![]() |
بهذه الطريقة أخذ (جمهور الكوكيز) ثالث العالم .. تحقيق سريع سويته بنفسي .. (روابط +اقتباسات) . السلام عليكم ورحمة الله وبركاته في أحد المنتديات تلاقطت أنا وكم واحد من الإخوة النصراويين بخصوص الإحصائيات :naughty: فكانوا يتكلمون إننا أفضل حسب كلام موقع أنترنت ،، المهم نزلت الموضوع هذا بشكل سريع وكنت أقول فيه: أنا عارف إن كثير من الناس راح تزعل علي لكن شوفوا أنا حبيت نتكلم بحقائق ونحط أدلة قدامنا وبراهين :)) ,,,,,,,,,,,,,,,,,,,,,, ما راح أمدح شركة زوقبي العريقة ،،،،،،،،،،،،،،،،،،،،،،،، لكن هم قالوا إن زوقبي مهيب معتبرة لأن النصر أخذ الثالث بموقع أنترنت :surprised: حسيت إن كلمة أنترنت مقدسة يعني شيء ما يمكن يكون خطأ طيب ما ودي أطول بالمقدمة ندخل بصلب الموضوع . . أول شيء راح نآخذ الإعلان والخبر الذي أذهلنا ورفع من قيمة الكرة السعودية :)) إقتباس:
مبروك للنصر ويستاهلون خلونا نروح ونشوف وش اللي يصير من ورى الكوالييس خلوكم معي :) من منتديات إي سي ميلان يقول الكاتب الكبيــ 3 ـتانو إقتباس:
طيب أنا أذكر كل شخص يصوت مرة وحدة :S يعني كل 24 شخص طلعوا شخص واحد بس :( أفا ولا أقول لكمـ ،، هالكاتب هذا مهوب صاحي :) خلونا نروح نشوف غيره خلونا نروح نشوف منتديات مالها دخل بالنصر ولا بغيره بس أهم شيء تكون رياضية :)) طيب امممممممم خلونا نروح نشوف منتديات مسي يقول الكاتب الذابح الجارح إقتباس:
عيب يالجارح من الغشاش الحين :S . طيب هذي منتديات رياضية فكونا منها وخلونا نشوف منتديات مالها بالكورة ،، يعني زاحفة ورجة ومن هالعلوم السنعة :)) خلونا نروح مدرسة المشاغبين ونشوف وش عندهم لا لا لا لا لا اسمعوا وش يقول وليف الروح إقتباس:
إقتباس:
خلاص الهلاليين بيعطفون عليكم وبيعطونكم أصواتهم ،، وش تبون بعد :)) إقتباس:
إقتباس:
كل شيء إلا العروبة عندنا خلاص بنروح نصوت لعيونكـ . . طيب يا جماعة هذي منتديات فيها رجة وهبال وأكيد ضارب فيهم شوط ،، ولا حنا عارفين ،، التصويت ما يجي بالطريقة هذي خلونا نشوف منتديات عاقلة يعني منتديات أسرية تهتم بالبيت والأسرة خلونا نشوف مثلا منتديات بيت واحد وأسرة واحدة . . . أوووووووووه شف وش كاتب هذا اللي اسمه عالمي 999 يقول يا طويلين البقى والسلامة إقتباس:
إقتباس:
إقتباس:
إقتباس:
كمل كمل حبيبي إقتباس:
طيب شلون نصوت طال عمرك إقتباس:
فوتو :S إقتباس:
خلاص ولا يهمك كل شيء إلا العروبة إقتباس:
لكن توي أعرف شلون ^_^ تم تحرير الرابط لأن الروابط ممنوعه وإذا قلنا صوتّ لهم 154919 وقسمناها على 24 ساعة اللي هي المدة المسموح خلالها بإعادة التصويت خلال اليوم يطلع لنا 6454 وكسور طيب التصويت مدته شهرين وخلوها لعيونكم شهر واحد يطلع كل اللي صوتوا 215 شخص مسنترين عند الكمبيوتر أو 107 أشخاص قعدوا شهرين تحية للعالميين خخخخخخخخخخخ اعذروني يا جماعة مهيب عادتي أكتب مواضيع بالرياضة عشان كذا الموضوع بربسة شوي وسواليف لكن أهم شيء العالمي ثالث نادي بالعالم ،، ولتحيا العروبة سحقا لكي شركة زوقبي يا عميلة قاعدة تآخذين الأرقام من نوتة عبدالله بن مساعد :( جمهور النصر دايم يملى المدرجات خخخخخ حسيت إن الجمهور اللي يدخل الملعب يروح ولا يرجع مرة ثانية ويجي غيره يا حبيبي شفت اللي عبّوا الملعب ؟؟ تراهم هم بس الـ 11% :)) ويروحون ويرجعون مرة ثانية بالإضافة إلا 10 أشخاص أعرفهم ما يحبون يروحون للملعب يعني العدد مضبوط تمام طيب اللي بيقارن صدق بين جماهيرية الهلال والنصر بخصوص المدرجات بلغة الصور هالمرة تفضلوا هنا http://vb.alhilal.com/showthread.php?t=273989 لكم صادق الأمنيات وأعطر التحايا أبو عبدالرحمن :) |
يالغالي صدقني تعبت عمرك على خالي بلاش ... وبالنسبة للموقع حقكك ترا الهلال كان متصدر اول شهر لكن شبكة الزعيم يوم شافت ان التصويت كل ستين دقيقه وراعي طويلة ومهوب منتهي وكل واحد يقدر يصوت اكثر من مره قامت تحذف لمواضيع وصارالنصر الأول ,, ياخوك وربي حرام نقارن بالشعيبة يكفي ان أعضاء شبكة الزعيم اكثر من اعضاء جميع الأندية السعودية يعني وسع صدرك ولا تتعب عمرك ,, عموما مشكور على الموضوع... |
لا يا اخوي هو يصوتون في اليوم 20 صوت لكل واحد من مقاهي الانترنت ومن كبيوتر امه واخته وغيرها.... ومشكوووووووووووووووووور |
ابووووووووو عبدالرحمن خشمك :D انا اشهد انك ذيييييييييييييب يابعدي .. فضحت مهايطهم خخخخخخخخخخ أجل صوتو لياسر واسماعيل مطر لازم نرد الدين اصبر خلن اضحك عليهم شوي هههههههههههههههههههههههههههههههههههههههههههههههههه يالله يالله يالله ياحي ياقيوم نرجو ثبات العقل موضوع يستاهل التثبيت دعما للموارد البشريه :D اخوك سعود |
يعطيك ألف عافية تقبل مروري ............................................. |
مجهود كبير قمت به وتستاهل الشكر عليه ورده وهذا اثبات جديد أن النصراويين يخدعون أنفسهم بانهم الأكثر جماهيريه .!! |
بيض الله وجهك وبالفعل النصراوية دايما يحبون التزوير وتضليل الحقيقة وليتهم يعرفون يزورون الا دايم تنكشف الاعيبهم :d |
ههههههههههههههههههههههههههههههههههههههههههه ياخي التصويت الحقيقي هو اللي تصويت مره وحده فقط مو 24 مره باليوم ! على العموم تسلم يدينك على هالتحقيق التحفه والمداخلات الجميله :) تحيتي |
ههههههههههههههههههه الله يرجك ياشيخ ولـ تحيا العروبــه ،، اجل يوم جاء التوصيـت لـ ياسر يقولون صوتو لـ ابو تريكــه ,, ولا اسماعيل مطــر .!! ورده ههههههههههههههههه " وتقولون عروبه بعد "!! ههههههههه |
اقسم بالله ان ها النصراويه هم اعداء النجاح وما قالوا لهم .. يموتون ولا يفرح الجمهور الهلالي ... وغير كذا اي شي ما يصلح لهم يقولون هذا كذب ..شكلهم من كثر ما يكذبون علي بعض صار عندهم تكذيب العالم عادي .. ومن كثر مايكذبون صار نص البشر عندهم كذابين .. ولو تقولهم ها الكلام وتحشرهم صدق قالو..ا ماجد عبد الله احسن من سامي الجابر ناس ماعندهم موضوع وصراحه انا استغرب يوم الهلاليين يردون عليهم ياجماعه خلوهم يتكلمون الي بكره انا متاكد انهم دارين ان ماعندهم الا خرابيط بس يطلعون عشان يعكرون صفوكم يعني شوفوا الادارهـ الهلاليه ماعمرها طلعت وردت علي ها النصراويه ولا تشوفهم شي وانتم خلوكم كذا والله انهم من جد ناس فارغين:d |
منتدى الجمهور الهلالي منتدى خاص لمناقشة الامور الهلالية |
الله يعطيك الف الف الف عافيه ع الموضوع والتوضيح والروابط وكل شي سراحه ابدعت ماشاء الله عليك هذا وانت ما تكتب عن الرياضه اجل شلوون لو تكتب !! المهم يعطيك ربي الف عافيه والله موضوعك مرتب وفيه مصادر وكل شي ما ينقصه الا كلمة مـــــشـكــووور |
هم صادزين !! هذا وهم محققيّن كاس (فيصل) !! أجل لو إنهم آخذين بطولة الخليج وش يبي (يسوّون) يبي يرشحون (الوليد) بدل " بلاتر" ؟! |
يالصدقي تسلم على المجهود الطيب وجهة نضري المثبت لا يحتاج إلى إثبات يعني لو كان موضوعك في المواقع من باب التنبيه وكشف الاوراق اما الزعماء والله ما يحتاجون مثل هاللي انت كاتبه ووجهت نضري تقودني إلى عتب المحب لك ولبعض الاخوان لأنهم يتفاعلون مع اي تشكيك في عز فرحنا بالدوري يعني امس في الرياضي بالبنط العريض ميه بالميه مسرحيه والمقصود الاستفتاء تعرف ليه؟؟؟ عشان يطلعون الجمهور الاتحادي من جو الهزيمه إلى المساجلات مع الجماهير الاخري وتعدي الصدمه انا نتأثر بموضوع زي موضوع النصر ونرد عليهم او بالاصح نرد على انفسنا والمثبت لا يحتاج لإتبات بكذا خسرنا افكارك ومواضيعك المهمه عن النهائي والبطوله تحياتي لك على طبق من الذهب ابوضي الهلالي |
ههههههههههههههههههههههههه ويلوموني فيك يا شيخ .. صحيح موضوع متعوب عليه .. بس اقسم بالله انك بطـــــلللل .. وتسلم ما جابته يمناك .. ويعطيك الف عافية .. وفي انتظار جديدك لا تبطي علينا .. |
الوقت المعتمد في المنتدى بتوقيت جرينتش +3.
الوقت الان » 05:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd