صـراحـه ..

مع أن مو من عاداتي ادخل المنتدى بعد أي مباراهـ سواء فزنا ولا انهزمنا لأني بصراحه أتوترر واحس اني عايش وسط عصاباات و مؤامراات وافـلاام هنـديـه .. والله يعين الي يقرأ هالموضوع لأن صاحبكم الله يخليه لنفسه مافي راسه ردود فما بالكم يكتب موضوع كاامل <- والله كبيـرهـ عليـه <- ادري بيجي واحد يذب عليك يقولك ياليتك ماكتبت الموضوع احسن لك :d

- أنا أكـرهـ الوسـط الريـاضي التحليلي بالذات لأن الكل صـار محلل والكل صـار ناقـد .. والمشكلـه ماتعـوق معـه مثـلاً .. اليـووم لو الهـلااال فـاز بنبـاركـ لكل خلق الله و نعظم محمد بن فيصل ونسمي كوزمين بالمدرب (الي دايم هو داهيـه :d) <- يعنـي كثـير داهيـه :d ..
ولمـا انهـزم الهـلاال شبينـا على ابو ابو ابو منـدووب الهـلاال من ادارهـ لأعضـاء شـرف لمـدرب للعيبـه .. لكل شي :sick:
أنـا مااقـولك لا تنتقـد احـد وأسكت وخل المحللين الي الكبـار بس الي ينقـدوون لكـن بحـدود ..

- بصـراحه في موضوع مرهـ كبر وتأزم بهالمنتدى والله يهديكم مررهـ زاد عندكم الي هـو نظـرية المؤامـرهـ ..
الكل ضدك والكل مو معاك والكل يكرهك والكل مندس ومرتشي ومايخاف الله و و و و و و .. وكـلاام كبيـرر لو اسويلكم اقتبـاس لكفى ووفى عن موضوع ماله داعي زي هالموضوع :d ..

- قبـل مبـاراة الهلال والشبـآب في كـاس ولي العهـد الأيـاب .. كل النـاس وبما فيهم أنتم تقولون وش الهلال بدوون ياسر و التايب (مع ان اسلوبكم هذا يأثر على اللعيبه وانا متأكد واعرف كثير من اللعيبه الي متابعين المنتدى كباار وصغاار) .. وبعد مبـاراة الذهـاب طرتوا بالفريق بالعجه .. الهلال كبير بدون ياسر والتايب والهلال والهلال والهلال والهلال ..
أبدع الفريدي وخليتوهـ احسن لااعب في العالم وقلنا من حقكم تفرحون بلاعب كلنا ننتظرهـ من يوم انه بالشباب .. مع ان مستواهـ واحد لكن الفرق ان الفريق في مباراه فاز فيها والثانيه خسر فيها ولا تعاادل ..
لكن شبيتوا عليه والى متى يالفريدي ونهايه الفريدي و و و و ..
عبدالعزيز الدوسري مع المنتخب الاولمبي مبدع وكاان خطير خطير خطير وكل المدربين يعتمدوون عليه وماقد لعب احتيااط الا اذا كاان مصااب ولا تووهـ راجع من اصابه فقط وماسمعناكم تقولون عنه شي ..
سحب بعبدالغني وقلتو لاعب فنان خطير مجنون و و و و .. والله يستر بكـره لاتقلبوون عليه ..

زبـدة الكـلااام : البلاي ستيشن الي هو لعبة الكترونيه والعيبه تحط سهومهم حمررر :d بعض المراات تلعب وتبدع وتفووز خمسه صفر على اخوك الصغير ومررهـ تنهزم منه بضربة جزااء (غش :d) واللعيبه هم هم والفريق نفسه والي يلعب باليد أنت والي يلعب معاك اخووك وعاادي ..
فما بالك بلعيبه صغااار وراهم جمهور مايرحم يسفل فيه اذا (الفريق مافااز) ويمدحه اذا سحب بلاعب ..

- انا اعرف واحد يقول والله العظيم ياسر مافي راسه لعب وماشيه معه بالحظ ودايم يقارنه بسامي سواء ابدع ياسر ولا ماابدع ياسر عنده مافي راسه <- لكن احترم هالانسـان لأن هذي وجهة نظره مايهضم الاعب ..
لكن اني امدح يااسر اليوم وبكرهـ انتفه وبعدهـ احسن لاعب بأسيا وبكـرهـ افشل لاعب في الحـاره <- هنا المشكله ..

عندي كلام كثيرر لكن بصراحه محد قاري الموضوع وفيه كل هالكلام المحشي حشوو :d لكن والله هالكلام طالع من قلبي ..

لكن في حاجه أخيـرهـ ودي اقولهـأ :

نواف التميااط كان لاعب مبدع وأصيب ثلاث سنووات وعليها شوي لين ماتدرج وصار يلعب اساسي .. في الثلاث سنوات في ناس تخرجوا من الثانوي وتوظفوا وفي نااس جالهم عياال وفي ناس راحو .. والتمياااط مالعب ولا مبااراهـ وحنا لازلنا ننتظر نواف الي قبل الاصاابه ..

يانااس نواف تقريباً كان عمره 28 يعني في عمر العزز بالنسبه لأي لااعب يعني ماتعودنا عليه شايب ويالله يالله يركض زي الحين .. والحين صار عمره 30 مدري 31 ولا توه راجع من اصاابه تشق الوجه فما بالك بالركبه :d .. وتبوون نواف 2000

أقسم بالله اقولها ولو على حسااب الهلال .. فداك ياابوو بندر كل البطولااات فداك ياابو بندر كل اللعيبه الشباب الي ينتظروون المشارركه بأقرب فرصه ..

ولو تلعب بعكازتين و يرزوونك جنب الركنيه يااخي مبدع :clap: <- مشكلتي امووت بكل واحد خدم الهـلاال :smilie47:


واتمنـى أي وااحد يقرا الموضووع وجاا في باله يرد يااخذ راحته :d تسب تهزء تقول رايك على رواق تخالفني الراي خذ رااحتك ..

هذي امنيه اتمنى جمااهير الهلال ترتقي وتكوون راايقه وتتذكر أن هذي كووره تفوز بفرصه واداء عقيم و ممكن تنهزم وانت مبدع وممكن وممكن وممكن ..

بس لا تحرقوون اعصاابكم وتسبوون وتهزئون واخرتها انتوا المتضررين من هالشي ..

فديت قلبوكم واتمنى اقرب مشـرف ينتف أبو الموضوع لأنه طويل وانا مصختهـا111 :d

قصمن اني خقيت :d يعني خقيت لدرجه اني ماانتفخ راسي وقاعد ابتسم الحين :d <- ياحبني لك :d

وتسلم حبيبي على هالكـلااام و ودي اضيف على كـلاامك نقطه وحـده ..

الحين لو انك انت ولا صاحب اول رد بهالموضوع سبني وقآلي انت مافي راسك ومن هالكلام كآن شفت كل الردود الي تحته معـاهـ ومع الخيـل ياشقـراا ..

والله ماابي شي بس نبي نهدي اللعب شوي .. ناس متحطمه وحطمت اللعيبه والنفسيه والله صاارت تعباانه والسبه هالمواضيع ..

المهم يعطيك الف عاافيه وتسلم على هالمروور واذا قشعوا موضوعي مو غريبه علي (ردين و موضووع) وكلها مقشووعه :d

الرسالة الأصلية كتبت بواسطة هلاليه زي القمر (مشاركة 8142056) ههههههههههههههههههه قسم بالله انك جبتها مره يرفعون بسهام الاعب فوق فوق ويطيرون به بالعجه اذا قدم مستوى حلو وبعده بمباراة اذا مستواه سيئ يوطونه للأرض اخر شي يعني الاعبين بشر واكيد يوم بيكون بمستواه ويوم لا والله لو انهم اجهزه تكسرت من كثر المباريات وفيه ناس مايعترفون بالاعب اذا بدع لكن اذا جاب هدف صار احسن لاعب بالعالم حتى لو لعبه بايخ وجات معاه صدفه يعني ياليت تحسون شوي بالاعبين والله الواحد مهزوم ماله خلق لاحد وانتم تزيدونه هم فوق همه ويعطيك العافيه على موضوعك على طوله الا انه يحكي الواقع وياليت فيه من يسمع

الرسالة الأصلية كتبت بواسطة هلاليه زي القمر (مشاركة 8142056) ويعطيك العافيه على موضوعك على طوله الا انه يحكي الواقع وياليت فيه من يسمع