|
ان كنت هلاليا فادخل وشوف...!!! بعد رعاية شركة الانفصالات السعودية للاندية المنافسة ... اصبح لزاما على كل هلالي ان يعرف ان يصرف مايصرفه مع الهلال او ضد الهلال , انا الاحظ الكل ضد موبايلي والكل يذكر فضيحة اتحاداالسلة حتى القناة الرياضية القبيحة ...!!! تجربتي مع موبايلي : بدأت فاشلة وكانت قبل حوالي 7,8 شهور قبل عقد الهلال وكانت سيئة وتركتها ..., ثم عدت اليها قبل ثلاث شهور والله ان الفرق في الفتورة 30% من 600 ريال الى 480 ريال اضف الى ذلك فيه مواقع لاتعمل الا موبايلي مثل حي الربوة القريب من جامع الراجحي ومستشفى الحرس (الملك فهد) لاتعمل الا موبايلي واماكن لايسع الوقت لذكرها... فيه موقع نطلع للبر تصلها تغطية جوال ضعيفة وكلمت على موبايلي ورد علي واحد حبيب واخذ المعلومات كاملة وتفاجأت بعد اسبوعين تغطية ممتازة , من تيماء الى حائل فيه مقطعة 300 كلم موبايلي فقط وهم الان عمموا على الطرق الرئيسية .., كانت عندي مشكلة في حي المنار اذا دقيت من موبايلي الى جوال حلوها خلال شهر ونصف واكتشفت ان الموظف الاول ماسجل لي شكوى( نصراوي) اذا كان عندك شكوى او ملاحظة احفظ اسم الموظف لان فيه موظفين نصراويين يحاولون تطفيش العملاء ولاحظت هالشيء طبعا هي خيانه ولكن هذا نتاج عبداهادي افندي ... النصراويين بدورهم يشنون حملة شرسة واذا انتصرت عليهم بالنقاش قال زين احسن منهم كلهم ؟؟ ياشعب الهلال كونوا مع موبايلي فهي لكم ولناديكم ... |
تعديل : الفاتورة من 600 - 650 ريال الى 380 - 420 ريال |
اللي مو مصدق كلامي عن الشبكة شريحة ب 70 ريال ويجرب ... الحرب قائمة على ناديكم وشركتكم فمن اراد دعم النصر والاتحاد فليبقى على الانفصلات ...!!!! ياشعب الهلال كونوا مع موبايلي فهي لكم ولناديكم ... |
يا رجـــآل قال طلقها وخذ اختها .. قال الله يلعن الثنتين :d |
البناخي ( التميمي): فرق بين من يدعم الهلال وبين الذي يعم الفقر والاتهاد ... هذا اذا كنت هلالي !!! وبعدين عندنا أحسن منهم وقلنا لا!!! |
مادري ليه احس ان هالموضوع صاير اعلان بعدين سوا اشتركنا والا ماشتركنا ماراح يستفيد النادي اي شي لانه موقع مع الشركه بعقد وهالعقد ماراح يزود ولا ينقص |
إقتباس:
يا أخي اذا انك هلالي لاشعوري قلبك مع موبايلي خاصة حينما ترى الحقد على هذه الشركة من جمهور الفقر والاتهاد !!! انا ماقلت ادفع لموبايلي هل لموبايلي الهلال او لابليس !! غرييييييييييييييييب امرك!! يكفي اسمها صار مرتبط بالهلال وفيه كلام كثير عن اشياء مستقبلية ان شاءالله قد لا يدرك ابعادها من ينظر تحت قدمية !!! ياشعب الهلال كونوا مع موبايلي فهي لكم ولناديكم ... |
صحيح يجب علينا مقاطعة زين لكن في الأسهم عادي ااكتتبوا فيها هههههههههههههههههههههههه |
إقتباس:
إقتباس:
ههههههههههههههههههه يا لبى قليبك والله يا ولد العم :d شوف حبيبي .. اذا بتناقشني في مسألة الخدمة المقدمه من الشركتين ( السعوديه & موبايلي ) لاحظ قلت لك ( الخدمه ) واقصد بالخدمه جميع ما يطرح من الشركتين سواء أسعار إتصال أو باقات أو عروض ..................... الخ ... فأنا بأقولك مافيه فرق بينهم وكل شركه لها إيجابياتها وسلبياتها وأيضا كل شركه لها ما يميزها عن الشركه الآخرى من ناحية الخدمات ،، الإتصالات السعودية من بدايتها ألين اليوم .. وهي ( ماكله ) الشعب أكل بالرغم من سوء خدماتها سواء الجوال أو الثابت أو حتى في مجال الأنترنت ،، وموبايلي بالرغم من حداثتها إلا أنها نافست السعودية بكل قوه ( ما نختلف على هالشي ) .. لكن بكل صراحه هل موبايلي أرضت الجميع بخدماتها ؟؟؟ صدقني اذا بتكابر وتقول أيه .. بأقولك لو كان كلامك صحيح كان 90% من مستخدمي الإتصال بالسعوديه أتجهوا لها ،، مجمل الكلام .. أنه لا السعودية ولا موبايلي أرضت جميع العملاء :) واذا بتقول لي طيب يا فيلسوف زمانك .. يعني وش الحل في نظرك :d بأقولك .. نرجع لزمان أول ونصير نكلم بعض بــ ( الأكواب اللي تحط بينهن خيط ) تذكرها في كتاب العلوم ولالا ؟ :d عموماً يالغلا .. أنا أدري أن الدافع لكلامك هذا كله واستبسالك في الدفاع عن موبايلي هو ( حبك للهلال ) بحكم انها شريك رسمي للهلاليين ،، وانت ما تنلام دامك تحب الهلال .. مو مثلي شكلي مندس :razz: لكن يا قلبي إذا فيه شركه بتقدم لي الخدمات اللي ترضيني ( انا ) كعميل وأهمها جودة التشغيل ومناسبة الأسعار ... صدقني راح اكون أول عملائها والله لو هي تدعم النصر والا الإتشاد :) لأن الهلال ما هو في حاجة شراكه مع أحد بوجود ( الخصخصه ) مستقبلاً بإذن الله ،، تحياتي لك يا بعدهم :d |
دلني على شركتك ياصديقي .... قال صفو صفين قال حنا اثنين !!!! ياعزوتي انا مع موبايلي وهي قادمة للهلاليين بالشيء الكثير ويكفي انها اصبحت محاربة لانها ارتبطت بالهلال وحنا وانا اخوك ماعندنا خيارات متاحة فأ قل شيء الوقوف مع من هو شارينا , وهذه منشيم الكرام ياعزوتي... |
إقتباس:
حياك الله يالغلا .. ما كان ودي أدخل في جدال جديد معك .. لكن شد إنتباهي نقطتين انت ذكرتها واللي ميزتها لك بالألوان .. أولاً مسألة شاريك هذي .. أعتقد لو تسئل أي أنسان عاقل ناضج راح يقول لك بلهجه عامية وبصريح العبارة ( والله ما درت عنك الشركه ولا جابت لك خبر .. الشركه تبي اللي في جيبك .. تبي دراهمك وأترك عنك سالفة هالخرابيط بس ) أما سالفة شيم الكرام وعلوم الرجال والفزعات .... الخ ،، فهذي لا تعليق عليها نهائياً :surprised: وما ادري وش دخلها بالموضوع أساساً :) C U MY FREIND :stoned: |
مع احترامي لكم كلكم نقاش عقيم جدا اللي يبي يشترك يشترك واللي مايبي لايشترك ياشين الفلسفه كل واحد ترى يقدر يتفلسف اللي عنده كلمه حلوه يقولها اما انه غير صاحب الموضوع ينط في كل صغيره وكبيرة ياخوي لاتشترك محد جرك بأذنك وقال اشترك |
إقتباس:
قــــــــل قـــســــم :bigeek: هههههههههههههههههههههه |
موبايلي ، بالنسبه { لي } مشكلتها وحيدة ..!! وهي التغطيـة ، ثم التغطيـة .. وحينما نذكر التغطيـة ..{ نقصد بذلك كل مدن المملكـة } .. ليس الرياض فحسب !! وانا ان شاء الله .. قريباً اباخذ رقم ذهبي مميز بـ 200 ريال .. مفوتر !! على قولتهــم لان اشتراكي الحالي في موبايلــــي ..{ بطايق شحن } ..!! وقبل عقد موبايلي وانا شريحـتي موبايلي ..!! بصراحه مو لانها موقعه مع الهلال بس اشووفها افضل من الاتصالات والانفصالات .. بـ مرآحـِــلْ ..!! |
طيب من يفهمني قيمة الدقيقةفي الشركتين وايهما اقل . |
| الوقت المعتمد في المنتدى بتوقيت جرينتش +3.
الوقت الان » 03:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd