السلام عليكم ورحمه الله وبركاته

هذي قصه صغيره بعد مباراه الهلال والنصر يوم الخميس

شخصيات القصه(فيصل) اليي هو انا و(عبدالله) اليي هو ولد عمي النصراوي و(تركي)خويي النصراوي وخوي ولد عمي

نبدا بسم الله

فيصل:الو هلا تركي بتروح الاستراحه؟

تركي:ايه انشالله

فيصل:مين بيروح؟

تركي انا دقيت على عبدالله وقال بيروح والعيال سبقونا راحوا


فيصل:انا بروح مع عبدالله تعال معنا عشان نروح سوا

تركي: اوكي

فيصل:انا رايح لبيت عمي ومعي شال الهلال رايح على رجولي لان بيت عمي قريب في نفس الحاره
يوم وصلت سلمت على تركي

تركي:لك وجه حاط ذا الشال

فيصل:ايه لي وجه هذا الزعيم

تركي:دقينا خشومكم وتقول زعيم

فيصل:موب الهلال اليي يندق خشمه اخر ناس يتكلمون على دق الخشوم النصر داقين خشومكم 5سنوات

تركي:اهم شي طلعناكم

فيصل:الحمد الله موب انتوا اليي طلعتونا الاتحاد السعودي هو اليي هزمنا والحكم موب انتوا

تركي:وهو معصب اقول لا يكثر

جا عبدالله

عبدالله:هاهاهاهاهاها جاي ومسوي زحمه جايب معك ذا الوصاخه

فيصل:وشو الوصاخه اليي حاطها في سيارتك والله من جد وصاخه لاتكون علب تحليل بول ولا ملابس عمال نظافه

عبدالله:مسكين ويشغل اغنيه النصر الهمه الهمه وقاموا يرقصون ويجون عندي يستهبلون ويسحبون الشال

فيصلوانا منقهر)قلت فوز بالغش

عبدالله:اي غش وكل لاعبين النصر المفروض ينطردون بس فزنا خلونا نذوق طعم الفوز بالغش زيكم اثره حلو الشعور

فيصل:خلاص انبسطتوا يلا منب فاظي يطق فيكم عرق واوديكم شهار عشان بطوله اولمبيه

وهو كلهم معصبين:ههههههه(بسخافه)بايخ

فيصل :المهم يلا خل نروح تاخرنا

عبدالله:لا ماتركب وانت بذا اليي حاطه

فيصل:قلت انا منب رايح الا وهو معي

عبدالله:مهزوم وجاي يترزرز بالشال

فيصل:مهزوم بفعل فاعل

عبدالله:المهم مهزوم وترا منتب راكب بذا والله ماتركب

فيصل:خلاص اوكي منب جاي بروح بسيارتي الله لا يحوجني لكم وانا رايح امشي

تركي يدق علي

تركي:وينك وين رحت؟؟

فيصل:خلاص بروح بسيارتي

تركي:ياخوي كل ذا عشان الزلايب الهلال ارمه الله يقلعه ارم ذي الوصاخه

فيصل:والله لا ارميك انت في الزباله المهم خلاص انا بروح بسيارتي يلا باي

تركي:ياخوي كبر عقلك خلاص حطه وتعال

فيصل:صارت الدعوا عناد قلت لا انا بروح الاستراحه بالشال يلا روحو لا تتاخرون بس الله لا يحوجني لكم

تركي:الحمدلله عشان كوره

فيصل:قل لعبدالله

تركي:خلاص براحتك

فيصل:يلا باي




هذي قصتي المختصره اتمنى اني سويت الشي الصحيح ودافعت عن الزعيم

ورحت لحالي كل ذا عشان الهلال





واتمنى ردود