|
لمن يرغب الذهب الى الملعب يوم الاحد مثل منتخب فرنسا 98 السلام عليك ورحمة الله وبركاتة يوم الاحد القادم نكون او لانكون هى مبارة الموسم ولاغير الثلاث النقاط والتتويج بالدورى ان شاءالله جمهورنا الحبيب نريد فى المباراة الختامية ان نفعل شى جديدغير المعتاد فى ملاعبنا السعودية يجب على كل مشجع هلالى ان يلبس بدلة الزعيم والتشجيع بالحماس طول 90 دقيقة نريد نفعل مثل مافعل منتخب فرنسا فى كاس العالم 98 وكيف تغلب على منتخب البرزيل تتذكرون الرئيس الفرنسى جاك شيراك كان يلبس بدلة فرنسا اتمنى من الجمهور الحظور بلبس البدلة الزرقاء ولا نريد اللبس الرسمى (الثوب والشماغ) اخوكم الصغير بوفهد ارجو من الادارة التثبت |
- - هلا اخوي بوفهد صدقني صعبة 0000صعبة تلبس كبار السن بدلة صعبة تقنع اللي كاشخ بالعقال انه يلبس بدله فوق الثوب المشكلة 0000لنا تقاليد 000صعب نتركها حتى وان كنا ذاهبون لمباراة كرة قدم00!! شكرى على حماسك00000ونتمنى التوفيق للزعيم |
اـــــــــــــــــــــــتمنــــــــــــــــــــــا الــــــــــــــــــــــمشـــــــــــــاركـــــــــــــــة مــــــــن الـــــــــــــجمــــــــــــيــــــــــــع |
^^^^^ عذبت الكلمات .. مصعتها الله يصلحك .. كل هذا عشان الخمسين حرف .. :) |
اخوي ابو فهد انت قاعد تتكلم عن اوربا لا تقارن دول متقدمه مانيب اقلل من دولتنا لا بس انت ناظر اول شي شلون جدول المباريات وتقتنع هل عندنا تقدم ولا تأخر وبالنسبه للشعب الهلال الي بجده ما اتوقع انهم يقصرون وبكل امانه اقولها دايم جمهور او شعب الهلال بجده يكون حاااااااااااااظر ولا يقصر وان شاء الله الفوز هلالي |
إقتباس:
اشكرك على حماسك يوجد لديك بعض الاخطاء في نصك الذهب = الذهاب انشاء الله = إن شاء الله اتمنا = اتمنى لك مني جزيل الشكر و الاحترام |
والله لو ظروفي تسمح لي احضر المباراه اقسم بالله ماادخل الملعب الا بفنيله الهلال لكن اه يالقهر مااقدر احضر والبركه بالحضور تحياتي لك .. |
فكرة والله .. نقدر نطبقها .. بس نستصعبها ...!! تخيـل .. لو عندك .. 15 الف مشجـع ..!! 13 الف منهم يلبس تي شيرت الهـلال .. و الفين شخص .. هم من كبار السن والكاشخيـن ، واصحاب الترسيمه على قولة الاخـوان ..!! اكيد الالفين .. ماراح يضهرون مع الاكثرية الي هم بطقم الهلال ..!! على الاقل لو يلبسون فقط الاخوان عند الرابطة طقم الهلال ..!! لو يتكفل احد اعضاء الشرف بتوزيع 5000 طقم هلالي على الجماهير بجوار الرابطـة ..!! افكار .. نقدر نطبقها بس نستصعبها ..!! وماأشوف فيها شي لو هذاك المرسّم .. لبس الفنيلة فوق الثوب !! يكفي انها فنيلة الهلال ..،، او يلبس الفنيلة ،، او على الاقل يكون طقمـة ازرق .. بحت !! ان شاء الله .. نطبق الفكرة وتؤمن الادارة فيها ويتثبت الموضوع .. مانبي هالفكرة فقط في .. جدة نتمنى ان يوضع بنر .. فوق واعلان فلاشي ان كل مباريات الهلال على الجمهور ان يحضرها بطقم الهلال ..!! اؤؤيدك بشدة .. وهنا احب ان اشير الى نقطة ..!! نشاهدها .. في ابراهيم حقوي رئيس رابطة الهلال ،،، رئيس الرابطة بنفسه [ مايلبس طقم الهلال ] وهذي اعتقد عيب في رئيس الرابطة ...!! لان التشجيع .. مو بس صوت .. بالعكس التشجيع مضاهر ولبس ، وجنون .. ونحن نتمنى ان نكون متكاملين في كل شيء .. كـ جماهير هلالية .. ومن هذا الباب المفترض على رئيس الرابطة من وجهة نظري ان يكون لابس تي شيرت الهلال .. او على الاقل .. كاب هلالي .. لكن اخووي ابو حقوي الله يحفظه يجيك بالثووب .. وانا ماأعيب الثوب بالعكس هاذي عاداتنا وتقاليدنا بس .. كـ ملعب .. وكـ جماهير هلالية ..!! انت تمثل الهلال .. وويجب ان يكون هذا التمثيل واضحاً بـ طقم الهلال الرسمي !! وهذا مايمنع اننا ننتقد الجماهير في الهلال .. بصوتها = النايـم !! الا من رحم ربي ... تخيل في مباراة الشباب.. حوالي 70000 كانو بجوار الرابطة ... صدقني لو اعد لك المتحمسين واللي رددو طول المباراة ومنهم انا نبح صوتي ..!! يمكن يطلعون حول الـ 100 .. اذا مو أقل !! واقصد الي كانو بصوت واحد مع حقوي من بدأ الى انتهى .. يمكن اصبت ويمكن اخطأت في وجهة نظري.. ان شاء الله يضهرون جماهير جدة .. بمظهر لائق |
اقول احلق حواجبي وانتف رموش عيني رمش رمش كان فزنا على الاتحاد حبيبي بيني وبينك عندك لعيبه ما ينشد فيهم الظهر فريق مافيه الا الدعيع وتفاريس بس والباقيين لجا الجد صارو قشر |
أهم شيء الحضور الحضور يا زعماء ونبغى الحماس والتشجيع اللي من قلب الفريق بحاجة لكم أكثر من أي وقت مضى فكونوا في الموعد s13sونحقق درع الدوري إن شاء الله s13s |
أهم شي لا يسكتون يشجعون على طوووووووووووول وابشروا بالفوز انشاء الله |
إقتباس:
والله الموضوع في درب .. وانت في درب ،، ان شاء جماهير ولاعبي الهلال هم من سيرد عليك فيه نقطة ثانية حبيت اثيرها وهو ان لبس الجمهور للاعبي الهلال .. له اكثر من نقطة ايجابيها منها تحفيز اللاعبين واعلامهم .. ان الشعار فوق كل شيء وكل قوة وان الجمهور هو اللاعب رقم 12 في الملعب .. وزميلهم وسط الميدان صدقني .. لقطة ستكون معبرة معبرة معبرة لو طبقت اتمنى اصلاح الاغلاط الاملائية في عنوان الموضوع ورداً على اللي يقول ان صاحب الموضوع يقارن الهلال بدول متقدمه ياعزيزي ملك الاردن وجاك شيراك .. هم اول الناس الي مفروض يجون الملعب بترسيمه وبرستيج خاص !! ومع ذلك لبسو طقم الاردن .. وفرنسا .. يعني ناس لهم هيبتهم ومع ذلك ،، ماقال ان في لبس طقم الهلال تنقيص من حقه .. انا معك بعض كبار السن صحيح ماراح يلبسون هالشيء .. بس صدقني اذا ماشافو الاغلبية بطقم الهلال .. حتى الي لابس ثوووب .. وذاك الشايب اول من سيطلب الطقم لو انه يتوزع على الجمهور وهذا دور الحاضرين بطقم الهلال .. يعني لو احد رفض وطلبو منه عشرين شخص يلبس !! بيلبس ويعرف ان هذا واجب على كل مشجع ..!! |
صح كلامك ونتمنى ان الملعب يمتلي بازرق وابيض يعطيك العافية |
الفكرة روعة وانشاء الله يطبقونها الجماهير عاد شيبان او شباب ما تفرق كلنا واحد في حب الزعيم وكله يهون |
مشكور للجميع من مويد ومن معارض وان طرحت الفكرة واتمنى ان يكون الزعيم السباق فى كل شى |
| الوقت المعتمد في المنتدى بتوقيت جرينتش +3.
الوقت الان » 07:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd