|
إقتباس:
ايه ليش لا :) انت اللي من جد تحاول تقنعني ان فيرجيسون أفضل من مورينيو خلال وجود مورينيو في تشيلسي :surprised: لا والله معلييش .. مورينيو وقت وجوده في تشيلسي كان أفضل مدرب في العالم في ( وقته ) يعني خلال المواسم اللي كان فيها في تشيلسي :yes: انا ماقلت مورينيو أفضل من فيرجيسون على الدوام .. بل قلت خلال فترة وجوده في تشيلسي حتى فيرجيسون اعترف بأن مورينيو جاب شيء جديد للدوري الإنجليزي :yes: وهذا شيء يحسب لموري :yes: أحمد .. الرسالة الخاصة موجهه لك والله :d بس انت شكلك ما استوعبت :d |
بسم الله الرحمن الرحيم في الحقيقة أنا أستغرب من اللي ينسب كل نجاحات مورينيو للمال .. أول شي لا ننسى إن الكورة تعتمد على المادة بشكل رئيس الآن .. ثاني شي طيب ليش ما شفنا كل الفرق الغنية دايما تنجح؟ فيه أمثلة كثيرة على فرق غنية دايما ومرصعة بالنجوم وتفشل كثير كثير .. وأنا رايي من رأي أخوي اللي قال إته ماجاب نجوم نجوم فعلا غير دروقبا .. الباقين كانو يعني نجوم عاديين مش سوبر .. وكان اعتماده بشكل كبير على لامبارد ودروقبا وتيري أعتقد .. ووين اللي يقول كذا من نجاحات مورينيو مع بورتو ؟ حقق معه بطولة استعصت على أندية غنية كثير مورينيو ظاهرة تدريبية .. هذي حقيقة .. هو واحد من أكبر المدربين في العالم وأفضلهم رغم قصر سنه التدريبي .. وأنا ما أشجع تشلسي ولا من متابعي الدوري الإنجليزي كله .. لكن كنت اتابعه أيام كان يدرب تشلسي .. مثلما كنت أتابعه مع بورتو .. لأني معجب جدا بفلسفة هالرجل التدريبية .. يجمع بين النتيجة والأداء القوي والتكتيك العااااااااالي جدا .. هو في رأيي واحد ضمن أفضل ثلاثة مدربين تكتيكيين في العالم .. لاحظ اني قلت تكتييكييين وصحيح هو شايف نفسه شوي لكن انا أوجد له العذر الرجل يشوف نفسه قامة تدريبية باسقة .. ويحقق اشياء صعب يحققها غيره .. وهو في الحقيقة فلتة من فلتات التدريب في العالم .. وشخصيا أتمنى يجي لفريق مثل اليوفي يعتمد بدرجة كبيرة على التكتيك .. وأتمنى بعد يدرب أي منتخب في اليورو الجاي .. أتوقع لو يمسك المنتخب الألماني رجعه بعبع التكتيك :d سلام |
إقتباس:
اسمحلي بدخل بالنقاش بينكم ورده بالاول ما احد ينكر ان مورينيو جدد بالدووري الانجليزي لكن ذا مايعني انه الافضل .. مورينيو اذا تبي تتكلم تكتيكيا هو الافضل بالخطط الدفاعيه وذي النقطه مفرووغ منها .. لكن هجوميا .. اسمح لي مورينيو يستفيد من لاعبيه يعني ماتشووف في تكتيك هجومي واضح كثير من الاحيان تلقى الاهداف تجي من ركلات حره .. او عن طريق مجهوود روبين سابقا و جوي كوول وبلمسه من دروغبا ممكن واحد يقولي تشلسي كاان باوقات يفووز 5-0 اقولك بسبب قوة دفاعه وقوة شخصية الفريق لكن المدرب مايجيد اللعب بخطه هجوميه طبعا ذا الشي ماينتقص منه .. اذا كان هو الافضل بدون شك طيب ليه مانشستر الموسم الماضي اخذ منه الدوري وهو مايملك احتياط .. وين عبقرية مورينيو ووين افضليته ..؟!! واذا كان هو الافضل ليه طلع من التشامبيونز على يد بينيتيز ...؟!! مورينيو مدرب ممتاز لكن لم يصل للكبير فيرقسون يمكن مورينيو يتفووق بشي واحد بس قدرته على الخطط الدفاعيه لكن فيرقسون وبمقارنه بسيطه اجده يتفوق على مورينيو بإجادته لاكثر من طريقة لعب و تبي تشوف التكتيك .. الموسم الماضي السير كان يلعب بخطه وحده تقريبا هي 4-4-2 لكن بتكتيكات مختلفه .. .. , .. وبالنسبه لتصريح مورينيو انا اعتبره تصريح واحد خايف الاضواء تبتعد عنه ما اتووقع احد جا وسأله من افضل انت ولا فيرقسون الكل يتسأل عن مستقبل مورينيو لكن هو وكانه خايف ان الاضواء تنسحب منه جا بكل وقاحه يقارن نفسه بفيرقسون بمقارنه غريبه !! قفله مورينيو لم يستطيع انه يقنع رئيس ناديه بانه الافضل سؤال هل يستطيع مورينيو تدريب اي فريق ..؟ لا طبعا لان مورينيو لازم يكوون عنده سوبر ستار بالفريق او اكثر من سوبر ستار وخلفهم رئيس يدفع ملايين ابوغامد شكرا ورده واعذرنا ع القصوور |
احس انه يقول:"ان تكونوا مهايطيين مثلي ابدا"............................... |
| الوقت المعتمد في المنتدى بتوقيت جرينتش +3.
الوقت الان » 01:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd