[ تلاصقـوا في منظـر يطلـع الشيـب ... خمـو بعضهـم ودهـم شوفـة الـدار ] - نادي الهلال السعودي - شبكة الزعيم

بريماكس · #1 01/04/2008, 01:11 AM

السلام عليكم ورحمة الله وبركاته ،

لا ثرثرة للكلام غير أن هذه القصيدة رثاء لتلك العائلة التي رحلت بأكملها إلى جوار
ربها بعد أن تاهت في الصحراء

أرخى للدموع زمامها المنشد المبدع / حامد الضبعان ..
http://albasel685.googlepages.com/hamed.RA

تقول كلمتها :
من شفتهم ياحمود في داخل الجيب....والله كنّي يا المزيني علـى نـار
يا الله أنا طالبْـك ياعالـم الغيـب....إنّك تحرّمهم علـى دخلـة النـار
ما لي على مـا قـدّر الله تعقيـب....لكن نخاف يموت فاهمالنـا كثـار
شهرين والأطفال في عالم الغيـب....والله لو دوّارهـم يركـب حمـار
لو هي ذلولن غاديـه للمعازيـب....كان أرسلوا له كل قصّاص الآثـار
الله يسوّد وجهكـم ياهـل العيـب....سود الكفر لامن تقطّع على القـار
إن ما فرجتوها نهـار المواجيـب....وش فايدتكم ياملا قصف الأعمـار
طفلن يعذّب فوق شهرين تعذيـب....والله عار ولا يجـي مثلهـا عـار
ياكيف ناموا ليلة الشـك والريـب....والصبح كلّن منهم يـدوّر إفطـار
تلاصقوا في منظرن يطلع الشيـب....وخمّوا بعضهم ودّهم شوفة الـدار
لا يابعد روحي توفّوا على الجيـب....عند الله الإفطـار عنـد الله الـدار

رحمهم الله واسكنهم فسيح جناته

اخوكم / بريمـاكس ورده

فجر الرياض · #2 01/04/2008, 06:32 AM

هلا بريماكس!!

صراحه مره تحزن

الله يرحمهم اجمعين

أرخى للدموع زمامها مع هالنشيد

<< تطبق الدرس

ورده

بريماكس !!

جزاك الله خير

مشجع من كوكب آخر · #3 01/04/2008, 06:44 AM

إقتباس

الرسالة الأصلية كتبت بواسطة بريماكس!!


	لو هي ذلولن غاديـه للمعازيـب....كان أرسلوا له كل قصّاص الآثـار الله يسوّد وجهكـم ياهـل العيـب....سود الكفر لامن تقطّع على القـار

... أخوي بريماكس ... موضوعك رائع ، جزاك الله خير ...

بريماكس · #4 03/04/2008, 03:59 AM

إقتباس

الرسالة الأصلية كتبت بواسطة فجر الرياض


	هلا بريماكس!! صراحه مره تحزن الله يرحمهم اجمعين أرخى للدموع زمامها مع هالنشيد << تطبق الدرس ورده بريماكس !! جزاك الله خير

ياهلا باختي فجر ..
الله يعافيك عالمرو الجميل وماقصرتي

اجل تطبيقين الشرح ايه شوفي منهو اللي شارحه لتس بس

>> بدينا بالمنه

واياك ان شاء الله .. الف شكر عالمرور الجميل ورده