|
شوف كيف جيت للرياض عشان مباراة الهلال ؟ بسم الله الرحمن الرحيم مساؤكم خيرآ : بداية القصة : في مساء يوم الاثنين كنت جالسآ انا وبعض الاصدقاء وكنت في حديث معهم عن حبي للهلال وللكيان الأزرق ولجمهور الزعيم انا هلالي والباقي مشكلين اتحادية واهلاوية ونصراوية وعندها وجها لي احد الزملاء سؤال ماتوقعاتك لمباراة الهلال فقلت لهم الفوز هلالي قالوا بعيد عن الهلال قلت فال الله ولا فالكم قالوا ليش ؟ قلت اليس هذا الهلال ! قالوا نعم قلت الحمد لله انكم تعرفون من هو الهلال ؟ وعلمتهم ان الهلال سيفوز قالوا لا نتوقع قلت ان شاء الله ؟ بعدها بشوي نط خويي النصراوي ابو محمد غريبة ماانت رايح للرياض ؟ قال تروح للعين تروح للكويت تروح لقطر تروح للشرقية تروح للرياض وهاذي المباره مهمه لكم ومنعطف الأخير لكم ولا تروح لها قالوا ماتوقعنا ؟ قلت والله لااروح قالو كيف؟ أعلمكم كيف أروح قالوا علمنا ؟ قلت ميد خويي الإتحادي متى رايح للطايف قال غدآ الصباح قلت له خلاص بروح معك ؟قال ليش ؟ قلت له بروح معك تنزلني بعد الطايف ب 50 كيلوا وأنا بروح مناك في الخط مع اي واحد كل شوي يقربني واحد من سيارة في سيارة لين اوصل للرياض ؟ قالوا اخويايي انهبلت قلت لهم انتم حطيتوها براسي ؟ قالوا كيف تروح وكيف تأكل قلت معي 130 وربك يدبرها لين توصلني عند عماني واخواني قالوا والله انك مهبول ؟ قال خويي ماني ماخذك ؟ قلت تأخذني والا اخر مابيني وبينك ؟ قال ابشر ؟ توجهنا يوم الثلاثاء الصباح الساعه 8 صباحآ وصلني للمكان اللي ابغاه الساعه 10.30 وقعدت ملطوع بالخط لين الساعه 1 ظهرآ لين جاني راعي هوندا اكووورد 2007 ونعم به قالي وين قلت الرياض قالي اركب قلت ترى مافيه فلوس قال عيب عليك اركب وسواليف انا واياه بالخط قالي شنو عندك بالرياض ومن متى وانت بالخط قلت له من 10.30 ص قلتله ابي اروح مباراة الهلال قال ليش مارحت طياره او باص قلت مافيه ماده الماده قليله وانا اخوك يادوب حقت غداء ومويه وبيبسي وعشاء تصدقون انه انصدم قالي موظف قلتله عاطل وقالي عاطل ورايح الله يسامحك قال انت مهبول او مامعك عقل قالي الهلال ماادرى عنك قلت الهلال بعيوني وافديه بقلبي قالي انا رايح للشرقيه بس بنزلك بالرياض قلت له حلو ؟علمني انه نصراوي ؟ انصدمت انا ؟ قال بس بطلت تشجيع من يوم اعتزل ماجد والهريفي ومحيسن وانا غاسل يدي من النصر ؟ سواليف وضحك وفلة حجاج وصلنا القويعية الساعه 8 بالليل قالي انا جاي من المدينه وتعبان بنريح بشقق مفروشه وبعدها ننطلق اليوم الثاني قلت سمها وانت ابوها بس والله انه ونعم وشروا من عندي في شبكة الزعيم اصبحنا واصبحا الملك لله وصحاني الساعه 11 ص اليوم الا وهو جايب فطور الله يوفقه ويجعلها في ميزان حسناته وافطرنا واللي علينا بالخير وراح شيك على السيارة وانا قعدت بالشقه اتفرج على الدش اهم شي مشينا بعد الظهر وصلنا العصر بالبديعه والله ماقصر نزلني عند بيت عمي ولقينا عيال عمي وعلمهم قال هذا مهبول قيدوه لا تفكونا راح الله يوفقه ويوصله بالسلامه انا دخلت بيت عمي وتروشت وتقهويت وعيت من الله خير وانا اكتب موضوعي قبل ذهابي للملعب الاخوان والاصدقاء ماسكين لي مكان وهاذي قصتي من بدايتها الى نهايتها وسلامتكم ..... مع تحيات ابو محمد . الله يحفظ لي ابوي ........ سامحوني على الاطالة ... *** اسمي كان موقف قبل يومين والا كنت بكتب المقال بس الان فك معي وكتبه لكم قبل الذهاب للملعب وشكرآ ...... |
والله انك كفوووووووووووووووووووو ياليت اللي بالرياض يكون عندهم نص حبك انا زيك مرررررررريض بحب الهلال واتمنى الله لايشفيني من هالحب لانه اجمل وانقى واحلى حب بالعالم والله لايردك خاااااااايب |
ما شاء الله عليك بس معليش يا الأخو ما أعتقد إنك المفروض تسوي كذا ,,, المفروض تعرف من معه تروح ومن معه تجي عيال الحلال واجد ,,, لكن عيال الحرام واجد بعد ,,, إنتبه وأنا أخوك والله يعينك على الرجعه . بالتوفيق لنا ولك وللزعيم وإن شاء الله إنهم ما يخيبون أملك |
ما شاء الله عليك بس معليش يا الأخو ما أعتقد إنك المفروض تسوي كذا ,,, المفروض تعرف من معه تروح ومن معه تجي عيال الحلال واجد ,,, لكن عيال الحرام واجد بعد ,,, إنتبه وأنا أخوك والله يعينك على الرجعه . بالتوفيق لنا ولك وللزعيم وإن شاء الله إنهم ما يخيبون أملك |
يا رب يفوز الهلال يا رب بالتوفيق للهلال ان شاء الله |
مشكور ياالحبيب ،،، يامشجع ياوفي وبــــــالـــــتــــــوفـــــــــيق لـــــلــــــــهـــــــلال |
انت مثال للجمهووور الوفي .. ان شاء الله ترجع بالسلامه وانت فرحان بالفوووز .. تحياتي لك |
ان شاء ترجع وانت مبسوط بفوز الزعيم بس قصتك خطيرة هههه بالتوفيق للزعيم ..! |
وانا اقول الهلال ليش لاعبين زين اليوم اثرة من قصصكم ههههههههههههه |
الحمدلله في احد مثلي انا اعشق شيء اسمه هلال ملابسي شناطي اكسسواراتي اغلبها ازرق وابيض (يالبي قلبه) .. .. |
والله انك كفوووووووووووووووووووو ياليت اللي بالرياض يكون عندهم نص حبك انا زيك مرررررررريض بحب الهلال واتمنى الله لايشفيني من هالحب لانه اجمل وانقى واحلى حب بالعالم والله لايردك خاااااااايب |
يووووووووووه ...ّ ياخي تعبت عمرك ..ّ ماكان ودي تحط نفسك في هالموقف على العموم الله يعطيك العافيه ويسعدك ويخلي لك والديك وألف شكر لك يالذيب |
إقتباس:
الناس بالناس :D ياخي قصتك عجزت اهضمها وانا اخوك :D |
الله يوفقك ويحفظك اذا كنت صاادق بكلالامك .... بالتووفيق للزعييممم وان شاء الله ما يخيب ظنك ويفووز بالمباره ............ |
يووووووووووه ...ّ ياخي تعبت عمرك ..ّ ماكان ودي تحط نفسك في هالموقف على العموم الله يعطيك العافيه ويسعدك ويخلي لك والديك وألف شكر لك يالذيب |
| الوقت المعتمد في المنتدى بتوقيت جرينتش +3.
الوقت الان » 02:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd