|
أنتم جمهور ( زعول ) وبيّض الله وجه البلطان ! والمسئول سكرتير البلوي !!! ما عليش يا حبايب المملكة لا تزعلون علي ! أنتم جمهور زعول !!! ظهرت على جماهير الهلال صفة غريبة وهي أنه جمهور ( زعول ) ويبدو أن استمرار الهلال في مشوار الزعامة أوجدت لديه حالة حساسية مفرطة ! و ( مايداني ) أية هفوة ! ومباراة اليوم خير دليل .. وكما قال فيصل ابو اثنين في عتابه للجمهور بقوله من يرى المدرجات يعتقد أن مباراة الهلال اليوم ودية وليست مصيرية ! وبالفعل غياب الجماهير بهذه الصورة ليس جديداً ..! بيَّض الله وجه البلطان ! بصراحة وبعيداً عن اية مؤثرات ! أعجبني رئيس الشباب الأستاذ خالد البلطان في رده على تصريح الأستاذ منصور الاحمد مع احترامي الشديد له .. لم يكن هناك داع لمعاتبة الشباب لعدم تأجيلهم المباراة فهم لديهم مباراة يوم الأربعاء القادم مع الهلال ! وتهمهم النقاط للمركز الثاني من أجل المشاركات الخارجية !! كما أنهم يعتبرون الفوز على الهلال بطولة ! وقوله أن فوز الشباب على الهلال بطولة يبحثون عنها ! كما أكد أنه لن يجامل على حساب ناديه ! نعم فلعب شوط واحد مميز مع الزعيم مكسب ! باختصار كان كلامه منطقياً وواقعياً ... ولا يجب أن نلومه بل يستحق التقدير لحرصه على سمعة ناديه ! ولا يجب أن ينجرف مسئولوا الأندية للفخ الذي نصبه لهم أمين ( عائم ) اتحاد الكرة السعودي ! سكرتير البلوي ! |
اول شي اتمني ازاله الاتحاد السعودي نبغي ناس مثل فيصل بن فهد الله يرحمهم كرهونا بالدوري السعودي ماعندهم الا الخراط |
والله انك صادق وفعلا انا اعجبني البلطان يوم قال كذا لمنصوووووور الاحمد انا اقول لمنصور الاحمد يتكلم مع المرشدي والهليل يعلمهم كيف يقطعون الكوره داخل المنطقه الجزائيه افضل يترك البلطان ويعلم دفاع الهلال افضل بكثير ويخلون كل نادي بحاله عذر البليد مسح الصبوره يوم تعادلنا قالوا البلطان ........!!!!!!!!!!! |
واللي يرحم والديك نروح الملعب نحرق اعصابنا ونرجع يعني ؟؟؟ هذا اللي تبونه عقب مباراة النصر ( اللي كان مستوى الهلال فيها افضل من اليوم بكثير ) تبينا نحضر ذي المباراة اللي رئيس النادي فيها صار مدرب ؟؟ وش اللي سمح له يدخل العنبر من غير موافقة المدرب وانا متأكد ان كوزمن ما راح يسويها وينهي اماله بالفوز ويدخل العنبر .. لان مستحيل يدخل واحد ما لعب مباراة من مده يعني انتهت مدة صلاحيته مباراة مصيريه مثل مباراة اليوم ويطلب منه انه يعدل النتيجه وعلى طاري البلطان اي واحد يقول ان قرار البلطان منذله ما يفهم بصراحه لو الهلال جا بايده مثل هالقرار انه يأجل او ما يأجل مباراة للاتحاد مثلا ما راح يضيعها من ايده محمد بن فيصل ؟؟ يعني خلنا نصير واقعيين ما نرضاها للشباب ونرضاها لنفسنا يعني ؟؟ |
طيب الان فقد الامل بالمركز الثاني تماما وسنرى ماسيقدمة بالمباراة القادمة ميزة الصف الثاني ليس باللعب الخارجي ولكن باللعب ضمن الفرق الاربعة الكبار بكاس خادم الحرمين الشريفين |
ههههههههههههههههههههه المشكله اننا رفضنا نأجل مباره الشباب يوم كانو يحتاجون التأجيل |
اتـــــــــــــــــــــــــــــــــــــــــحـــــــــــــاد حـــــــــــــــــمــــــــــــــــــــــــــــود ومحــــــيــــــــمــــــــيــــــــد بـــــــــــــــــــــــيــــــــــــــــكــــــــــــرهــــــــــنــــــــــــــا بــــــــــــــــــــــــالـــــــــــــــــــــــــــــــــــــــــــــــــكـــــــــــــــــــــــ ــــــــــــــــــــــــــــــوره |
خسارة واحد مثل الاحمد يمثلنا يــ الهلاليين .. بواب بالنادي يخب عليه .. تصاريحه تدل انه عقل صغير , مثل مباراة الاتفاق و اليوم قدام الشباب !. تبي الناس تنهزم لعيون فريقك ؟ عجب ! |
طيب ياخوان هل باقي امل بالبطولة يعني نقاط الهلال الان 44 نقطة اذا فاز صار 47 والاتحاد 48 انتم جننتوني |
- - بسم الله الرحمن الرحيم بالنسبة للجمهور الهلالي (زعول) نعم زعول وله الحق بالزعل والعتب على تصرف الادارة والمدرب في مباراة النصر ومستوى اللاعبين امام الشباب 00الفريدي والخثران لعبوا امام النصر ولعب امام الشباب 000!! لماذا طارق التايب لم يلعب امام النصر بالنهائي 0وقد احضرناه محترف 000!! اعتقد ان جمهور غصة به الدرة يوم الاربعاء ولم يجد التقدير من ادارة النادي من حقه ان يزعل ويعاتب 00! كنا ننتظر مباراة (النجوم) امام الشباب الذين حرمنا منهم في النهائي فاذا بالعنبر يطل علينا كلكابوس 000!! اي نجوم ياكوزمين تتحدث عنهم 00مانقول الا طارد العصافير ياكوزمين 00التي طارت بسبب عصفور(الدوري)0000!!! لهذا السبب لازم نكون زعولين0000!! امام البلطان فان كان معه حق بما قال 000فمواقفه لاتنسى ضد الهلال بمباركة البلوي وسكرتيرة00!! |
البلوى كلها من هالزفت ولد العبد الهادي...!! حسبي الله عليه.. ............................. |
يعني لو اجلت ليوم السبت وش راح يصير تفاريس ماراح يلعب والهليل لاعب لاعب انا استغرب من الاحمد ان يترك اخطاء فريقه ويقول الشباب الشباب ياخي مالك شغل فيهم ماودهم يأجلون بكيفهم غصب يعني طيب نشوف الاربعاء وش راح تسوي مع العلم انه اختلفت المعطيات الآن فالشباب فقد المركز الثاني الان ولم يكن له نفس الطموح يعني راح يلعب مرتاح تعرفون معنى مرتاح يعني يهمهم هزيمة الهلال للمصالح المشتركه مع جميع الاندية ماعدا الهلال فما انتم فاعلون |
لا تعليق بعد ماينتهي الدوري اقولك مين افلح ومين تبطح والبلطان رجل شجاع ومفخرة للكرة السعودية وانا اتمنى الموسم الجاي ما اشوف لا تعبان بن فهد ولا خواف بن فيصل الكرة السعودية مكانك سر من بعد 96 والى يومكم هذا |
طيب ليه يوافق أصلا ثم يتراجع ليلة المباراة عن التأجيل؟! يعني فجأة حب الأخ إنه ينافس على المركز الثاني ! أم رغبة منه في لخبطة الأوراق الهلالية ليلة مباراة النصر! لاحظ أن المدرب استدعى ثلاثة لاعبين إلى المعسكر واضطر إلى عدم إشراكهم! ما علي منك يالغالي صحيح إن الأحمد في تصريحاته غير منضبط بالمرة وأحرجنا إلا أن البلطان لم يكن رده منطقيا.. يعني مين قال له افتح قولك ؟! وهل تأجيل المباراة يعني إهداء الهلال النقاط الثلاث؟! يقول عندنا مباراة يوم الأربعاء والتأجيل ليس من صالحنا يعني لو كانت مباراتك مع غير الهلال كان يمكن أصدق! مشكلة الهلال أنه محارب من الجميع ليه فقط حقد وحسد بعيدا عن الرياضة وروح التنافس! |
يااااشباب نبي نحضر المباراااااااااة القاااااااااااااادمـــــة من اليوم نساند الزعيم والكاسر المباراة الجااااايه بأذن الله الدووووووووري للزعيم....... |
| الوقت المعتمد في المنتدى بتوقيت جرينتش +3.
الوقت الان » 09:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd