هلا ابو طلال

إقتباس وفي الأخير نتفق ان التقصير من الجميع ...

المقوله صح الإعتراف بالخطأ والتقصير عمره ماينقص من قدر الشخص بالعكس تحترمه

إقتباس الفصل الثاني

بالتوفيق للبرنامج ونتمنى يستمر على هالنجاح وحلقاته كلها حلوه و قويه

من حلقة المشعوذين الي تسكرت قنوات السحر علشانها الى حلقات كثيره

اكثر من رائعه وصولاً لهذي الحلقه اللي فضحت فيهم الله يبعدهم عنا لاعبين بالدنيا لعب

إقتباس الفصل الثالث

اف متى يخلص من جد مليت من كثر المواضيع الي عنه وفي كل مكان يحكون عنه

إقتباس الفصل الرابع

اكيد مايبيلها كلام بالمجلس لأنه زي ماقالوا الي في المجلس عارفين لكل الأمور

مشكور ابوطلال على هالموضوع ورده وصراحه كل مواضيعك

عوافي..

ابو طلال تسلم يمينك

للتصحيح

صاحب فكرة شاعر المليون : الشاعر الكبير والقدير هو احد اعلام دولة الكويت (( طلال السعيد ))

للتوضيح فقط ... نشوى مجرد مذيعه مقربه من بلاط صاحب الأيادي البيضاء كما يقولون له ...

تحياتي لسموك الكريم ... وللمعلومية ... انا زعلان منك وبكل قوه من كامل مجهود <<<< أعجبتني

إقتباس الرسالة الأصلية كتبت بواسطة مواصل من عام 1413هـ هلا بولد العم ( قلب كبير أكبر من السعوديه ) عيوبنا يا أبوطلال نعرفها من غيرنا البعض يظن إن إعتراف الشخص المقابل بالعيوب لصديقه ، أو الزوجه لزوجها ( إنها قله إحترام ) بالعكس ( هي أفضل وسيلة لتصحيح العيب ) ، إذا لم تصل لحد التجريح أتمنى أن يستمر هذا البرنامج وألا يتوقف إن وصل إلى فتح ملفات ذوي مصالح شخصية من العبث ( بالبلاد ) ما بقى إلا حلقة وحدة ونخلص ونفتك منه إن شاء الله ومازال الناس يطالبون بالتصويت !!!!! طيب إنت ياللي توصت إجتمع أنت وقبيلتك وجمعوا له مليون ريال وإرتاحوا ( طبعا إنسى - لأنهم بيقولون بأنفسهم يبطي عظم نعطيه مليون - عيالنا أولى منه بالدراهم ) !!!!!!!!!! تخلف وربي موضوعك هذا بيتوزع يا أبوطلال الجزء الأولى بيخلونه بالمجلس العام والجزء الثاني بالجمهور والثالث بمنتدى الرياضه العالميه .......... إلخ يعني بتتعب المشرفين وبتلحس مخهم

يسلمو ابو طلال اخونا الصغير

وحلو الواحد يعترف باغلاطه لكن احيانا الكبرياء يودينا بداهيه

إقتباس الفصل الثاني : كلاكيت أول مره برنامج 99 للمذيع المتألق صلاح الغيدان .... ركز هذه المره في حلقته الأخيرة على جرائم العمال .. ومشاكل العماله !! مبالغ كبيره ... تجاوزات وجرائم أكبر ... جرائه ..بل وقاحه غير طبيعيه من هؤلاء المساكين ظاهرياً وللاسف .. نحن المساكين !! مبالغ تهاجر .. تهرب .. اموال نحن احق بها من هالعماله .. كل العماله ينهشون ويسلبون خيرات بلدنا .!! وحنا يااهل البلد نحسد بعض والغريب يضحك علينا ويتشمت !! شعب مشغول بالتصويت لشاعر المليون .. ولستار اكاديمي .. وعمالنا بالملاييين يحولون لبلدانهم بطرق غير مشروعه ومن مصادر مشبوهه وسرقه... من هالبرنامج لعلنا نستفيد بأن أي حركه مشبوهه او تصرف غريب يجب التبليغ عنه وسيجد كل الإهتمام من الجهات المختصة .. طبعاً لاجديد .. البرنامج والمقدم وكل من ساهم في ظهور هذه( 99 )يبدعون دائما ولهم منا كل الشكر والتقدير على حسهم الوطني والديني .. وليس لإظهار اخبار فنانه ..او لمعرفة بطاقة شخصية راقصة ... هذه البرامج ومثلها من نقف لها احتراماً ونرفع لها قبعاتنا ونصفق لها بقوه .. شكرا لك صلاح .. شكرا لكل من قام واجتهد معك ..

إقتباس بيض الله وجه صاحب الفكرة :: جملة دائماً يرددها شعراء المليون .. رغبتاً منهم لكسب رضاء الشيخ محمد بن زايد ... لكن هل تعلم بأن صاحبة الفكرة هي : نشوى الرويني ؟ مذيعه مصرية .. فبيض الله وجهك يانشوى .. اللى جمعتي هالكوكبه من الشعراء الشعبيين المميزين 888 وينك ياسوق عكاظ تجي وتشوف من يجمع الشعراء ويفرقهم

إقتباس الرسالة الأصلية كتبت بواسطة أحلاهم واتحداهم هلا فيكـ ابو طلال ،، فعلاً موجود التقصير من كلا الطرفين لو قرأ كلا الزوجين شيئاً من حياة الرسول _ صلى الله عليه وسلم_ في بيته واستشعرا معنى المودة والرحمة لغابت أكثر المشاكل العائلية فعلاً والله شي يقهر رغبةً كذا تكتب >> شطحة ترى لاتعصب أجل نشوى صاحبة الفكرة قاعد يجيها المدح ومحد داري نزله بكل الأقسام امزح نزله بالقسم العام أبو طلال يعطيكـ العافية

هلابك اختي ( أحلاهم وتتحدينهم )

ترى لي كم يوم كاتب الموضوع وانتي قاطعتنا .. لاردينا .. ولا علقنا .. نحتري ردك .. تخبرين انا لازم اول تعليق لي هو لأول رد .. هذي سياستي ... >>> اخس ياسعود الفيصل

سيرة الرسول عليه الصلاة والسلام .. فيها كل مايحتاجه الزوج والزوجه في بيته وخارج بيته .. لكن من يقراء؟

ورغبةً عدلتها .. واحد ثاني عدل لي كلمة امتاً = أمةً ؟؟ هالموضوع عدلت فيه كثر عدد راسي ...

وحياك الله اختي .. وشاكر لك حضورك وتعليقك ..

مواصل من عام 1413هـ

ولد عمي .. حياك الله .. ( قلب كبر قريح وأبا زنه .. مجتمعه )

أخبارك يالذيب .. وشلون الشايب ؟ شلون ركيباته ؟ ياصل للمسيد ؟( المسجد )

إقتباس عيوبنا يا أبوطلال نعرفها من غيرنا البعض يظن إن إعتراف الشخص المقابل بالعيوب لصديقه ، أو الزوجه لزوجها ( إنها قله إحترام ) بالعكس ( هي أفضل وسيلة لتصحيح العيب ) ، إذا لم تصل لحد التجريح

الناس ماصارت تتقبل النصيحه .. هالوقت لأنه الناصح فاضح في هالزمان ..

ويقدر الشخص انه يكتشف عيوبه من نفسه .. ويحاول انه يتيغير للأفضل

إقتباس ما بقى إلا حلقة وحدة ونخلص ونفتك منه إن شاء الله ومازال الناس يطالبون بالتصويت !!!!!

انا مااقصد شاعر المليون كبرنامج وحيد .. انت تقول قرب يخلص .. اقلب على كل القنوات الخليجيه وتلقى برنامج فكرته مثل فكرة شاعر المليون .. لجنة .. شعراء .. جمهور .. ( تصويت ) وياقلب لاتحزن

إقتباس يعني بتتعب المشرفين وبتلحس مخهم

بيكون عنوان موضوعي الجاي ( اشتغلوا يالمشرفين ) وبنزل موضوع من اربع وثلاثين جزء .. كل جزء ماله علاقه بالثاني .. وخلهم يوزعون موضوعي تقول يوزعون ورق

شكرا لك عبدالله .. لاتقطع يابن اخي



================


القيصر الرهيب هلابك يالغالي

تصدق صارت ردودك افضل من أول .. صاير استحي منك هاليومين من كثر مانت ذوق ( وذرب )
والله يستر من تالية هالذرابه

إقتباس الموضوع أبو 6 أقسام باتآكيد المفروض ينزل عندنا بالمجلس لأننا وأعوذ بالله من كلمة أننا فاهمين بكل شي بلا غرور

مافيه شك... بس ماودي اشغل مشرفيننا ..

إقتباس بالنسبة للجملة فأود أن أخبرك أنها حازت على إعجابي الكريم

ايه هالحين رجعت القيصر اللى أعرفه هع هع هع


شكرا لك ياعم

==================

هلالي الشماسية ... الله لايحرمني شوفة هالوجه السمح .. وشكرا على سؤالك ودعاءك .. وجعلني مااسمع عنك إلا كل علم غانم

إقتباس من الصعوبة بمكان أن يرى عيوب نفسه , ولكن كم هو بحاجة أن يُطلعه وينبهه على عيوبه , فالزوجة من المفترض أن تكون مرآة لزوجها , وأيضاً العكس ,,,

هذا المفروض .. بس من يصمل

إقتباس إضافة إلى ذلك سود الله وجه مليحة الشاشة درأً للفتنة

الله يكفينا شر الفتن

إقتباس ضعه في المكان الذي ترتاح به وتميل إليه وإلى أعضائه , فأنا مثلاً سأضعه في المجلس العام دون تردد ,

أجل انت ناوي تتعب مشرفين المجلس العام بالنقل والشيل والحط ...

شكرا لك وربي يسعدك يالغالي

================

أبو ناصر ... كل الأماكن مشتاقه لك

هلا وغلا عمي

إقتباس المشكله اننا نتكلم وفي الاخير ما فيه طرف يقنع الاخر ...ولكن النقطه المهمه والجميع متفقين عليها ان كلا الطرفين مخطئ...

قريت لك رد في أحد هالمواضيع وجتني الفكرة بإنزال هالموضوع .. خصوصا ان هالمقارنات كثرت هاليومين .. ودائما نبداء بموضوع وننتهى بمقارنه .. وتحميل الآخر المسؤوليه ..
والبنات من جهة .. وابو ناصر يدافع من جهة ..

إقتباس البرنامج 99 ..برنامج الاجمل الان في جميع قنواتنا السعوديه الاربع.. لقد قابلت المذيع صلاح قبل حوالي 3 اسابيع في زواج لصديق لنا في المدينه المنوره ...تحدثنا كثيرا عن البرنامج ...كان يتكلم عن مدى المجهود الذي يقوم به المعدين والقايمين عن البرنامج ...ولما سئلته عن الحلقه الملغاه ...فقال تخيل اعداد اسابيع وتعب مجموعه يروح في ربع ساعه قبل الخروج على الهواء... الذي اعجبني في صلاح انه نفسه صلاح اللي قابلته قبل ان يصبح مذيع مشهور ..

الله يستر عليه .. شوية عليه مبدع .. هالرجل غيوور .. يتحدث ويعمل من منطلق الغيره وبدافع حب الوطن والمواطنين ..

هلابك ابو ناصر قلبي ... وسعيد بحضورك

================

إقتباس الرسالة الأصلية كتبت بواسطة Msh3al_37 ابو طلال مدري وش اقولك لكن مواضيعك تجذب الي ما ينجذب بصراحه استمتعت بموضوعك تقبل مروري وانا اخوك

كلامك شرفني .. وحضورك أسعدني كثير .. دائما اجد التشجيع والإشادة اللتي لااستحقها ..
دائما .. وأبدا :فقط .. لاتحرمني حضورك يالغالي



لي عودة ....

بإذن الله ...

^
^

خلاص اهم شي عدلت الرد والسموحة عالتاخير كان عندي اختبار ومابي احد يسبقني

إقتباس الرسالة الأصلية كتبت بواسطة A.K.N 505 هلا ابو طلال...ورده الجزء الأول: لو كل الأزواج والزوجات أدوا ما عليهم من حقوق وواجبات التي فرضها الله عليهم كان استقامت كثير من البيوت فالزواج مودة ورحمة....وليس مشاكل وعوار راس..!! الجزء الثاني: برنامج 99 هو البرنامج الوحيد اللي يستحق ان تتابعه في القنوات السعودية... برنامج هادف ..ومواضيعه تلامس الواقع.. الجزء الثالث: اللي ابغى اعرفه ..هي تدري وتفهم وش يقولون الشعراء.؟؟! برايفت ابو طلال: أمة ً تـُكتب كذا وليس أمتا ً.. يعطيك العافية ابو طلال..ورده

لا هي ماتفهم وش يقولون الشعراء .. بس تعرف وش يدخل هالشاعر من فلس .. لغة المال فقط

شكرا لك يابعدي .. وشكرا على التنبيه عدلته

ولاتحرمني حضورك



لي عودة إن شاء الله

إقتباس الرسالة الأصلية كتبت بواسطة @ ابو عبدالعزيز @ والله انت كذا لي قتره ما دخلت المجلس والنتدى بكبره بس لمن ادخل احصلك ثابت على مستواك او انك افضل بكثير عليك مواضيع وافكار ما اقول الا الله يكتبهن الاجر وينفع بهن

ابو عزيّز ... إنت وين تغطس ؟؟ يوم انت كاكا وانت ماتطلع من هالمجلس العام .. يوم صرت ابو عبد العزيز سحبت ! عسى مااخلاف ؟

لاتقطع ولاتبطي عنا بس .. ترى المجلس من دونك مثل الشاهي بلى كوب

وننتظر تفاعلك ومواضيعك بالمجلس ..


==============

إقتباس الرسالة الأصلية كتبت بواسطة هاويه الهلال الف شكر اخي ابو طلال على موضوعك المتميز وطرحك الرائع وبصراحه كل جزء احلى من الثاني الله يعافيك على طرحك لهذه الموضيع تدري بيتعرض موضوعك لعملية فصل <<<متاثره في الدكتور الربيعه وبيحطون كل جزء في مكانه المخصص له لا تصدق اقول لك اخوي نزله عندنا في المجلس اكيد انه موضوع حلو والحلو للحلوين وانت كريم واعضاء المجلس يستاهلون اشكرك اخوي مره ثانيه على موضوعك وطرحك وتقبل مروري تحياااتي

الشكر لك اختي على حضورك ومرورك ...

والمجلس يستاهل .. بأعضائة ... ( النقوة )

بس فصل الموضوع نبي نشغل فيه مشرفين الأقسام الثانيه .. ( نحللهم )

شكرا لك من جديد وأسعدني حضورك

==============

إقتباس الرسالة الأصلية كتبت بواسطة سور الهلال الكبير هلا ابو طلال باقة ورد ابعث بها في هذه الجمعة المباركة ورده ورده وردهورده ورده ورده وردهورده ورده ورده ورده وردهورده ورده ورده ورده ورده وردهورده ورده ورده ورده وردهورده ورده ورده ورده وردهورده ورده لي عودة على التعليق بعد وصولي من السفر انتظروني كان معكم هنا سور الهلال الكبير

انت مسافر رجليه ؟؟؟ للحين ماوصلت

توصل بالسلامه .. وشكرا على هالكمية الهائله من الورد ياورد

وبإنتظار تعليقك يابطل