برافو لاتسيو .. برافو ديلليو روسي .. كولااروف .. بانديف .. بيهرامي ..
اعجبني ديلليو روسي بشجاعته .. لعب بـ ثلاثة مهاجمين .. بيانكي / روكي / بانديف ..
خلى بيانكي كـ راس حربة ثابت يشغل المدافعين السناتر .. واشغل الاظهرة بتحركات
البثر بانديف من اليمين وروكي من اليسار واحيانا كــ صانع لعب ..
اعجبني كيف التقاطع بالعب وتغيير المراكز وتغيّر الرسم التكتيكي في حاله الهجمة لروما
من 4/3/3 الى 4/5/1 ببقاء بيانكي لحاله في الهجوم ..
كولاروف رائع ذا الولد وقسم ..
ابدع .. عرّض كورة الهدف الاول وتسبب بعرضيته الثانية بالبلنتي اللي جاء منه القول الثاني ..
ظهير عنده امكانيات جيّده جداً يبيله يستمر بس ..
لاتسيو ابداً مايستحق الخسارة ..
وحتى الفريق متأخر بالهدف الاول بخد ..
تادي
الا انه مااستسلم وانهى الشوط بسيطرة وبهدف تعادل بوقت حلووو ..
في الشوط الثاني ..
ابداً .. الفريق بعد تسجيله الهدف الثاني ماتراجع .. حتى سجّل بيروتا التعادل ..
غيّر ديلليو روسي جهه بيهرامي للظهير الايمن وطلّع دي سلفستري ونزّل موتاريللي ..
بالجهه اليمين وهي اللي كان فيها بيهرامي الشوط الاول كاامل وجزء من الشوط الثاني ..
ومع ذا التغيير استغل بيهرامي عرضيه بعد تباطئ غريييييب من دفاع روما وخصوصا ً جوان
حطها من ( كرة شبة ميته ) .. او خل نقوول كرة مالها صاحب
نتيجه التباطىء والفهاوة من الدفاع والحارس ..
.. في سقف الباب كـ هدف ثالث مستحق لـ لاتسيو ..
وانفجر الالومبيكو وقلب سماااوي ..
مبروك لاتسيـو الشجاع .. وهارد لك رومـا ..
.. - ..
نتيجة الانتر وجنوى اشوفها منطقيّة ..
طرد ( بيلي ) من الشوط الاول من الدقيقة 39 واكمال المتش بـ عشر لاعبين ..
قدر الفريق بغياب المستوى .. ان يحافظ على هدف سوازو لـ قبل النهاية بــ ست دقايق ..
بعدها جاء هدف بورييللو التعادل ..
الوقت الحالي اللــّي نعيشه بالكالتشيو .. هي اسابيع الحصاد .. الفريق غير مطالب بمستوى
كثر ما هو مطالب بـ النقاط والفوز اسبووع بعد اسبووع .. وحتى والفريق يعيش حالة من عدم الاتزان
نشوفه مايخسر مبارايات وهذا المطلوب في الفريق الباحث عن بطولة ..
نتيجة جيّده خصوصا بعد هديّة اللاتسياليّة ..
.. - ..
الجولة غريبه ونتائج المباريات اغرب .. !
امبولي يخرج بتعادل ضد اليوفي بنتيجة سلبيّة .. سمبادوريا يخطف فووز ضد الميلن بالسان
روما يخسر .. والفيولا منافس ميلن عـ الرابع حرمه نابولي من الانفراد بفارق كبير
وبقاء الفرق بين ميلن والفيولا اربع نقاط بس ..
اكثر المستفيدين من ذا الجولة ..
السامب .. واودنيزي بالمركز السادس والسابع بفرق نقطة عن ميلن الخامس ..
والانتر وسّـع الفارق الى سبع نقاط بالصدارة ..
كالتشيو مشعلل ..
مبرووك للفرق الفائزة .. وهارد لك للخاسرين