*** إهداء مني إلى كل هلالي ***
يا هلال أنا لو قلت أحبك قليله *** واللي يحبك ما يجاهر بالأسرار
يا هلال يا تاج العرب والفضيله *** المجد لك نبراس طيب وتذكار
يا هلال لا لأهل الحسد والرذيله * بانت مواريهم خفا سر وإجهار
يا هلال لو يزعل عميل عميله *** أنت السبب في نرفزتهم والأضرار
يا هلال كل اللي تريده تجي له *** دايم على العليا سبوق وصقار
يا هلال خصمك بين ميله وعيله *** تأخذ مرادك منه وعيونه صغار
يا هلال يامشفي القلوب العليله *** داويت جرح وجرح باقي له آثار
إليا خسرت الهم كل يشيله *** إليا كسبت أفرحت عشاق الأمهار
البارحه مرت علينا ثقيله *** وضاقت بعد ما كانت فجوجها كبار
وش هو النصر حتى يجاري خليله *** أسوأ منه ما مر عيني ولا زار
هدية الموسم علينا دخيله *** ما كنت أصدق كيف تهدي على الجار
صحيح ما ترضى لنا بالفشيله *** وأكيد ما نرضى لك الذل والعار
واللي حصل كبوة جواد أصيله *** إليا عثرت قامت وهي تشعل النار
بدري عليهم يشعلون الفتيله *** دامك هلالي للبطولات حكار
والأنديه خلفك تجر الطويله *** يا ليل يا ليل الشقا كأسنا طار
إما خذيته بالسيوف الصقيله *** وألا خذيته وسط زخات الأمطار
خيرك وصل عم الحضر والقبيله *** غيث على كل المحبين مدرار
كل يخيله قبل يحدث مخيله *** ماهي غريبه بالتحدي والأصرار
ولا سال سيله آه لا سال سيله *** ما أحد يرده لا اتحاد ولا أنصار
إلين تصبح من حطامه نثيله *** وتمسي وهي شفقانة تأخذ الثار
مسكين يا اللي حظوظ دربك ضئيله *** اصبر كما يصبر على المر غدار
جمهورنا الأزرق علومك نبيله *** سر انتصار وللبطولات بشار
كوزمين مدربنا صعيب بديله *** كل النوادي من نتائجه تنهار
نافس على كل الكؤوس الجميله *** وإليا زعل يحق له يترك الدار
بان انفعاله قبل عشرين ليله *** ليه التدخل في شؤونه والأعذار
أولاريو يا ذيب مال الكحيله *** إلا أنت يا ذرب الفعائل والأفكار
ياسر أنا قد قلت مافيك حيله *** ويشهد على ما قلت نظمي للأشعار
يا ما اشتكى منه العدو ويل ويله *** قناص ماهر عازف الفن سحار
طارق إذا بدع ولبس الفانيله *** موج يلاطم خصمه يمين ويسار
أرتاح لا منه حضر يا حليله *** فنان مبدع ساحر كل الأنظار
كل المحاور غير خالد ذليله *** عزيز جاكم كأنه الريح معصار
يا الاخطبوط إن كان للفن شيله *** أنت الوحيد اللي له الفن يختار
مافيك حيله دوم مافيك حيله *** دايم على العليا سبوق وصقار
وسلامتكم
تقبلوا تحيات
أخوكم / االــنــاايـــف
«®°·.¸.•°°·.¸¸.•°°·.¸.•°®» يا هـــــــلال «®°·.¸.•°°·.¸¸.•°°·.¸.•°®» 
الوضع المتطور
