الحظ وماتورانا قهرا الزعيم
 

ياااااااااااه وش هاليله

الله لا يعيدها ,,

المهم هذا حال الكوره يوم فايز ويوم مهزوم لكن اللي مضايقني هذا المدرب اللي ذبحنا اليوم أولاً بتشكيلته الغريبه .
وثانياً بتغييراته اللي أعطتنا الانطباع الكامل عنه

بالله لاحظو خط الوسط ( توليو - القحطاني - المسعري - الثنيان ) ليه هو بيلعب مع البرازيل ولا ايش.
يعني أصبح الهلال حسابياً يلعب بـ 7 مدافعين و 1 وسط و2 مهاجمين .

والله اني كنت واثق من الفوز بعد الشوط الاول حتى والنصر متقدم وقلت الحين يطلع المسعري وينزل الشلهوب ويستلمهم ابو يعقوب من اليمين والشلهوب من اليسار وقلت النتيجه 4-2 هلاليه .
لكن والله ما صدقت انه طلع أفضل لاعب في الفريق ونزل الشلهوب وعلى طول أيقنت بالهزيمه

لا حد يقول لياقته ما تساعده أو اي شئ غير دلاخة هالمدرب .
لاعب مثل الثنيان والله ما أطلعه لو يوقف واقف في الملعب ولا حركه لانه من كوره واحده يسبب هدف والا الفاولات خلها بس لابو يعقوب وهو يوريك .
أأأأأه ياقهري منك يا ماتورانا . حتى الشلهوب لما نزل كان ضايع ولاهو عارف وين يلعب .
المهم اللي راح راح والشاطر يستفيد من أخطائه واحنا كفانا قهر وامامنا بطوله هامه والمدرب لازم يوجه والا اذا ماهو راضي يسمع يبلط البحر والثنيان ولا سامي بيدربون أحسن منه .

الشئ الوحيد اللي يطمني شخصياً اني اذا أتفائل بهزيمة الهلال اذا كان مقبل على بطوله خارجيه وخسر آخر مباراة محليه .
والسبب انه قبل يشارك في كأس آسيا اللي في العين هزم الاهلي بخمسه في افتتاح بطولة كأس المؤسس وراح العين وخسر البطوله , وقبل يروح طهران هزم الرياض بخمسه على ما اعتقد ( المهمانها بنتيجه كبيره ورجع من طهران بفضيحه , وأخيراً قبل البطوله العربيه الاخيره هزم الانصار بأربعه وراح تونس ورجع زي ما راح
لذلك انا متفائل بهالهزيمه .[COLOR=blue]



آخر المقال

* الى متى يبقى المسعري والقحطاني ؟؟؟؟؟؟؟؟؟

* بعدي يابو يعقوب والله لو يلفو الكون ما يجيبون مثلك .

* أعضاء الهلال الحين احتاجكم الهلال أكثر من قبل المباراة .

* شكراً من الاعماق لحسن العلي الهداف الخطير

هلا بك اخوي الشلال الازرق وما عليه خيرها في غيرها


والقادم احلا ان شاء الله .


ولك خالص تحياتي ,,,