|
مسكين اللي ما عنده واسطه في الهلال ! درع الدوري يغازل الهلال بكل صراحة لكن الهلال يرفضه بطريقته الخاصة تفريط غريب عجيب مستويات والله حتى فرق الدرجة الاولى ما تقدمها لاعبين اشك بأن فريق في الدرجة الاولى سيقبل فيهم مجاملات واسطات هذا للاسف الشديد حال الهلال قتل للمواهب المسكينة التي نشأت وترعرت في ارجاء الهلال والله اشفق على نواف العابد ورائد الصويلح ورضوان الموسى الموسم الجاي ربما ينالهم التنسيق او المكان المعتاد المدرجات والعذر ان القائمة فققط 40 لاعب بينما لاعبين مثل المفرج والسعود وسرور والخراشي والخثران وياسر الياس العنقري يسرحون ويمرحون في الهلال حرب معلنة وغير معلنة داخل الهلال عبدالعزيز الكلثم منذ ان كان في حواري الاحساء ومن ثم تسجيله في الهلال ناشئين شباب وهو هداف ورأس حربة تقليدي وعندما صعد للفريق الاول اصبح بقدرة قادر وسط ايمن وجناح يمين واعتماد كلي من المدرب وقدم بلاء حسن وفجأة وبدون مقدمات نجد اللاعب خارج التشكيلة نهائيا حتى الاولمبي الذي باستطاعته أن يشارك كلاعب دون الـ 23 سنة محروم منه سلمان مؤشر جاء من شباب الهلال ولعب مباراة الوحدة في مكة وفي الرياض وقدم نفسه بأحسن صوره وسجل هدفين في المباراتين وفجأة ايضا في المباراة التالية في المدرجات ويؤتى بفهد مبارك مكانه ! فهد مبارك لاعب جيد ولكن بالعامية الى متى واحنا نعصر فيه ؟! اعطوا الشباب فرصة يامن تحبون الهلال او تدعون حبه احمد الفريدي آه يا احمد كم خذلتني وخذلت الكثير برود عجيب وتعالى غريب على الكرة وكأن المباراة لا تعنيه لامن بعيد ولا من قريب ! الخثران اعجوبة الهلال الجديدة لاعب مفلس لاعب عاشق للمفاصل لاعب يشارك في كل مركز وحتى الاولمبي زاحم النجوم الصغار في مراكزهم آه يا زمن فيصل ابو ثنين وخميس العويران وقبلهم عبادي الهذلول ومنصور الموينع والله العظيم واقسم بالله لاعب عادي وأقل من عادي ومع ذلك عكوز بكوز مركوز في كل تشكيلة وفي كل مركز محور ظهير يسار ظهير يمين اليوم اشركه المدرب ليسد ثغرة ولكن للأسف فتح ثغرة يا الله ليه بس الهلال اللي ما يغيب فيه العلة الا باصابة ولا ايقاف ؟؟؟؟؟؟؟ الاهلي الموسم الماضي اعتمد على الصغار فجلب بطولتين وهالسنة خالف تلك القاعدة اصبح في السابع ويمكن يخرج خارج الثمانية ! واحنا لا تزال سياسة حقي بقي المركز حكر على أشخاص لا يمكن أن يغيب الا باصابه او ايقاف واحنا لا نزال نلعب لاعبين في أي مركز مهما كان وخير دليل الخثران والغامدي الغامدي في بعض المرا يلعبونه وسط يمين ! المهم انه يلعب مع وجود الكلثم او مؤشر الافضل منه في هذا المركز والله مو عيب ان الغامدي يجلس في الدكة إذا فيه افضل منه وايضا في حال وجود محاور الخثران والغامدي كل واحد يشارك على حساب الثاني الخثران يصير محور لان الزوري موجود والغامدي يصير وسط ايمن لان الخثران في المحور تخبط ما بعده تخبط مع انه وبكل سهولة استطيع ان العب بالغامدي بمركزه الاصلي والخثران الله لا يهينك في الدكة او في المدرجات والعب بالكلثم او الفريدي في حال تخلى عن غروره وعرف انه لا يزال في بداية الطريق شكرا لله اولا واخيرا ثم شكرا لسيد حراس آسيا الذي كان أسدا في مرماه حماس شديد لفريق الشباب ولو لعب بربع هذا المستوى لكان الاول بكل جدارة وهذا من حقه ولكن كان بالامكان استغلال هذا الحماس الزائد وجعله عكسيا عليهم وكان بالامكان ايضا عدم السعي في معاداة الشباب في بعض التصاريح الاخيرة نرفض ان نمد لهم ايدينا في كأس فيصل ونضعها في يد النصر والاهلي اكثر من يعادي الهلال والتي بسببنا عاد النصر للبطولات بعد عشر سنين والتي لو اجل المربع حتى مشاركة الدوليين لخسر النصر بكل سهولة من الشباب ولكن ! وبكل غرور العالم نطلب منهم تأجيل مباراتنا معاهم وعند الرفض نشكك فيهم وفي اخلاقهم وأنهم اذناب للبلوي يا اخوان في قاعدة تقول الجزاء من جنس العمل ونحن بكل صراحة نستحق ردة فعل الشباب ادارة الهلال للاسف الضرب في الميت حرام لن اتكلم فيها:ignor: الا في مدير الكرة خلاص منصور الاحمد كفى ووفى وكلنا احببناه ولكن حب الهلال وخدمته ليس بالحماس والصراخ ومدح لاعب دون الاخر نخرج خاسرين او متعادلين ثم يصرح لا يهم المهم كسبنا فلان اخشى ما أخشاه أن تصدق الاخبار المتواترة عن نية الرئيس البقاء فترة جديد فهي والله لكارثة واكبر كارثة واحمد الله ان حفظنا ماء وجهنا بكأس ولي العهد وخسرنا كأس فيصل بفعل فاعل والفاعل منا وفينا للاسف الشديد تعبنا نلوم نواف تعبنا نلوم فيصل تبعنا نلوم الحكم والله لو لعبنا بتشكيلة مثالية لكان بالامكان احسن مما كان فرطنا بكأس فيصل من اجل الدوري وياخوفي ما طلنا بلح كأس فيصل ولا نطول عنب الدوري ! كتبتها من حرة فيني لا يعلمها الا الله واعرف ان الكثير والكثير من يشاركني هذه الحرة لا نملك الا ان نقول الشكوى الى الله ونرفع ايدينا متضرعين لله ان تكون آخر الخسائر ونرجو الله ان يكرمنا بالدوري ببركة دعاء الوالدين لا أكثر |
ياخي الخثران ذا مادري ليه صابرين عليه , اتوقع واسطته نفس واسطة عيال المفرج |
والله أنــت اللي يبي لـك تنسـيق أجل عبدالعزيز الخثران واسـطـه عبدالعزيز الخثران نجــم كبيــر ياخثران وياجبـل مايهـزك ريـح |
موضوع طويل لكن بأختصار , الدفاع يلعبون بواسطـــــــــه .. |
أتفق معك في كل كلمة .. لله درك .. الحرقة إللي في قلبي خطها كيبوردك تسلم .. و عقبال ما نهني بعض بالدوري |
شف انا ماقريت الموضوع كله بس فيه صراحه لاعبين في الهلال يلعبون بواسطه .. انا مب قاهرني الا يوم تدخل محمد بن فيصل في التبديل .. صراحه شي غريب .. |
فعلا كلامك صحيح ومشكلتنا كل مباره نفرط بالنقاط ونقول باقي امل شكل الاتحاد بياخذ البطوله وحنا نقول باقي امل .!! |
ياجماعه البركه في الشباب الجديد الله يوفقهم ويستر عليهم من رضا تكر واعوانه . |
إقتباس:
بس السعود والله نجم وامكناته عاليه بس انحرق للاسف في الاحتياط والحين يبونه ينقذ الهلال اما الفيلسوف الخثران ..ماقول الا انها هانت ايــــه هانت كلها كم سنه ويعتزل مع المفرج..والي يصبرنا سنين يقدر يصبرنا ثلاث اربع كمان اما البقيه الي ذكرتهم والله حرام يلعبون في النصر مو في الهلال اجل فريقنا الشاب بطل كذا موسم ولا نشوف احد يمسك خانه في الاول ماقول الا الحمد لله الي اصاب كم لاعب عندنا وخلى كوزمين يتورط ويلعب بالكلثم بديه الموسم..حتى لو مو في خانته وخلانا نشوف الفريدي والزوري وعقبال نواف العابد والنجم عبدالعزيز الدوسري |
إقتباس:
الخثران نجم كبير مع احترامي لك ولكن الواسطه عند الفريدي والعنبر والخراشي ونواف والاخير هو سبب في تفريط الفريق ببطوله فيصل بن فهد ورفضه لمشاركة ياسر والتائب وعزيز واقسم بالله هذه الحقيقه نادي واسطااااااااااااااااااااااااااااااااااااااااااااااااااااااات هذه سياسة رئيس النادي |
إقتباس:
للاسف الشديد ما يغاب الا باصابة او ايقاف شكرا لك اخوي |
صحيح اخوي لاكن فيه لاعبين لازم نصبر عليهم مثل الفريدي الكلثم المؤشر وفيه لاعبين مفلسين وانتم عارفينهم مشكوووووووور |
انا مادري كل ماواحد فيكم مو عاجبه لاعب قال واسطه الحين السعود والخراشي طوال الموسم احتياط واخر مباراتين لعبوا بسبب غياب المهاجمين الاساسيين في الفريق ياسر القحطاني والصويلح وانت تقلي واسطات فهد المبارك لاعب لازال صغير في السن وانت تقلي نعطي فرصه للشباب ليش فهد مبارك عمره 33 سنه فهد الكلثم لاعب ممتاز واعطي الفرصه هذا الموسم بشكل كبير وهكذا يصعد اللاعبون تدريجيا مو فجأه يصبح لاعب أساسي في الفريق عبدالعزيز الخثران والله لاعب ممتاز وفنان ومهاري ويقدم مستويات روعه وماسمعت محلل تلفزيوني ينتقد الخثران او يقول عنه انه نقطة ضعف في الهلال لاعب يفيد الفريق في أكثر من مركز لعب هذا الموسم ظهير أيسر في النهائي ولعب محور أيام كان خالد عزيز غايب وقدم مستويات رائعه أنسان غياب خالد عزيز وعندما هبط مستوى الشلهوب اعتم عليه المدرب في مركز الوسط الأيسر وأبلى بلاء حسن لاعب يسجل ويدافع ويقطع الكرات ويلعب لعب رجولي وقتاليه عاليه يمتلك مهاره ويجيد التسديد ورغم هذا كله يهاجم من قبل بعض الجماهير والأعضاء |
لاعب في سنه الصغير تبيه يلعب كل المباريات لاواضح انك فاهم في الكوره الخثران مفلس والله المفلس وجهك |
تسلم على الموضوع هلالي عين بن فهيد من وجهة نظري موضوع جيد لكن ليس وقته الان نخليه بعد نهاية الموسم افضل ولكي نرى الادارة الجديده ماذا سوف تفعل في اشباه الاعبين في الهلال وجلب لاعبين افضل منهم في هذه الايام لابد ان نكون يد واحده مع الزعيم يوم الاربعاء موعدنا ... بالتوفيق للزعيم لتحقيق بطولة الدوري |
| الوقت المعتمد في المنتدى بتوقيت جرينتش +3.
الوقت الان » 06:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd