ام انا قصة شؤم علي هذاك القول وخاصة انه من ابو قحط
خرجت من المقهى اصيح زي المجنون ويوم جيت داخل على نفس الهيئة الا واللي يمسكني من كتفي الا وانا في عسكري جحلوط قال هات اثباتك ونترت نفسي من يده وقام يسحبني وهددني بالعصى واخذت العصى من ايده وارميها الا والدورية الثانية نازلين علي وكلبشوني وعلى القسم وبالطلبات والوسايط ماطلعت الا الساعة 3ليل بس اللي هونها الدوري ومن راس ابو قحط

والله العظيم انا كنت في القهوه وبصووووووووت عاااااااااااااااااااااالي قلت احمدك واشكرك يارب الارباب اللهم نكس رؤؤؤؤس التحاديه وجلست اكرررها الين الحين واحمد الله انو نكسها هههههههههه بدق الخشم ...... وفي شي بقولو مين لاحظ المنفوخ حقهم وهو اشوي ويفسخ ثوبه ويبقي بالسروال والفلينه بعد المباراه وتري سافر علي طول خارج المملكه ههههههههههههههههههههههههههههههههههههههههههههههههههههههههههه

أول ما جاب ياسر الهـدف ..رحت سجدت طبعـاً فرحت فرح شديد جداً ..
ولكن في الدقيقـة 75 ..
رحت أدور شيء أسلي نفسي فيه على بال ما تنتهي المباراة ,, وأخيراُ .. الحمدلله فاز الزعيــم.

أنا ومن الفرحه خميت خويي وجلست أناوياه نناقز ونصرخ ونردد ياسر ياسر والاتي خاسر بالمقهى
ونتج عن الصراخ إنزراد حلقي وجلست يومان يوجعتي حلقي

يوم جا الهدف .. تقول اني خبل مجنون والله مدري وش جاني درت البيت كله وخميت سواقنا

ويوم انتهت المباراة .. يالله يالله وقفت دموع الفرح .. ويازين هالفوز له طعم غيييييير

انــا بــصــراحــه دخــت ونــشــف ريــقــي فــي الــمــلــعــب وطــلــبــت مــن مــشــجــع مــاء وبــلــيــت ريــق

الحمد لله الحمد لله الحمد لله حمدنا الله .شكرا على الموضوع .شكرا .

كنت متكي بالمقلط وداق اللطمة بس يوم جاء هدف ياسر دقيت بنت البكار

انا اول ما جاء الهدف اسكت شوي ثم بديت اصيح ( ابكي ) من الفرحه والحمد لله على الفوز

انا بصراحه ما اقدر اوصف شعوري لاني كنت ارقص مدري انطط

بس المهم انب عورت اللي جنبي في الرابطه وطلع دم من خشمه


الله يسعدك يا ياسر

انا طبعاااااااااااا قدمت اصااااااارخ واصفق من الفرحه

ومن بعد الهدف وانا اقول ياااارب ياااب يجي هدف الثاني للهلال او تنتهي بفوزنا

ياااااااااارب

والحمد لله فزنا

كنت في الدوام وخشتي بالجهاز كان ضغط عمل
عندنا شاشه بلازما جايها صفار شابكينها في مودم مغبر ويعلق وتقطع الصوره بعض المرات ر المهم ما دريت عن الهدف الا بعد ما فك التعليق شفت بس ياسر يركض بلحاله ويخبط في عمره
الهدف شفتها بعد ما عادوا المباره على ال ART تهىء

والله صراحة انا قعدت اصارخ لدرجة ان صوتي راح..

بعدين جلست وحمدت ربي ..وجاني خووووف ..خايف يقلبون علينا مثل السنه الي فاتت

انا بقولكم الصراحه انا اول شي قاعد اشوفها في الاستراحه واول ما جاء الهدف قمنا نطامر من الفرحه حتى سمعنا اصوات جيرانا فرحانين وبعدها بخمس دقايق عجزت اتحمل قمت شغلت السياره ومشيت قلت بجلس ادور كذا 20 دقيقه وبرجع حتى اني جلست الجوال عند اصحابي عشان ما يتصلون علي ويقولون لي شي والله هذا الي حصل معي
بس عاد لا تضحكون