ما علي من ردودكم كلها !!
أنا مؤمن بأن (رعاية الشباب .. ما فيها ولا "سلبية" واحدة) !!
و إعادة (فيصل عبدالهادي لمنصبه ) هي أول خطوات التصحيح !!
وبلا تطوير بلا مربّى جح .. أهم شي الراحة النفسية .. وسعة الصدر !!
يعني تخيلوا (نطوّر ) و (نبني بكل جدية ) وحنا ما حناب مبسوطين !! ماش مالها طعم !!
ووجع راس وتعب !!
وأندية قلق .. مالها إلا (فصولي) هو اللي عارف لهم !! لأن وجهه مغسول بمرق !!



والله يا جماعة الردود متباينة .. بعض الأعضاء جاي مطفـّي النور وشاطح شطحة ميب طبيعية .. والموضوع بـ (قرن المنازل) و هو بشارع المعارض (بالبحرين) !!
ذكرني سالفة واحدن من العيال !!
دخل علينا وحنـّا نسولف عن الإطارات وما الإطارات وإن محلات النظارات بعضهم نصابين .. وإن بعض الإطارات خطرة ولا هيب "صحية أبد " ..
يوم درينا مار يخشّ عرض خوينا .. قال اشتر " برجستون " و ارتح <<-- صار الدبشة .. يحسبنا نسولف عن "كفرات السيارة " !!


وبعض الردود .. تحسسّك بـ نضج الكاتب !! و طريقته المميزة (في الرد وفي القراءة) !!
وهي الأغلب .. وياليت نشوف هالعينة بكل موضوع في المنتدى .. !!

وبعضها " ما أملك إلا إني أقول : شعور متبادل أخي " <<- أما أخي !! يا شين الثقل اللي على غير سنع !! وإشادة أتمنى أنيّ استاهل ربعها ..


والله ودّي أرّد كل كل واحد باسمه .. لكن أتواجد خارج الرياض حاليا .. و أخش (ديل أب Dial up).. أخلي الجهاز يشتغل الظهر وإذا جاء المغرب وأثر الصفحة توها تكتمل تحميل !! أول مرة أحسّ إني إنسان (صابر) وأرجو ما عند الله !! جتني " حموضة وحرقان وجيوب أنفية من هالاتصال "

بالنسبة للي "يسألني عن شعري " !!
دام "أمثال" و " شلة " فيصل عبدالهادي فيه (والله ما تنحلق شعره ) !!

ممكن أصادف (أفغاني .. طاق جنز و تي شيرت عليه صورة "جوني ديب" )
وممكن نلقى (بنغالي) رايح للشرطة يبلغ إنه (لاقي بوك"محفظة" طايحة بالشارع) !!
وممكن نلقى (فلبيني ) حاط (عوارض خليجية) !!
وممكن أصادف "لبناني" خال !!
وممكن ألقى نيبالي محترف بالدوري الإيطالي !!
وممكن أشوف مصري (أطرم) <<-- والله إن يموت اكتئاب !!

كل هذي ممكنة !! لكن أنسوا (تتطور رئاستنا .. دام "عبدالهادي الوسيم و أعوانه الوسيمين جدا" موجودين ) !!



دعواتنا للزعيم ..

والمهم (البرايفت) يوصل (لسمّو الأمير) !!
والمهم (الجمهور) يكون (على الوعد) !!