|
ليه نتأهل .. ما كفتكم ثمانية المانيا وثلاثية الاوزبك مساكم الله بالخير ،،،، سمعة بلد ... سمعة شعب .. سمعة تاريخ جال وصال في سماء الكرة الاسويه ... من ايام البطولة العربيه وحنا نشوف التخبط والفلسفه من قبل (( السيد )) انجوس .... اللي انتفخ راسه من قبل الاعلام المطبل (( لا تزعجونا منتخب شباب ويبيله وقت وخلوه على راحته )) ... ما زلنا نردد هالاسطوانة ،،،، خليناه .. شفتوا النتيجه !!!!! بعد اليوم اصلا ضاعت هيبة الاخضر ، وما ادري حتى لو عدينا الدور .. في منتخبات قوية يمكن تاكلنا بالخمسه او السته ، اذا استمر الوضع على ما هو عليه،، لو قلنا وصلنا بشق الانفس والدعاء ، طموحنا ايش ؟؟؟ نشارك ونمسك الباب وممكن تجينا ثمانيات مره ثانيه ... فضيحة ومهزله ، بين فتره وفتره يهتز اداء المنتخب ونشوفه ينحر والسبب هالمدربين وفشل الاتحاد السعودي في التقييم والمعالجه ، وينكم ما تسمعون ارآء النقاد ... ولا الشغله مزاجيه ؟؟؟ نبي فريق ينافس على كأس العالم وليس التأهل وش ينقصنا فلوس وفيه ولاعبين وعلى مستوى عالمي فيه .. ينقصنا شخص يخاف على سمعة البلد شخص غيور على المنتخب ... هنيئا لمنتخب مصر بمدرب وطني (( حسن شحادة )) ، قسم بالله منتخب يرفع الراس ، منتخب تخشاه المنتخبات ... حسبي الله ونعم الوكيل ... نقيس الشخص على اداءه يا انجوس شكرا لك (( توكل على الله )) ، يقولون انه تابع مباربات الاهلي في الاسيويه .. طيب ما شفت مستوى وليد عبد ربه ؟؟؟؟ طيب تطلع مهاجم وتنزل لاعب وسط ؟؟؟؟ يا اخي نزل مهاجم وااسحب سعد ورا شوي صانع العاب مساند ؟؟؟ طيب الأظهرة وينها ، اصلا من كأس اسيا والاظهره تعبانه وجى الفوز بدعاء الاهل والاصدقاء ،، انا صراحه ما اخفيكم كنت متحفظ في البداية عليه وقلت خله ياخذ فرصته ، بس خلاص ما نرضى تلعب على كيفك بالمنتخب ... شكرا لك على ما قدمت ... لا تشكيلة صح ولا فيه انسجام وفوضة ومهزلة ... وتسحيب وتسديد وكباري ما قصروا الاوزبك والله ... ما لقوا قدامهم منتخب .. اتوقع لو لعب اولمبي الهلال مع اوزباكستان اليوم يمكن يتعادل ، بس ما ينهزم بثلاثه لسبب واحد لوجود الانسجام (( يتعازمون من ياخذ الكوره في المباراة )) ، وصمة عار سجلت في التاريخ .. كما سجلت 8 المانيا .. التي لا تنسى ... تخيل وصيف بطل اسيا يهزم بثلاثية من اوزباكستان ... وياليت في مستوى او جمل تكتيكيه حتى نشفع له ها الانجوس اللي اغتر وبدا يكابر وهذي بداية الهبوط ، عندك قناعات ما اتوقع انك تغيرها فالرحيل افضل لك ولنا (( عايش على ذكرى كأس اسيا )) ... الحل (( انجوس )) توكل على الله ، وشوفوا لنا مدرب يتعظ من اخطاءه ،،،، اتمنى اتمنى تجيبون مدرب مثل كوزمين (( بكل بساطه شخص يستفيد من اخطاؤه )) نفس هدف العراق ونفس الاسلوب شفته من الاوزبك اليوم ،،، ما قدمت شيء جديد يا انجوس تم تنبيهك وتم انتقادك لتتعرف على الاسباب وتعالجها ولكن للاسف ،،، يا زين تشجيع الهلال بس النادي الملكي الزعيم s13ss13s فيه ناس غيوره عليه ... اما المنتخب (( يبون يوصلون وينافسون بدور الاربعه بكأس العالم )) انت اللحين تأهل واشتغل باخلاص واجتهد ونشوف .... بالتوفيق للزعماء s13s |
لاتذكرني بالثمانيه أحس بصداع اذا سمعت بالثمانية أنشالله يقل العدد في البطولات الجاية |
هههههههههه الله يــررجك والله نفــس كلامي انا اقوول مو لازم كأس عالم بطلنا خلاص |
لو دخل علينا ثمانيه ولا عشره ... باذن الله راح نتأهل يعني ما ادري عنكم .. فريق كرة قدم ماتبون تدخل عليه اقوال ...؟؟؟؟ ياخي رح حط لك موضوع (( اطلب فيه انهم يحذفون مرمى المنتخب السعودي )) وريح نفسك عشان ماتدخل علينا اقول ونقعد فرحانين طول الوقت !!!!!!!!!!!!!!! والله لو يدخل على المنتخب 20 قول ... مشجعهم مشجعهم ان شاء الله الى اخر مباراه في التصفيات واذا موعاجبك منتخبنا ... رح شجع تايلند ولا فيتنام ... ولا اقول لك : شجع فرق عربيه احسن .. |
^^^^^^^^^^^^^^^^^^^^^^^^^^^^^^^^^^^^^^^6 ليت الكل مثلك حكيم ومشكووووووووووووووووووووووور يا o3z |
إقتباس:
ههههههههههههههههههههههههههههههه طيب لا يضرب فيك عرق ،، بس انت طموحك صغير مثلك تبي تتاهل بس ، هذا طموحك الشكوه لله ما اقدر اغير فيه شيء .. وذا عندك رد على الموضوع بكلام منطقي تفضل ، واذا ما عندك رح شف موضوع ثاني :d |
إقتباس:
شكله معجبتك الثمانية لازم فيه انتقاد صريح وموفيد |
لا ماكفتنا نبي نرد الدين ع الازوبك ان شاء الله ,, al-rssam-20 |
يا خي اذا كنت انت انهزامي ومنت مقتنع في منتخب بلدك لا تشجعه رح شف لك منتخب ثاني شجعه وانصحك بدول افريقيا تراهم يعجبونك في الكوره مسويين هوايل ويعطونك الجنسيه على طول نصيحه لا عاد تكتب تراك من جنبها |
إقتباس:
تسلم اخوي على كلام الرجال وخل عنك الناس اللي بس يكتب موضوع عشان يلاقي ردود وينبسط |
والله ياخي اي مدرب بتجيبه للمنتخب السعودي هو المنتخب المدرب ماله ذنب ابداً العله بالاعبين انفسهم تحياتي واشواقي |
اجل اخوي كل ماانهزم فريق بنتيجة كبيرة مايبونه يتأهل؟؟ مشجعه... مشجعه...مشجعه |
المدرب اخطاء لة كثيرة وليد عبدربة كم مباراة يخسر الاهلي وحسن معاذ من مدة لم يلعب واحمد موسي الفترة الاخيرة مع الوحدة يلعب هجوم وتلاعبة وسط ايمن حتى لو كان فى اسيا تالق بس لة مدة اصابة ويلعب هجوم واليوم لم يتالق ولم يؤدى واجبة الدفاعى والهجومى ومالك لم يقدم شي واصابة ياسر اضاعة الفريق واوزبكستان اهدافة غلط من تيسير الحارس وغلطة عطيف وضربة جزاء من عبدربة والكور العرضية لايوجد حل لها والمدرب بعد اسيا ومباراة غانا تحديدا اضاع المنتخب ومنتخب بدون مباراة ودية والمنتخب باذن اللة بقيادة الامير سلطان والامير نواف علي ارجاع المنتخب لمستواة ومناقشة هذا المدرب على الاخطاء الكثيرة وخسرنا باخطائنا وليس بلعب اوزبكستان واصابة ياسر كشفت ضعف المدرب لان المنتخب بدون ياسر افتقد نص قوتة وباذن اللة فترة المباريات القادمة تصحيح الاخطاء وخاصة الدفاع المستهلك |
إقتباس:
خالد ابن السمرا.... ، عبدالرحمن العودة (( وجهة نظرك واحترمها )) شاكر مرورك جرحي هلالي ... الاختلاف في الرأي لا يفسد للود قضية :) شاكر مرورك بالتوفيق لكم يا زعماء s13s |
| الوقت المعتمد في المنتدى بتوقيت جرينتش +3.
الوقت الان » 01:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd