مع احترامي لك اخوي ماجبت شيء جديد كلنا قريناها بالصحف ان البلطان جاب معه الناصر وجون بيكر وبعدين من باب اولى اذا كنت بتشك بالبلطان والناصر انك تفكر ليش الحزم انظلم قدام النصر برغم ان فيه علاقه بين البلطان والناصر

يعني الخلاصه لو فيه شيء بينهم كان ماشفت المهازل اللي صارت للحزم بمبارات النصر بحكم ان البلطان رئيس هيئة اعظاء شرف الحزم

على الطاري ترى الناصر والخبير التحكيمي مالقو حجز فأنقذهم البلطان علشان يناظرو مباراة النصر مع الحزم وقبل ماتطب في العالم تأكد من معلوماتك

شكرا لك ، ولكن يا أخي كلي ثقة بالبلطان بأنه ليس ممن يفعلون مثل هذه الحركات لنزاهته.

يعطيك العافية ياتركي كفيت ووفيت .. للأسف صرنا مثل جمهور الجار ..
أزيد على كلامك .. الناصر أسكن أنا وهو في نفس الحي وأقسم بالله إنه شخص من أروع مايكون إلتزاما دينيا وخلقيا .. إضافة إلا أنه لايفوته فرض في المسجد إذا كان موجود في بيته ..وحالته المادية ممتازة يعني مطخطخ .. وهو أكبر من هذي الحركات ..

أما أبوالوليد فماودي أظلمه أو أعطيه أكبر من حقه .. ولكن أسمع كثيرا أنه رجل فاضل وأعرف بعض أقاربه وهم من خيرة الناس .. ويكفي أبو الوليد الجامع اللي بناه لوالدته في حي الواحة .. ودعمه المادي والمعنوي الكبيــــــــــــــــــر للجامع وأنشطته .. حتى احتفالات الجامع يحضرها بنفسه .. وحتى لوحصل منه بعض الأخطاء ضد الهلال .. يبقى الفرق بينه وبين البلوي وبين الغير أمين وبين العروس مثل الفرق مابين السما والأرض ..
أما الأخ الذي يقول لو حصل هذا في اوروبا وش اللي بيصير .. أقول ياحبيبي أوروبا مايعترفون لابدين ولابأخلاق عندهم النظام وبس .. ولكن حنا قبل مانكون رياضيين فنحن إخوان مسلمين .. أتمنى ماتعمينا الكورة عن تعاليم ديننا .. وإن بعض الظن إثم ..
وآسف على الإطالة ..

علي اثر هذه الفضيحة
صدر اليوم قرار من الاتحاد السعودي يمنع اي من اعضاء لجنة التحكيم بي عدم السفر علي الطائرات الخاصة المملوكه لاعضاء الشرف ورؤساء الاندية
بدري غير تصير فضيحة حتي يطلع مثل هذه القرارات.

الظن السيء ماهو زين يازعماء اكروا الله بس




بالتوفيق ياااااااااااااااارب للزعيم

انا قريت اللي صار بينهم بالجريده ...

السالفه وما فيها ان الناصر والخبير التحكيمي لم يجدوا حجوزات للسفر من الرياض الى جده لمباراة الشباب والاهلي
وتكفل خالد البلطان بطائرته الخاصه لهم ....

والله اعلم ولا تظلمون احد الضليمه شينه يا جماعة الخير ...

هذا حنا يالعرب اول ما نقدم نقدم النية الشينة
طيب هو راح صح ياخي كان من باب اولى ان عبدالله الناصر يوصي الحكام على النصر في مباراتة مع الحزم
وان الحكام ينتفوا النصر تنتيف لانة يلعب مع الحزم والحزم فريق البلطان كمان
ههههههههههههههههههههههههههههههههههههههه
يالله انة يكبر عقولكم

احسنــــــــوا
الظن ياجماعه !!
يمكن مالقا طيارهــ
وما أظن اللي ببالكم صح
وشكرا عالموضوووووووع

صح لسانك اخوي .. وما ازيد شي ع اللي قلته ..


...............

خلونا يا زعماء باللي حنا فية وبلاش نتابع مثل تفاهات خالد البلطان ومنصور البلوي
خلونا مع فريقنا اصرف من الثنين هذولا

السؤال هنا :
ماذا لو كانت الطائرة الخاصة لعضو شرف هلالي وليس لرئيس النادي ويركب معه ىرئيس لجنة الحكام هل سيسكت المتعصبون ضد الهلال ؟!!!