س / كم لاعب من تشكيلة النهائي لعب يوم الجمعة؟ ج / لاعبين!
 

بسم الله الرحمن الرحيم

الموضوع واضح .. كم تتوقعون لاعب شارك في مباريتي الاربعاء والجمعة ومارتاح ؟
الجواب هو لاعبين: العنقري + الخثران ..! !

لا وأزيدكم الخثران كان بديل للشلهوب في الشوط الثاني ..
ممكن نضيف الفريدي باعتبار انه لعب شوي من الشوط الثاني في مباراة الشباب !

هذا وش يثبت؟
يثبت انه اجلنا المباراة أو ماأجلناها ماراح نحقق اكثر مما حققناه .
3 لاعبين نعذرهم ونقول مرهقين .. لكن علموني وين باقي اللاعبين؟

من هنا انا لازم اعتب على لاعبين نعول عليهم كثيـــــر لكنهم خذلونا :

1. طارق التايب ؟؟!!
كيف نعذر طارق التايب واحنا ياما قلنا له تكفى ياطارق لاتتنرفز ولاتعصب !
مباراة الشباب خسرناه في الاياب وهو مهم جدا وتأهلنا من عنق الزجاجة بعد ماخلانا في موقف محرج جداً !
هذا وهو حكم اجنبي مايفهم وش يقول عطاه كرت .. أجل كيف لو سعودي يفهم الصراخ والسب ؟
والمشكلة انه ياخذ الكرت ولايزال يسب .. يوخره الخثران ويهديه ولازال يسب ! يابن الحلال اعقل ! لازال يسب!

2. المرشدي ؟؟!!
مباراة الاتفاق الكورة مارة من زاويتك وسجل منها برنس تاغو الهدف !
مباراة الأهلي يوم قدام مالك معاذ كانك احسن واحد توقف وتطالع فيه كانك قاري مخه .. انسحبت وسجل مالك هدف
والحين مباراة الشباب بلنتي ماله داعي أبداً .. الزاوية ضيقة على الشمراني وحتى لو عداها يشيلها الدعيع لانه طولها على نفسه .. لكن انبراشة ماركة اتحادية مالها داعي !!


المهم .. هذا الموضوع كان من زعل داخلي على ضياع نقاطنا الثلاث وباذن الله تتعدل الامور يوم الاربعاء القادم ..
كل رجائي من اللاعبين تعديل أوضاعهم ومن طارق انه يهدى علشان مانخسره مباراة الاتحاد :)

طارق التاايب لاعب كبير ونجم لكن الفترهـ الاخير صاااير يتنرفز بزياادهـ مادري ليش ؟؟

والمرشدي تنقصه الخبرهـ والا له مستقبل باذن اللهـ



وباذن الله المباراهـ القاادمه راح يثبتوا لاعبين الزعيم ان الكبير كبير
ووالدري ماراح يعدي من الزعـــــيم باذن الله

لا ياخوي انت مافهمت وش سالفة التأجيل



التأجيل كان يفيدنا بضم التايب وعزيز والغامدي لمباراة النصر كان ارعبناهم لجل يريحون يومين ويلعبون الشباب ماعندهم مشكله



لكن المدرب شاف مافي تأجيل خاف عليهم من التعب ريحهم