|
مواطنة سعودية ... تفجّرها مدويّة ...؟!! بسم الله الرحمن الرحيم لا أعلم من أين أبدأ !! لكن أستحلفك بالله إن لم يعجبك طرحي لموضوعي لا تلومني ولا تجرحني ... ولكن وجّهني بكلام طيب ... أنا قمت بإعداد مدونة على الانترنت هناك من وافقني وهناك من رفض الفكرة ولكن قبل كل ذلك اقرأ ما في سطور رسالتي انا ياسيدي الفاضل / تقدمت بمشروع ( روضة أطفال ) لبنك التسليف والادخار السعودي طريقة البنك في استقبال المشاريع تتلخص كالتالي : 1. تعبئة بياناتك الشخصية والوظيفية ( سهلة ) 2. دراسة جدوى للمشروع مبدئية ( وهذي تبيلها معرفة بدراسات الجدوى ) ومادراسة الجدوى هذي ؟؟ طبعا انا من الناس اللي ما عندهم خلفية عن دراسات الجدوى ( المهم بحثت ودورت حتى تعلمت ) ( 3 اسابيع من التنقل من شركة الى شركة ومن محل الى محل في سبيل الحصول على الاسعار الحقيقة لكافة احتياجات الروضة ) أنا مشروعي هو عبارة عن روضة ولكن بمواصفات وسمات خاصة لا توجد في العالم العربي كله ...وفكرتي حاطتها في قلبي وعقلي خوفا عليها من السرقة ... المهم ارسلت الدراسة وتابعت الدراسة عبر الهاتف لأن فرع الرياض هو الفرع الوحيد المسئول عن الطلبات .. ردو علي بكل ادب واحترام والله ما اظلمهم حقهم ووجهوني إلى الشركة الاكاديمية والتي هي المسئول الاول والاخير عن دراسات الجدوى واختيارها وتقريرها اما بتمويلها او رفضها ... وطبعا تحدثت مع مسؤولين في الشركة الاكاديمية وكان ردهم اجمل من موظفين البنك والله والله بكل هدوء وتفهم واحتواء .... المهم قاللي احنا سقف التمويل لدينا لا يتعدى 1.5 مليون ... استأجري فيلا وقيمي عليها مشروعك .... قلت انا تميزي في مبنى نموذجي واضافات داخلية نموذجية لا استطيع وضعها في مسكن مستأجر لا بد من البناء قال لي نحن ندعمك ولن نتخلى عند ولا نريد ان نحطمك ( اشهد بالله انه خفف علي كثير في المحادثة ) ولكن لديك ارض نحن ندعمك بهذا المبلغ وانتي كملي الباقي في كل الاحوال ليس لدينا الا هذا المبلغ ... قلت له وماذا ستفعل بدراستي ( تكلفتها اضعاف مبلغ التمويل ) قال سوف نضغطها لك ونحذف منها بنود ونطلب تعديلات فيها حتى تصبح في حدودنا ... ونستطيع تمويلك ... فكرت في طريق آخر ... ممكن تجار كبار يمولون/ بس انتظري واترجي سكرتير فلان ومدير مكتب فلان عشان يترتب لك موعد وبعد كذا ( ما هي الضمانات للتمويل ) انا لا املك إلا نفسي وأبنائي وزوجي ( وهم بالدنيا وما فيها والحمد الله ) لا املك ارض لا املك رصيد .. ممكن عن طريقه اخذ تمويل من اي بنك آخر ... فكرت بفكرة غريبة واعددت مدونتي الخاصة على الانترنت انتقدت من اقرب الناس لي ولكن هناك مؤيدين لفكرتي ... قالوا شحاته 2008 خمس نجوم / قلت أنا ما وقفت على باب احد ... اجل اللي يصفون طوابير قدام باب فلان اللي يبي شرهة واللي يبي بيت وش يسمون .. قالوا نصابة مشروع نصب جديد / انا لو نصابة ما حطيت رقم حسابي الشخصي في مدونتي والكل يقدر يعرف مين انا ...ويا اخي لا تدعمني لو شايف اني نصابة قالوا وش الفايدة من دعمك / اجل وش استفدت من تصويتك لبرنامج سوبرستار والا ستار اكاديمي والا الخاسر الاكبر والا شاعر المليون وإلا.. وإلا ... انا مواطنة سعودية ماعندي صورة حلوه مغرية احطها على صفحتي .. ولا رقم جوال الكل يكلمني ... انا ابي اسوي مشروعي وبس ....وابي مين يدعمني ... هذي هي مدونتي : http://fowzeah.blogspot.com |
هذا الموضوع منقول أو انتي صاحبة الموضوع؟ لأن عندي كم سؤال |
بصراحة انا اشوف كلي هلالي متواجد في الموضوع :smilie47: وبصراحة رده هو ردي :d اذا رد :stoned: و الله يوفقك اختي ,,, دمتم بخير ,,, |
اقترح عليك اقتراح بالاتفاق مع احد المدارس الأهلية حتى يكونو داعمين لك وتبقى الفكرة خاصة فيك ويكون هناك نسبة في الربع يتم الأتفاق عليها مسبقآ |
إقتباس:
.. ماتبين شريك بالمشروع :d ترى اعضاء المجلس على الحديده وكلن عنده مشروع بس مافيه احد يساعد :naughty: الله يوفقك ويرزقك ورده |
أقتراح تجمعين فلوس من هنا ومن هنا ومن هنا لين تجيبين المبلغ المطلوب بعدين تبين وتنجحين بعدين ترجعين لهم مبالغهم على شوي شوي |
هذا الموضوع وصلني على الإيميل .. وأتمنى من الجميع مراسلة السيدة المذكورة على إيميلها ومناقشتها من خلال مدونتها الخاصة ..! |
مليون ونص دعم لروضه اعتقد كويس وموقليل يمكن تحتاجين زياده بس موكثير زي ماقالولك لو عندك الارض بتبنين بالراحه وبتقدرين تشغلينها جزئيا لفتره معينه لين تغطي تكاليفك .. وبعدها تجيك الارباح ان شاء الله وتشغلينها كامله واذا دراسة الجدوى مكلفه لهالدرجه انا اعملك اياها D: خخخخخخخخخخخخخخ اكيد عندنا اقتصاديين واداريين وراعيين فايننس بمنتدانا بيسوونها لك مجانا*_* >>>تعزم على حساب غيرها خخخخخخ امزح معاكي وسعي صدرك وزارة التعليم تدعم المدارس الاهليه سواء روضه ابتدائي غيره هذا اكيد تعطيهم مساعات ومنح ..بس كيف مااعرف :) ممكن تروحين لهم وتسالين .. موفقه :) |
إقتباس:
لو عندنا رجال اعمال تفهم بـ هالبلد ! كان دعمت اصحاب الافكار الجديدة ! .... ما اقول غير الله يوفقك ويفتح عليها من حيث لاتحتسبين ! ويزرقك يارب |
ان شاء الله اصحاب الخبرات ورجال الاعمال مايقصرون معها مانقدر نقول الا الله يرزقها ويوفقها عوافي.. |
هلا هلا :d والله ماهي شينه :d تسوي لك مدونه وتقول انا ابغى اسوي واسوي حولوا على حسابي :d والحمدلله اللي فيهم الخير بهالديره واااااااجدين .. خذ لك عاد كل شهر تنزلك بالقليل عشرة الاف .. راتب وانت عالنت :d اذا هي صادقة الله يوفقها بمشروعها ويكثر من امثالها :d |
أخت فوزية اتمنى لكي كل التوفيق ونقدر لكي اجتهادك ونسأل الله ان يوفقك ويباركلك ،،، كثير ما تكون لنا طموحات وتتطلعات تصطدم بحجم الامكانيات !!! هنالك اشخاص مالم تتوفر لديهم الامكانيات بشكل كامل فانهم يتوقفون عن ما كانوا يخططون له وحقيقة ان في ذلك خسارة كبيرة ،،، وهنالك اشخاص يمتلكون من المرونة وبعد النظر الذي يمكنهم من تقييم قدراتهم الحالية والعمل بمقتضاها ،،، ما اريد قوله ان هنالك جهة مسؤولة سوف توفر لك مبلغ جيد من المال وانت لديكي مشروع في تصورك هو كل متكامل والمبلغ لا يكفي لتحقيقه ،،، أنصحك لأنه من الصعوبة وليس من المستحيل ان يتبنى احدهم فكرتك من خلال الانترنت ،،، لماذا لا تفكري ان تأخذي المشروع على مراحل ... بمعنى : 1 - الخطوة الأولى : هي السعي لقيام المشروع مع القبول ببعض التضحيات من الناحية الشكلية ( المبنى ) والمحافظة على نوعية الرسالة التربوية التي ترغبين بتقديمها للحضانة 2 - الخطوة الثانية : المحافظة على تقديم خدمة مميزة تمكن حضانتك من صناعة اسم لها بين الجهات التربوية والجمهور 3 - الخطوة الثالثة : وضع خطة متوسطة المدى على مدى خمس سنوات تمكنك من ادخار الايرادات العائدة من الحضانة للسعى نحو بناء صرحك التربوي الخاص وخلال هذه السنوات التي تمكنت من صناعة اسم لك ولحضانتك اضافة الى وجود ايرادات قد يحدث ان يتقدم اليكي شريك او تمويل بنكي ... الخ تستطيعين فيه من تحقيق احلامك وطموحاتك هذه وجهة نظر ولكن انصحك كما ان الكون خلق في ستة ايام فأن مشاريع الانسان واحلامه تتحقق على مدى سنوات وليس في الوقت الذي يشاء ،،، اتمنى لكي كل التوفيق واتمنى ان تأتي وتقولين انك قد وفقتي في طموحاتك ارجو ان تتقبلي مروري مع فائق الاحترام ،،، |
| الوقت المعتمد في المنتدى بتوقيت جرينتش +3.
الوقت الان » 03:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd