قناه الزعيم الى متى؟؟!!
 

بسم الله الرحمن الرحيم..؛؛
الموضوع ومافيه اني ابغى اتكلم عن قناه الزعيم واللي صاير فيها هالايام ..
وش صاير ياناااااس قناه الزعيم اول كانت تجيب مقاطع تدريب اي شي يخص اللاعبين والنادي بشكل عااام :stoned:.
ولكن الحين تغييييييييييير الوضع من يوم ماقلبت كلها صارت ((تشات))..
وطايحين لي فيها من هالكلام الفاضي وين احنا عايشين يا اخوان اكثر ماكثر ربي قنوات التشات مثل طقه الــtxt
وانا اطااااااااالب باغلاقها احسن من المصخره اللي صايره فيها وليتهم يكتبون فيها كلام ينفع النادي لا مسوينلي في امها ان احنا الهلاليين المتعصبين وهم من جنبها الواحد لو تساله تقوله متى تاسس النادي توهق ماعرف يرد والكلام اللي صاير فيها مثلا يدخل واحد نصراوي يقول اليوم النصر بيفوز عليكم يجيك واحد تحسه مرفع اكمامه من الحماس ويقول والله تبطوون تفوزون علينا يافقراويين ..اتعجب منهم وين التنافس الشريف والتشجيع النظيف من دوم مانجرح في اي نادي او لاعب والمفرووض اننا نظهر كما عاهدونا الناس زعمااء لهم هيبه .لكن ما اقوول غير الشكوى لله اتمنى واطلب من اي شخص في نادي الهلال سوااء من اعضاء شرف او رئيس النادي سمو الامير محمد بن فيصل _الله يحفظه
انه يغلقها .....
ورجاااء لايجيني احد يقول انتي ماعندك سالفه وش اللي نسكر قناه الزعيم قناه الزعيم معروفه من قبلك ياماما انا بقوله رح افتحها وش بعيووونك بالله هذا تسمييه تشجيع هذا والله اسمه هياط وفرد عظلات واللي يسمعهم وهم يتكلموون عن النصر او سعد الحارثي او عن اي لاعب تقول انهم جالسين يتكلمون عن لاعب حواري ويجرحون في اللاعبين الهلاليين بعد اذا خسروا واذا فازوا اوووووووووووووووووه تعال شف المدح واللي تبي بمجرد انهم يخسرون مايقولون هذا توفيق من عند الله لا لازم يحطون الخساره في لاعب ويقولون ماضيعنا الا.......
((تخياتي:فتاه هلاليهـ)):d

سلامات ياقمر
الموضوع مال أمه داعي
خليهم يسون [تشات] أو [تدريبات] كيفهم
دمــــت لنــــا بــــود

mnooooly

اقووول وش اللي مال امه داعي وسلامات انتي انتي شايفه الفرق بين قناتنا وقناه النصر شوفي واحكمي ياقمر !!:upset:

مـــــــــــوضوعك مهوب بوقته صراحه
لو إنك أجلتيه إلـــــــــــــى بعد النهائي الناس بتكون فاضيه لـ مثل بعض هالمواضيع
عالعموم عواافي

للأسف من يوم عرفنــا هذي القناهـ وهي فاشلهــ..

وننتظر المسؤولين الغيورين على النادي يغيرون وضعهـــا ..

الله يخليك اخوي

آآجل موضوعك بعد المباراة ومستعد
ارد عليك بس بعد المبارة على العموم مشكور ؟؟

والله ياقمر شقته :bigeek:
بس أذا كنتي تعرفين القناه من زمان كان قلتي غير هذا الكلام الان
النصراوين هم سوى زينا
وبعدين ليش حرق عمركـ:naughty:

أختي

والله لو تتكلم جماهير الهلال من اليوم الى الف سنة قدام محد متحرك

شكلهم مبسوطين على هالوضع

والغلط كان من البداية

وان شاء يقفلونها

وريحي بالك

وفكري بالنهائي

تحياتي

عين الصقر

بصراااحــــــــه هالقناة اشوف انـــــــــا ان مالهـــــــا داعــــــــي

بـــس هواش وطقــــــــاق !

ياناس ياعالم ياهو


والله مو وقته


بكره وقت الحسم


وتتكلمون عن القناة


رجاء اجلوا الموضوع هو يستحق النقاش
بس بعدين


وأسف على الإنفعال

ألـــف شــكـــر إخــتــــي عــلــى الــموضــوع ...
و أنتــي صـــادقـــهـ قنـــاتــنــــا بــــقــوهـ تـــفـــشـــل !!!
و إنــتــمـ وش فــيـــكــمـ؟؟
لــو فــتـــحــت الـــموضــوع الـــحــين صـــار شـــي يـــعـــنـــي ؟؟؟!!!
أمــركـــمـ غـريـــب !!!!

صح القنااااة ان تفشيله الله يفشل القائميين عليها ..!!

بس .. احس ان كل واحد ماعنده موضوع يكتبه ولا درا عن وش يكتب .. كتب عن القناة :d

ولاتزعلين مني ياكاتبة الموضوع ..!!

ثانكيو كبر راس كوكو :d

يابنو هلال الموضوع ماهو وقته

خلواالموضوع بعد النهائي

مع الاسف الشديد حين يكون الرأي فرديا والعمل اجباريا والقرار ارتجاليا هذا حال رئيس الهلال وسبق ان وقع العقد مع الشركة وهو في امريكا لولا تدخل العقلاء وتم فسخ العقد والتوقيع مع موبايلي
اقول ليقل الآخرين ما يشاؤون فمنذ فتحت هذه القناة ونحن في قلق اغاني حتى في وقت صلاة الجمعة هل تطمحون في فوز؟؟ اغاني وخرابيط في وقت نزول اربنا سبحانه وتعالى في الثلث الاخير من الليل هل تطمحون في فوز؟ خسارة ثم خساره ان يدار النادي بهذه الطريقة... تحية تقدير واعجاب بقناه النصر وما تقدمه من فقرات كان من الاولى لقناة الزعيم ان تكون هي السباقه في ذلك ... تابعوها وسترون الفرق الكبير بين عقلية ادارة الناديين
اقولها بمرارة واعلم ان من الاعضاء من سيقول مندسا كما قيل سابقا لكن هذا حال عقليات التخلف حين تقال الحقيقة وليت عبدالله بن مساعد كان رئيسا لتروا هل تستمر هذه القناة ام لا بل اقول هل يتم التوقيع مع الوافد ليتولى ادارة هذه القناة ام لا نحن مغفلون ولا رأي لنا كجمهور فقط حين تقترب اي موقعه مه اي نادي منافس يقال اين الرقم الصعب تعالو وشجعوا ووووو اين مطالبنا ؟ اين رأينا ؟ اين دورنا؟ اين مجلسنا؟ اين اين وعلامات استفهام كثيرة ؟؟؟ من يجيب عليها النمر؟ ام القحطاني؟ ام الحكير ؟ ام رئيس النادي ؟ ام منصور الاحمد ؟؟؟ نحن مغيبون والشرهه على اعضاء الشرف الذين ثبين ان ما عندك احد . سيحذف مقالي لانه جاء في صميم الحدث وشكرا لمن اثار الموضوع

صرررررررراحه اللي يقولون الموضوع مو بوقته يا اخوان لاتردون الا بعد المباراه ترى مو مشكله يعني ؛؛؛؛
واللي يقول ان الناس ماعرفت تكتب مواضيع وقاموا كتبوا عن القناه يا اخوي هذا شي يخص النادي ومن العيب ان قناتنا تكون بهالشكل كلها طقاق ومصخره..
وشكرا