السلام عليكم ......

كيف حال الشباب والشابات ؟؟؟

طيبين :p :p وش علومكم ؟؟؟

عندي لكم مويضيع صغينون اللي هو يقول الشاعر :

الجو جميل وشاعري .....ما ادري وش اللي عقبه

باختصار ابجيب لكم اجواء خاثره(هادئه )

نبداء من الاجواء الخاثره ......

# جالس بمزرعه بالمريدسيه(جنوب بريده)بعد صلاه الفجر

وتسمع زقزقه العصافير ونزول الماء الى الساقي ونهيق الحمار (وانتم بكرامه)

وتحتسي القهوه وتاكل من شمراخ خارفه من النخله ...وتجدع العبس على البرتسه

ثمن (بعد ذلك)تفطر سندوشته بجبن وتغطه بالحليب وتلحقه بكليجا حقت ام علي...

ــــــــــــــــــــ
#جو ثاني :
صليت العشاء ثمن مريت البقاله وجبت لك فصفص وقوطي ببس وبسكوت اولكر الدايري

ورحت لغرفك وفتحت التلفزيون وقعدت تناظر مباراه الشعله والوحده بمكه

والمباراه خاثره وانت منسدح وقعدن تقشم وتجغم من هالببس ..ثمن غيرت القناة

ولقيت الاخبار وتابعت النشره الاقتصاديه وجت عقبه الرياضه ونشطت شوي ثمن جابو لك

تنس وذره سيارات.... قضت اخبار الكوره وجت عقبه نشره الاحوال الجويه وجاء حسن

كراني (نتوقع هطول الامطار على جنوب المملكه ...وسرعه الرياح خمسين الى اربعميه

وارتفاع الموج ما بين المتر الى متر ونص )ودرجات الحراره على بعض مدن المملكه

على النحو التالي:

مكه المكرمه 36 23

المدينه المنوره 38 25 ثمن يجيب لك كل القرى ...يجيب بريده وعنيزه والمذنب

والشماسيه والاسياح ..وكلهن كبر الرياض .....

الى الحين وانت خثران ثمن تهج خشك وتنام .. ...


ـــــــــــــــــــــــــــــــــــــــــــــــــ

عساكم خثرتو واللي عنده اجواء خثره يقولهن.....










اخوكم/مومو

تسلم اخوي مومو15 والله اجواء خاثره صدق

ههههههههههههههههه

الله يرجك يا مومو عيوني

خذ هالخثرة من عندي

طلعت يوم الجمعة العصر ورحت تلعب كورة وانت تعبان وبك نوم بس قلت علشان انام

بالليل ياعيني( وش ابي انا)المهم ورحت تلعب مع اخوياك القدماء بالسويدي يوم صليت

المغرب رجعت البيت وانت يالله تسحب نفسك وسبحت همن جلست وجسمك متخدر يوم صليت

العشاء قلت لاهلك حطوا لي عشاء علشانك دايخ وبك نوم قالوا لك ما بوه خبز سحبت

وجهك ورحت للمخبز وجبت خبز يوم جيت قالولك مابوه جبن ولا شي تبي حمص(انواع المرارة)

المهم تحطمت واكلت حمص وحالتك صعبة ويالله يالله قمت علشان تبي تنام وانت تبي تطفي الجوال هذا ابوك يدق عليك ويقول تعال لمي عند عمتك بغرب الرياض وانت ساكن بشرق الرياض

لا ومعك ددسن موديل 81 غمارة ونصف وش شعورك احباط

هذي اتحدى احد يجيب اقوى منه......

الله يعطيك العافيه

السلام هلا مومو حبيبي

صراحة موضوع حلو وانا اقراو خثرت خفيف دمي هو هه هيه

اوووووووه نسينا

عندي جوين مب خاثرات ولا خاثرات خاثرات ياشيخ

1-( يوم الخميس عقب ماتصير مقضي يومك كله جميع شي سويته ضحكت سولفت:p :p كل شي براسك بقي على صلاة الفجر عشر دقائق هنا هنا هنا

من فضلك اقلب الشريط ششششششششششششش


بقي على صلاة الفجر عشردقايق ثمن بهذي اللحضه وانت منسدح تجي الخثره لا والله يجي ابليس )


2-( تكون مداوم من فجر الله او رايح لشغلك ثمن ترجع الضهر الطريق مسدود زحمة سيارات طيييييط
طاط طوط بيب بيب (هذا دباب) وانت معصب مالك خلق شي ودك توصل البيت علشان تنام همن لا وصلت تلقى اميمتك مزينة الغدي او مرتك اذا كنت متزوج اخ مومو همن تاكل الغدا وانت تنود همن لا قضيت ماتغسل تشرب كاسين لبن المراعي همن تبدا تحول تشوف اخوك الصغير كرسي وابوك اقلامه همن تنسدح
تقول ابا تلين بس ثمن بعدين تجي الخثره

السلام هلا مومو حبيبي

صراحة موضوع حلو وانا اقراو خثرت خفيف دمي هو هه هيه

اوووووووه نسينا

عندي جوين مب خاثرات ولا خاثرات خاثرات ياشيخ

1-( يوم الخميس عقب ماتصير مقضي يومك كله جميع شي سويته ضحكت سولفت:p :p كل شي براسك بقي على صلاة الفجر عشر دقائق هنا هنا هنا

من فضلك اقلب الشريط ششششششششششششش


بقي على صلاة الفجر عشردقايق ثمن بهذي اللحضه وانت منسدح تجي الخثره لا والله يجي ابليس )


2-( تكون مداوم من فجر الله او رايح لشغلك ثمن ترجع الضهر الطريق مسدود زحمة سيارات طيييييط
طاط طوط بيب بيب (هذا دباب) وانت معصب مالك خلق شي ودك توصل البيت علشان تنام همن لا وصلت تلقى اميمتك مزينة الغدي او مرتك اذا كنت متزوج اخ مومو همن تاكل الغدا وانت تنود همن لا قضيت ماتغسل تشرب كاسين لبن المراعي همن تبدا تحول تشوف اخوك الصغير كرسي وابوك اقلامه همن تنسدح
تقول ابا تلين بس ثمن بعدين تجي الخثره

[gl]ماني على فرقاك ياشوق ناوي ******مير الزمن له وقفة بين الاحباب[/gl]




















نسيت احطه بالرد الاول

هلا مومو ، عندي لك أخثر جو،
يوم الجمعه عقب صلاة المغرب ومن بكرا ، أول يوم دراسه عقب إجازه طويله (أربع شهور ) وكنت مسافر مع الاهل لمصر من اول يوم اجازه ونومك مقلوب ورايح للبقاله تجيب لاهلك سندويش بريال بس
ككككككككككككككك

خثرت ما اقدر اكمل.......

يالله تصبحون على خير.........

هلا والله بالشباب ...

[gl]عاشق الفن اليوسفي [/gl]

هلا ومرحبا تصدق انك اول واحد عطان وجهه تسسسسسسلم

[gl]الهدف[/gl]

هلا بعمنا اجل ساكن بشرق الرياض ورا ما تجي تقهوا معي حياك

[gl]BLOE HAUOS[/gl]

هلا اخيرا رديت بالعربي يرحم والديك خل ردودك كلهن كذا هلا بيك

[gl]مراصيع الهلال[/gl]

هلا بالمرصاع

يازين ردودك انواع الحوسه والشخاميط

[shdw]اختلفنا مين يحب الثاني اكثر##واتفقنا انك اكثر وانا اكثر[/shdw]

[gl]هلالي النت[/gl]

هلا ومرحبا

اقول مصدق ان فيه دراسه اول يوم عقب اجازه اربع شهور يالمصري

[gl]طويل الزعيم[/gl]

هلا بطويلنا خثرت من اي وحده اكيد حقت زقزقه العصافير


ـــــــــــــــــــــــ
مشكورين واللي عنده زياده لا يبخل لاني ابطلع كتاب واسميه

الاجواء الخاثره مع الامطار الهاطله


مومو