نادي الهلال السعودي - شبكة الزعيم - الموقع الرسمي - النصر فاز بالكاس !! ابدا مو صحيح !!

السلام عليكم

حياكم اخواني وخواتي...بداية احب ابارك للجمهور النصراوي بالبطوله...بغض النظر عن الاحداث الي فيها !!

الهلال خسر ولكن حتى في خسارته زعيم....شفنا رجال داخل الملعب....ومن ناحية المباراه الهلال قدم من اجمل مباريات هذا الموسم...شفنا روح الزعيم..شفنا ابداع صغار الزعيم....ويكفينا من هالبطوله كسبنا هالفريق الشاب.

عبدالعزيز الدوسري....تذكرو هالاسم جيدا...اسم راح تردده الجماهير الهلاليه كثير...كلنا شفنا ابداع هالاعب من بداية البطوله لاعب غير عادي باختصار لاعب قادم بقوه ليحفر اسمه بتاريخ الهلال وانا شخصيا اراهن على هذا الاعب.

احمد الفريدي...لاعب هادئ واثق من نفسه يلعب بكبرياء الكبار....لكن اعيب عليه حاليا انه اخذ ثقه اكثر من الازم وصدقوني اخاف يضيع نفسه بنفسه...اتمنى انه يراجع حساباته.

الكلثم..ابداع ابداع ابداع....لاعب يعرف كيف يتحرك مهاري يلعب بروح من اهم مكاسب الزعيم في هالبطوله اتمنى يستمر على هالمسوى ويطور من نفسه لاعب رائع فعلا الله يوفقك ياكابتن.

نواف التمياط...راح يغالطني الجميع في هالنقطه متأكد...لكن تظل وجهة نظري ويجب احترامها...نواف لم يقدم اي شي في المباراة...وكان عامل سلبي للزعيم تمنيت مشاركة الكلثم من البدايه...نواف لم يكن جاهز...ومن وجهة نظري اعطي فرصه اكثر مايستحق وماكان يوم نواف وتمنيت عدم مشاركته في هالمباراة.

شخصيا لم احزن على هذي الخساره....ليس لعدم حرصي على الزعيم..لكن لمشاهدتي لفريق قادر على حصد المستحيل مستقبلا فعلا فريق مستقبل رائع صغار الزعيم هاردلك سويتو الي عليكم وزياده وماقصرتو...المباراه كانت هلاليه بالكامل عدا الهجمتين...البلنتي السينمائي !! والهدف الثاني.....عدا ذلك كان الزعيم يشن اقوى الهجومات الارضيه والجويه على الاراضي النصراويه....لم تكن مكتوبه لنا....اللهم لا اعتراض.

الحمدالله على كل شي

الوعد قدام ننسى المباراه هذي ولانقسو على صغار الزعيم

موعدنا مباراة الشباب انشالله

الدوري هلالي بأذن الله هلالي

وارفــع راســك انــت هــلالـــي