أنــت من نووور الموضوع أخوووي الكلاسيكــي

بسسس لازم نشوووف لنــا حــل

وعليكم السلام ورحمة الله وبركاته

والله ياخوي شف صح انلحس مخي من اللغة العربية الفصحى بس فهمت أغلب موضوعك ههههههه

ياطويل العمر بالنسبة للعطة من المدارس خطيرة جداً ونتائجها دجة وضياع وقضايا أخلاقية وممكن قضايا مخدرات .
والعتب على وزارة المعارف << احس الاسم ذا مناسب للوضع الحالي لأني ماشوف تربية !!
المفروض يكون فيه متابعة من إدارة المدرسة للهاربين وتبليغ أولياء الأمور كخطوة أولى والشرطة كخطوة ثانية .

بالنسبة لمحلات الإنترنت حدث ولا حرج ! فتح في الحي محل إنترنت ومن اليوم الأول الكثافة عالية وكلهم مادون الخامسة عشر ، اليوم الثاني الناس مو لاقية مكان واقفين ينتظرون برا كأنه أكتتاب !!! المهم طلع البنقالي يبيع عليهم مواقع إباحية بخمسة ريال إضافة لسعر الساعة ، والوراعين ماصدقوا خبر يشوفون مناظر أول مرة يشوفونها طبعاً مناظر طبيعة ساحرة بالإضافة إلى بعض الأفلام الوثائقية !!!! !!!!!!!! !!!!!!!!!!!!!!
المهم اليوم الثالث الشيبان قالوا نبلغ الهيئة وتم ولله الحمد وضع طعم من شباب الحي ونتفوا البنقالي وقفلوا المحل .
انتهت الشطحة .

نبدأ نقاشنا
المرشد الطلابي المفترض أن يكون متخصص في مجال علم النفس ولديه قدرات عالية في هذا المجال ، ولكن مانراه أقرب مدرس يحطونه مرشد طلابي ويقعد يطلع حلول من مادة الجغرافيا لمشاكل المراهقة !!!!!!!!!!!!!!!!!!!!!!!!

الرقابة الإدارية والتنسيق مع الجهات المختصة بحيث يتخذ عقوبات أشد في حق من يهرب من المدرسة ، حتى لو تصل للحجز يوم كامل واستدعاء ولي أمر الطالب في قسم الشرطة .

محلات النت كغيرها من المحلات لا رقابة ولا يحزنون ..!!

اشكرك على موضوعك التحفة واللي اتحفتنا فيه اتحافاً مبرحاً ههههههه خصوصتن اللغة العربية

وتقبلوا تحياتي ،،،،

لو كل شخص يهرب من المدرسه يفصل ويرمى ملفه بوجهه

كان ماشفنا هالاستهتار

ايضا لو كان فيه تفتيش كل صبح على مقاهي النت واذا شافوا واحد صغير ووواضح من وجهه انه طالب

يمسكونه ويدقون على اهله يشوفوون هوو غايب ولا وشو

لكن ماتوقع عالشي يصير

إقتباس [دعـــوه للنقــاش]هـل أصبح رزق الهبـل على المجانين ؟

اخوي الله يجزاك خير مايجوز هالكلام !!

الرزق لله وحده ، لاينازعه احد عليه

وتذكر قول الرسول صلى الله عليه وسلم " إن العبد ليتكلم بالكلمة من سخط الله لا يلقي لها بال تهوي

به في النار سبعين خريفاً "

تحياتي لك ،،

إقتباس الرسالة الأصلية كتبت بواسطة فهد عاشق البرسا اخوي الله يجزاك خير مايجوز هالكلام !! الرزق لله وحده ، لاينازعه احد عليه وتذكر قول الرسول صلى الله عليه وسلم " إن العبد ليتكلم بالكلمة من سخط الله لا يلقي لها بال تهوي به في النار سبعين خريفاً " تحياتي لك ،،

أنــا ما سخطت الله أنــا أقول رزق الهبل على المجانين

ركــز وراح تفهـــم الموضوع

هذه مقولــة معروفــة ولا شيــخ حرمهــا

تحياتي لفتواك