كل واحد يدخل ويقول ردة فعله بعد ماجاب هدف ياسر وش سوا وش صار له - صفحة رقم 11 - نادي الهلال السعودي - شبكة الزعيم

الفارس الحائر · #1 17/04/2008, 07:00 AM

نقزت بشكل غير طبيعي وضميت الي معاي وسجدت شكر

والحمد لله لك يارب

لابتوبي ازرق · #2 17/04/2008, 07:35 AM

انا والله جالس اناظرها على الابتوب مباشر

وجالس بالغرفه لحالي ويوم جا جلست اناقز

شوي ولا دخل على الرميت ( يعني الشريك بالسكن )

يقول يا الغالي وش فيك <<< بس طبعا بالانجليزي

قلتله رح ذاكر بس

<<<<<<<< اخوكم مغترب

ومشكوووووووووورين

™ MŎSĤΛҚЄS · #3 17/04/2008, 08:37 AM

انا نقزت ورفعت يدي وقاعدت ادور بها على فوق واضحك قدام اخوي الاتحادي<<قهرر
وبعدين تحمدت ربي...ويالله يالله لين مانخت المباراة وانا اللي ارقص عرضه<<قالبها جد

كوكو رونالدو · #4 17/04/2008, 09:17 AM

انا ردة فعلي شي ثااااااني بأختصار(صوتي صار مبحوح وغير الركض الي صار واخذت لفه عالبيت)<<<<<<<<<<مشكله صح؟؟؟

العلم · #5 17/04/2008, 10:50 AM

الموضوع ماكمل اليوم وحول الميه وخمسين رد ويقولون نسبة الهلاليين 42

المفروض اكثر من الخمسين بالميه

هـلا لـي · #6 17/04/2008, 11:08 AM

انا بالنسبة لي قمت ازاعق ... ورحت من غير شعور وطبيت على أخوي النصراوي ... اللي بصراحة

كان يشجع الهلال تعاطفامعي ... شكرا على الموضوع اللي طلع الفضايح..

,,, تحياتي

saad_ss · #7 17/04/2008, 11:55 AM

فرحة وقلة الحمد الله والشكر الحمد الله والشكر

----------------------------------------------------------

هــلالــي مـتـواضـع · #8 17/04/2008, 12:01 PM

أنا كنت بمنصة الهلال وطبعا وراي حبيب الملايين ..الامير بندر ..

ثمن رحت وبسته على راسه لعيون الهدف ..

ومشكور ع الموضوع الجميل ..

عموري13 · #9 17/04/2008, 12:06 PM

تبي الصراحه فاتني الهدف.

بس يوم شفت النتيجة لصالح الزعيم شكرت الله وحمدته.

عقبال كأس الأبطال.

مدفعجي هلالي · #10 17/04/2008, 12:39 PM

تادرون انا وش سويت
كان جنبي واحد نصراوي يستهبل طول المباراة ذبحني
اول ما جا القول قمت علية رفستة ترفيس مو صاحي وكم بوكس وكم سبة وجلست

$منبع الحكمة(9)$ · #11 17/04/2008, 12:44 PM

حمدت الله سبحانه وتعالى وبصراحة كان الإتحاد في تلك اللحظات أقوى لكن ربك ستر وخفت إن الإتحاد ينتفض كما إنتفض في نهائي العام الماضي لكن توفيق الله ثم مهارة حارسنا المخضرم

أبو عبدالعزيز

حالت دون الطموح الإتحادية

سـامي 9 · #12 17/04/2008, 02:00 PM

عاد انا فرحتي مميزة <<< ايه هين

كنت حاط شال الهلال على رقبتي وكنت مشدود وحالتي حاله المهم جا القول واطمر ذيك الطمره الي يحبها قلبك واروح للصاله والقى اميمتي تلعب عيال اخوي الصغار وما درت الا ابو الشباب طاب في النص ولعب مع هالبزارين لدرجة اني شلت البزارين وقعدت ادور فيهم وخليتهم بعد ما داخو .وكل واحد فيهم بنط وجه على الأرض وما دريت الا جزمة تمشي ثلاث الاف على جبهتي من امي عقبها صحصحت وعرفت اني في حاله هستيرية خخخخخخخخخخخ

الملكيه الهلاليه · #13 17/04/2008, 02:05 PM

صــــــــرخـت هـــذيـــك الصـــرخـــه طلعت من قلبي وصفقت وحمدت ربي ومره استانست لان ياسر الللي حسم البطوله

الهــ الموهوب ــلالي · #14 17/04/2008, 02:07 PM

انا احب اتفرج والمكيف مفتوح وكنت برداااااااااااااااااااان

رحت اجيب الغطا واتفرج

الا سمعت الحربي يصارخ واجيييييييك من الغرفة بدون الغطا وانطنط وانقز الا ماتشوف الا اخويا يضحك علي

صقعته كف وسجت لله شكرا وطول المباراة وانا فوق التكاية وادعي

<زعيم أسيا> · #15 17/04/2008, 02:11 PM

المشكله عندنا تجمع شبااب وشياب وربي قمنا نناقز وشيااب يسبوونا

هههههههههه وربي