إقتباس الرسالة الأصلية كتبت بواسطة Hilali88 هلا بأديبنا ماجدونا استمتعت كثيراً بقراءة الموضوع موقفك مع الأمريكي صار مثله مع أخوي وشافني وأنا أضحك وزعل علي يعطيك العافية

يا الله

علي نزل قصة

كل الناس ينزلون قصص

//
\\
//

رحلة موفقه

بس ما علمتنا

تعشيتوا سوا سوا

ولا لحالوا لحالو



لو تعيشتوا سوا سوا

عسى ما كنتوا قراوهـ وقمزتوا لماك اللي قدامه ؟

والله يا معرض الكتاب من زمان وانا ودي أزوره بس ما حصل

كل ما شفت موضوع عنه بالانترنت قلت إن شاء الله نزوره بس ما حولك أحد

عاد من عرفت النت صارت قرايتي قليلة يمكن لأني أشوف إنه النت يعوضك ولو شوي عن القراءة

لكن إن شاء الله أزوره السنة الجاية بس قلهم يسوون إعلانات عشان أستعد

أما إسمك بالياباني والله شغلة

ياخي هاليابانيين أفكر بعض الأحيان وأقول شكل ما عندهم خط رقعة أبد والكلمة تاخذ منك ربع ساعة

ياخي ليتك قايله أتحداك تكتب اسمي بثلاث ثواني أبعرف هم يكتبون بسرعة مثل لعبهم ولا لا

إقتباس في أحد جوانب المعرض وجدنا قسم للثقافة الأمريكية عاد أنا من الناس اللي يسمعون بالثقافة الأمريكية فدخلت هذا القسم واستقبلنا رجل شكله أمريكي المهم حسيت إني توهقت فقلت له أبي كتاب يتحدث عن أبراهام لنكون طبعاً قلتها بلغة انجليزية مكركبة !! ابو الشباب رح دور مالقى ورجع يبربر وانا مدري وش يقول !! في تلك للحظة طلبت من ابو طلال يفزع لي لكن للأسف ابو طلو فاقع ضحك !! وانا ما غير اقول : اوكي اوكي اوكي آخر شي خربتها وقلت له : ذي (س) بوك فينش عاد هو استانس على الجمله هذي وبغى يخمني من الفرحة وطلعنا من عنده الى غير رجعة !!

وش هالخيانة يابو مقبل

متفقين إني أنا وياك ما نعرف إنجلش بآخر شي تعرف ( ذيس بوك فينش ) ولا تعلمن

بس نصيييييييحة لوجه الله إذا قابلت واحد يتكلم إنجليزي لا تقوله غير ( نو سبيك انجلش )

لأنك لو تفلسفت بيمسك بك خط وبتضطر تقول يس يس اوكي اوكي نايس نايس <<< تذكر يوم تطوروا شوي وراحوا لمطعم فخم



شكرا على الموضوع الرائع يا المشهور

وعليكم السلام ورحمة الله وبركاته
الله حيي أبو مقبل عمت مساءاً ياحلوو <<

..

إقتباس 2) أن ابا طلال لم ينوي زيارة المعرض الا متأخرا .

اييه بعذره الكتب اللي تخص المناصب مالقاها بجرير
وراح يدورها بمعرض الكتاب

إقتباس وبحكم أني وأبو طلال أعضاء في شبكة الزعيم ونحن في المجلس العام عائلة واحدة كبيرة فقد دخلنا المعرض ... ومن وجد الحيلة فليحتل ,’,’,’,

بخخخخخخخخخخخخخـ كفوو شغل ذيابة أكيد بخششتوا الأمن << يرقع لكم




كل ذا اسمك وإلا كاتب معه شي ثاني

إقتباس ,’,’,’,’,’,’,’,’ المؤلف الشاب ’,’,’,’,’,’,’,’

ماشاء الله طموح هالشاب وعناوين الكتب تجذب الواحد
بصراحه شي طيب نشوف شبابنا فعالين بالمعرض
ولهم تواجد يعكس التواجد الأجنبي المسيطر عالمعرض

إقتباس ,’,’,’,’,’,’,’,’ المؤلفة الصغيرة ’,’,’,’,’,’,’,’

ماشاء الله تبارك الله الله يحفظها ويخليها لأهلها
تعجبك هالبنت باين إنها ثقيله وماتعطي أحد وجه
وفوق هذا طمووحه وهي مازالت صغيره بالسن الله لايضرها ورده

..

شكراً أبا مقبل على هالتغطية وهالرحلة المكوكية اللي اخذتنا بها لمعرض الكتاب
ومازال هناك سؤال يحيرني ويضغط على دمجتي ألا وهو .. وشلون قدرتوا تدخلون المعرض ؟؟
بدأ الشك يحوم حول رااسي حتى إني شكيت بأخلاقكم بخخخخخخخخخخخخخخ امزح ترى

موضوع رااائع ابومقبل وعساك عالقوةورده
ومنتظرين أبوطلال يجي يكمل الباقي ورده

ماشاء الله عليك انت وابو طلال والله انا ناوي اروح اول مافتح كان بيروح معي واحد من الاقارب لكن سافر وانا ماتحمست اروح لكن ندمت خصوصاً يوم شفت هالتقرير الرائع منك ..
كانك شريت الكتابين ( عظماء بلا مدارس , ايتام غيروا مجرى التاريخ ) فاعتبرهن محجوزات لأخيّك محمد طبعاً بعد مايقراهن كلاسيكو
هالبنية اللي انت حاط صورتها ذي مؤلفة ولا مشخبطة !!
مدري هي ترسم ولا النوم كابس العالي عندي
يعطيك العافية ماجدونا << انا اول من قالها بالمنتدى وصار اسم لك
ولا يهون ابو طلال المعزز معك

وعليكم السلام ورحمه من الله وبركاته
ياهـلا وغـلا أبومقبل ..والله مانت سهل يابومقبل
شلون دخلتم واليـوم كان مخصص للعوائـل
ما الحيله ابي أستخدمها في أقرب سوق

إقتباس وإذا بشاب وسيم ينظر إلى بدهشة ويقول أنت ماجد مقبل ؟

وش سالفه الصدف هاليـومين معك ومع كلاسيكي
بس يحق لك بصراحه لأن روعه شخصك وأخلاقك تسبق روعه قلمك
والشهره هالأيام لها ضريبه وانتبه لا تلتفت للأعلام < سلامات

إقتباس

ماشاء الله تبارك الرحمن عيني عليها بارده

ماشاء الله عليكم جوله رائعه وأهـم شي استفدتوا
ألف شكر ابومقبل ع الطرح المميز كعادتك وتقبل مروري ورده

إقتباس السلام عليكم ورحمة الله وبركاته ,,,

وعليكم السلام ورحمة الله وبركاته .. أهلا وسهلاً بأديبنا من جديد ..
موضوع جديد مميز من عضوين ننتظر المبدع الآخر لعلنا نجد عنده إضافة لموضوع
يبدولي أنه متكامل ولكن أبو طلال لديه إضافة ننتظرها على أحر من الجمر ..
فشكراً لماجد وشكراً مقدماً لأبا طلال ..
" ندخل ونفصفص الموضوع "

إقتباس الإهداء ورده إلى إيزابيلا بونابرت التي عرفتها طفلاً .. وصادقتها شاباً .. وأحببتها كهلاً .. وسأتزوجها قريباً !!!

اسمها صعب بس من الإسم أعتقد أنها جميلة ومحسوده من الصبايا لإختيار أبو مقبل لها << مصدق ..
بس تصدق أول مرة أشوف ذا الإسم ..

إقتباس الرياض الفاتنة .. يحضنها الغبار من كل الاتجاهات .. ويلفها الصمت المريع .. الذي تقتله للحظات .. زقزقة العصافير .. وحفيف الأشجار ..

أحسن .. وش ذا الكلام أبي أعرف كيف ركبتها حتى خرجت لنا بالشكل الجميل

إقتباس ) اني لم أقرا حتى الآن الكتب التي اشتريتها العام الماضي من المعرض ! 2) أن ابا طلال لم ينوي زيارة المعرض الا متأخرا .

هههه هذا وأبو طلال مزعجنا ومنزل موضوع ( لو ) ويقول بأنه ينتظر معرض الكتاب كل سنه
وآخرتها مايروح الا آخر يوم .. أبو طلال خذ هذا وعجل علينا بالباقي ..



صدفه جميله أنكـ تلتقي بأحد الأعضاء بألصدفه عاد وشلون لو تلقى ( أبو مقبل ) و ( أبو طلو )
كانك جالس بالمجلس العام ..

إقتباس ,’,’,’,’,’,’,’,’ المؤلفة الصغيرة ’,’,’,’,’,’,’,’

الله يحفظهات ويكثر من أمثالها ..

إقتباس إلى هنا أقف معتذراً عن الاطالة واتمنى من ابو طلال ان يكمل المشوار شكراً لكم احبتي ورده ودمتم بحفظ الله ورعايته ,,,

شكراً لكـ ( ماجد مقبل ) على هذه الجولة وننتظر أبو طلال ..
ورده

إقتباس إلى إيزابيلا بونابرت التي عرفتها طفلاً .. وصادقتها شاباً .. وأحببتها كهلاً .. وسأتزوجها قريباً !!! اهدي هذه المغامرة ,’,’,’

إقتباس الرياض الفاتنة .. يحضنها الغبار من كل الاتجاهات .. ويلفها الصمت المريع

إقتباس الذي تقتله للحظات .. زقزقة العصافير .. وحفيف الأشجار ..

إقتباس ونحن نتجول في انحاء المعرض وجدنا احد المؤلفين الشباب يوقع على كتبه حقيقة كان له كتابان ومن نظرة اولى اعجبنا بالكتابين وهما : 1- عظماء بلامدارس 2- أيتام غيروا مجرى التاريخ

وصلت هنا
وبروح اصيح

انا ادور هالكتابيييين
ووين كااان
كيف ماشفته

شكراً أديب ..

ألا توافقني بأن المعرض هذه السنة لم يشبع ( لهفة ) المحب للكتاب ؟!
في الحقيقة فاجأني مستوى المعرض رغم محاولة إكماله بجميع الطرق المتاحة ، في الوقت الذي كان يكفي فيه إضافة بعض العناوين .