نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   شوف كيف جيت للرياض عشان مباراة الهلال ؟ (http://vb.alhilal.com/showthread.php?t=560109)

الساهر99 09/04/2008 11:29 PM

والله انك كفوووووووووووووووووووو


ياليت اللي بالرياض يكون عندهم نص حبك

عاشق ومجنون توتي 09/04/2008 11:40 PM

اذا ماصدقتوني اسالوا خويكم محمد الهلالي يعرفني زين وقت المباريات كيف احضرها

مخاوي الحزن8 09/04/2008 11:42 PM

قسم بالله إنك كفوووووووووو والله يوفقك إن شاء الله وتحصل الوظيفه المناسبه وترجع لأهلك سالما معافى،،،،،،

((((((((((( صوره مع التحيه لجمهور الهلال في الرياض ))))))))))))

мя.ħάίţħάм 09/04/2008 11:53 PM

مشكور ياالحبيب ،،، يامشجع ياوفي

وبــــــالـــــتــــــوفـــــــــيق لـــــلــــــــهـــــــلال

alabdali 10/04/2008 12:02 AM

والله ماقصرت والله انك كفوووووووووووووووو .. شوف الفرق بينك و جمهور الرياض

مفرح 2007 10/04/2008 12:07 AM

معانات بس من أجل الهلال تغني عن ألف عناء................

20 الكاسر ياسر 20 10/04/2008 12:10 AM

كفوووووووو .. كفوووووووو .. كفوووووووو

هذا المشجع المخلص .. هذا المشجع اللي يحب فريقه من صحيح .. ماهوو يقوول انا احب الهلال واذا جا وقت الجد يندس ..


كفووو والله كفوو .. وبيض الله وجهك ..

وان شاء الله الزعيييم مايخيب املنا يوووم الاحد

المسكت@ 10/04/2008 12:11 AM

الله يعطيك العافيه ويسعدك ويخلي لك والديك


وألف شكر لك يالذيب

هلالي غير !! 10/04/2008 12:33 AM

هذه الماساه كلها عشان رايح تحضر مباراه وصارلك هذا كله ..
اجل قصه حياتك معاناه هذي مسكه ولا عشان الهلال ولا مقضم ولا وش السالفه .؟؟!!

احلى ما في موضوعك لما كتبت اخوياي ماسكين لي مكان في الملعب .!!
الي يقراها يفكر ان الملاعب مليان على الاخر لو رايح نص المباراه تلقى ازين مكان . الجمهور محد حولك

تحياتي للمعاناه الي انت فيها ..
ليتك سالت راعي الاكورد متى راجع عشان ترجع معاه وقله ينزلك جده بالمره تحضر النهائي ..

جـافـا 10/04/2008 12:46 AM

مشــاء اللــه عليــك صـايرن رحــالـه ... اللــه يقـويــك ..

بدر الشنار 10/04/2008 02:54 AM

والله اني مصدق كل كلمة قلتها

واحييك على حبك للهلال

المرة الجاية علي انا اللي بجي جدة

وبعدين اذا بتجي للرياض كلمني بس وانا استقبلك ونروح

للملعب سواء وابشر بالخير

>>>20<<< 10/04/2008 03:04 AM

واحييك على حبك للهلال

المرة الجاية علي انا اللي بجي جدة

وبعدين اذا بتجي للرياض كلمني بس وانا استقبلك ونروح

Saleh_Sal 10/04/2008 03:12 AM

إقتباس:

الرسالة الأصلية كتبت بواسطة عاشق ومجنون توتي (مشاركة 8187715)
بسم الله الرحمن الرحيم


مساؤكم خيرآ :

بداية القصة : في مساء يوم الاثنين كنت جالسآ انا وبعض الاصدقاء وكنت في حديث معهم عن حبي للهلال وللكيان
الأزرق ولجمهور الزعيم انا هلالي والباقي مشكلين اتحادية واهلاوية ونصراوية وعندها وجها لي احد
الزملاء سؤال ماتوقعاتك لمباراة الهلال فقلت لهم الفوز هلالي قالوا بعيد عن الهلال قلت فال الله ولا
فالكم قالوا ليش ؟ قلت اليس هذا الهلال ! قالوا نعم قلت الحمد لله انكم تعرفون من هو الهلال ؟
وعلمتهم ان الهلال سيفوز قالوا لا نتوقع قلت ان شاء الله ؟ بعدها بشوي نط خويي النصراوي ابو
محمد غريبة ماانت رايح للرياض ؟ قال تروح للعين تروح للكويت تروح لقطر تروح للشرقية تروح للرياض
وهاذي المباره مهمه لكم ومنعطف الأخير لكم ولا تروح لها قالوا ماتوقعنا ؟ قلت والله لااروح قالو كيف؟
أعلمكم كيف أروح قالوا علمنا ؟ قلت ميد خويي الإتحادي متى رايح للطايف قال غدآ الصباح قلت له
خلاص بروح معك ؟قال ليش ؟ قلت له بروح معك تنزلني بعد الطايف ب 50 كيلوا وأنا بروح مناك في
الخط مع اي واحد كل شوي يقربني واحد من سيارة في سيارة لين اوصل للرياض ؟ قالوا اخويايي
انهبلت قلت لهم انتم حطيتوها براسي ؟ قالوا كيف تروح وكيف تأكل قلت معي 130 وربك يدبرها لين
توصلني عند عماني واخواني قالوا والله انك مهبول ؟ قال خويي ماني ماخذك ؟ قلت تأخذني والا اخر
مابيني وبينك ؟ قال ابشر ؟ توجهنا يوم الثلاثاء الصباح الساعه 8 صباحآ وصلني للمكان اللي ابغاه
الساعه 10.30 وقعدت ملطوع بالخط لين الساعه 1 ظهرآ لين جاني راعي هوندا اكووورد 2007 ونعم به
قالي وين قلت الرياض قالي اركب قلت ترى مافيه فلوس قال عيب عليك اركب وسواليف انا واياه بالخط
قالي شنو عندك بالرياض ومن متى وانت بالخط قلت له من 10.30 ص قلتله ابي اروح مباراة الهلال
قال ليش مارحت طياره او باص قلت مافيه ماده الماده قليله وانا اخوك يادوب حقت غداء ومويه
وبيبسي وعشاء تصدقون انه انصدم قالي موظف قلتله عاطل وقالي عاطل ورايح الله يسامحك
قال انت مهبول او مامعك عقل قالي الهلال ماادرى عنك قلت الهلال بعيوني وافديه بقلبي
قالي انا رايح للشرقيه بس بنزلك بالرياض قلت له حلو ؟علمني انه نصراوي ؟ انصدمت انا ؟ قال بس
بطلت تشجيع من يوم اعتزل ماجد والهريفي ومحيسن وانا غاسل يدي من النصر ؟ سواليف وضحك وفلة
حجاج وصلنا القويعية الساعه 8 بالليل قالي انا جاي من المدينه وتعبان بنريح بشقق مفروشه وبعدها
ننطلق اليوم الثاني قلت سمها وانت ابوها بس والله انه ونعم وشروا من عندي في شبكة الزعيم
اصبحنا واصبحا الملك لله وصحاني الساعه 11 ص اليوم الا وهو جايب فطور الله يوفقه ويجعلها في ميزان
حسناته وافطرنا واللي علينا بالخير وراح شيك على السيارة وانا قعدت بالشقه اتفرج على الدش اهم
شي مشينا بعد الظهر وصلنا العصر بالبديعه والله ماقصر نزلني عند بيت عمي ولقينا عيال عمي وعلمهم
قال هذا مهبول قيدوه لا تفكونا راح الله يوفقه ويوصله بالسلامه انا دخلت بيت عمي وتروشت وتقهويت
وعيت من الله خير وانا اكتب موضوعي قبل ذهابي للملعب الاخوان والاصدقاء ماسكين لي مكان وهاذي
قصتي من بدايتها الى نهايتها وسلامتكم .....

مع تحيات ابو محمد . الله يحفظ لي ابوي ........
سامحوني على الاطالة ...

*** اسمي كان موقف قبل يومين والا كنت بكتب المقال بس الان فك معي وكتبه لكم قبل الذهاب للملعب وشكرآ ......

الله يشفيك ويستر عليك...

اخرتها انتهت تعادل

ياخوي وفر على نفسك المشقة والتعب .. لو انك رايح عمره اقرب وابرك لك بس

Ro7 Madrid 10/04/2008 03:13 AM

يووووووووووه ...ّ ياخي تعبت عمرك ..ّ ماكان ودي تحط نفسك في هالموقف

على العموم الله يعطيك العافيه ويسعدك ويخلي لك والديك


وألف شكر لك يالذيب

أميرٍ 10/04/2008 03:19 AM

كفووووووووووووو والله وهذا المشجع الهلالي الاصيل ،!! ورده


الوقت المعتمد في المنتدى بتوقيت جرينتش +3.
الوقت الان » 08:42 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd