اتمنى من الاداة المسارعة في التخطيط للموسم المقبل لاسيما وأن النادي سيشارك في دوري ابطال اسيا للمحترفين والبطولات المحلية سوف يكون هناك ضغط على القناص اتمنى من الادراة احضار مهاجم سريع وقناص ويستفيد من خدماته الفريق بالعكس من ليلو الذي لم يستفد منه النادي ولا حاجة |
ياسر لاعب من طراز نادر ......................................... |
اتمنى اسماعيل مطر يلعب بجوار ياسر.................... |
إقتباس:
تحياتي لكاتب الموضوع والاختلاف في الراي لايفسد للود قضيه وبعدين ياسر لاعب نادر هداف من طراز عالي ولايلتفت لنفخ لاننا نعطيه حقه واذا زدناه زادنا والتاريخ يشهد وانجازات ياسر يا اخي كلام كاتب الموضوع صحيح مافي مهاجم يقتنص فرص صح احياننا يوفقون لاعبي الوسط ويسجلون لكن اذا غابوا عن التسجيل من يسجل الهجوم وما أضن في مهاجم عندنا صح مع احترامي لسعود لثقله والخراشي احمد الصويلح هو ممكن يسجل وما يضيع مجهود زملائه ياسر اذا ذميته رد لك داخل الملعب بالتسجيل واذا مدحته زاد على ذلك ( فقط لان لديه ثقه وثقه الكبار ) تحياتي... |
أخوي آسرني أشكرك على تواصلك وتعقيبك على كلامي أخوي أنا ما أكره ياسر ولا أنكر مهارته وقدرته على إقتناصه للأهداف لكن اللي نشوفه بالمنتدى من مواضيع أغلبها يتكلم عن ياسر وكأن ياسر هو اللي يجيب الأهداف من غير محد يمرر له الكوره هذا فيه إجحاف بحق صاحب التمريره أللي لو الله ثم هالتمريره كان ما جات هدف أيضاً مجهود باقي نجوم الزعيم . . . يجب أن يأخذ كامل حقهم بالمدح مثلهم مثل ياسر والنقد أيضاً لاكن من غير تجريح . . . أنت ذكرت سلطان السعود وبدر الخراشي وأحمد الصويلح ونسيت تذكر عبد العزيز الكلثم وسلمان المؤشر أللي برأيي لو لعبوا مكان ياسر كان تشوف إبداع من نوع آخر عبد العزيز وسلمان لاعبين يملكون مهارة ياسر وذكائه داخل الملعب لاكن توظيفهم داخل الملعب خطأ لأنهم مهاجمين وليسوا لاعبين خط وسط أتمنى الزج بهم في مركزهم الأصلي وأنا واثق من قدراتهم وأنهم سينافسون ياسر على مركزه . . . وإذا ثبت عكس كلامي أنا أول من ينتقدهم . . . تحياتي لك |
مشكلة كبيرة وأويدك في تحليلك السعود والعنبر وش وجه الشبه بينهم؟؟؟؟ كلهم ما عندك احد وجودهم مجرد تكملة عدد الهجوم يعاني يعاني ولا بد من مهاجمين 2 على الاقل محترف ومحلي ياسر ما راح يكون متواجد دايم بسبب مشاركة المنتخبات والاصابات لا قدر الله |
عزيزي ..... الفيصل انا اتكلم عن الهجوم وماذكرت خط الوسط او الدفاع او غيره انا خصيت الهجوم وانا اتفق معك ان الكلثم والدوسري والمؤشر ممتازين مع انهم مش قلب هجوم صريح ولاتنسى انه قامك استحقاقات مهمه جدا وترانا مشتاقين لكأس اسيا شاكر مرورك |
| الوقت المعتمد في المنتدى بتوقيت جرينتش +3.
الوقت الان » 09:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd