نادي الهلال السعودي - شبكة الزعيم - الموقع الرسمي

هذه لعبه شعبيه كانت ولازالت تمارس في منطقه نجد وهي مشهوره
ولها روادها سواء من كبار السن أو صغارهم

اللعبه هذي أهم شرط فيها أنها تكون في الليل ألنهار مايصلح
وهي يتجمع أكثر من شخص أحسن شي 10 ومافوق

ويكون فيه شخص واحد معه العظم , ويرميه في أي أتجاه كان والباقين مغمضين عيونهم ولا يشوفون أي شي .

وبعد هذا يقول اللي معه العظم وهو يرميه ( عظيم لاح .. وين سرى وين راح )

وبعدها يروحون المجموعه الباقيه يدورونه ليييييييييين يلقونه

ومن يلقاه يقول ( ساري بالغداري )

ويركض لين يوصل عند الشخص اللي رماه وبعدها يصير هو اللي يرمي العظم
وتبدا اللعبه من جديد وهكذا

هذه مقدمه للحديث عن عظمنا أو رئيس النادي

فمن يحاول منكم أن يجده ويشنف أذاننا بمقوله ( ساري بالغداري :D)

سعود بن تركي شاب في مقتبل العمر , حرام عليه يرفع ظغطه ويعذب نفسه, من جراء متابعته للفريق , وبعدين سعود المفروض أنه ياخذ له قسط من الراحه بعد المجهود الخرافي اللي بذله خصوصاً بعد البطوله العربيه اللي أقيمت بتونس ... !!!

OOO المصيبيح OOO

رساله من القلب الى اللاعب الخلوق سابقاً والإداري الرائع فهد المصيبيح

لاتصدق يابو محمد في الكلام اللي تسمعه ترى كل الكلام اللي يقولونه الجماهير عنك ماهو إلا رده فعل طبيعيه جراء البطولات التي حصدها الزعيم هذا الموسم وجراء توقيع عقود اللاعبين أمثال ( فيصل أبو أثنين ( لوه لاعب أمس والله مايوطوط كيتا ) , وخميس العويران .

ثق يابو محمد أنك تسير في طريق صحيح وهذا الطريق لن يؤدي بك الا الى الهاويه ( أقصد هاويه البطولات )

ولا تنسى أنك ماخذت ألا كرت أصفر واحد في حياتك الرياضيه وعلى شان أنك تحركت من الحيطه , وهذا أن دل على شي فهو يدل على أنك شخص مثالي ومتزن وعاقل وتشرب حليب وتنام بدري ولكن من يقدر كل هالأشياء .

على فكره فيه معلومه من عالم يقول فيها ( الحليب المبستر يضر بالصحه , أحسن حليب هو حليب الأم ) بس الواحد ينفطم وعمره سنتين , وشلون تلقى أم ترضع ولدها أذا صار عمره 18 سنه مثل أبو شلهوب

OOO رساله الى جمهور الزعيم OOO

خفوا شوي على ريسكم لاتصيرون غثيثيين , وبعدين هذا جزاه يومن أنه في كل مباراه وفي كل بطوله يكون أول الحاضرين , ويوم خسر الهلال من فريق ( الدرعيه !!!! ) شنيتوا عليه هذي الحمله الشرسه , صحيح انكم جمهور مايقبل إلا بالمركز الأول ... لكن من يقدر !!!!!!!