|
اللي حضر المباراة يدخل (ملاحظات على رابطة الجمهور) السلام عليكم مساء الخير يا زعماء طبعا الف مبروك البطولة عقبال فيصل والدوري وكأس الملك طبعا الموضوع جاي متاخر لكن بعد المباريات يكون فيه زحمة شوي فحبيت ااخره نخش في الموضوع احسن الاخ حقوي : اللي حضر المباراة يقدر يشوف الفرق بين حقوي وحق الاتفاق طبعا انا حضرت مباراة الاهلي والاتفاق بالدمام هذا حق الاتفاق - ما اعرف اسمه - يرج الملعب رج ومن اول المباراة الين ما انتهت المهم قلت اذا اجا استاد الملك فهد ما رح يسوي شي والاستاد كبير وحقوي موجود لكن تفاجأت انه صار العكس صار حق الاتفاق هو اللي يهز الملعب وصوته واصل لاخر مشجع والاخ حقوي بالكاد تسمع صوته حتى ان احيانا لما يقول حقوي ( حبيبكم مين ) تقول الجماهير اللي عنده ( هلال ) فالجماهير اللي مقابله للمنصة تسمع صوت الجماهير فتردد بشكل غير منضم ولا تسمع صوت حقوي وحق الاتفاق وهو يقول الاهازيج اللي اصلا كانت للهلال نسمعه بكل وضوووح طبعا ايش كان موقفنا صرنا نردد مع حق الاتفاق ونغطي على صوت الاتفاقيين اللي اصلا هم قليل بالعربي حق الاتفاق صار يشتغل عندنا المهم اللي ابي اوصل له اللي يعرف حقوي شخصيا او دايم يقابله بالملعب يقوله الكلام هذا يمكن المشكلة بالسماعات ( ما اتوقع انها بصوته ) ثانيا يقوله لا يردد اغاني يحاول ان يردد الاهازيج المعروفه للنادي علشان تردد معه الجماهير ولا تنسون انا بنقابل الاتحاد وهم من النوع اللي ما يسكت ابد في الملعب لذلك ضروري يشوف لنا حقوي حل...:upset: اتمنى اني وصلت المعلومة و اسف على التطويل ودمتم زعماء وشكرا أخــــوكم / رومـــيو العـــرب |
مالي الا ادعي في صلاة الفجر انه يسوي اللي في بالي او ان احد يبلغه |
لا يالحبيب ... أنا حضرت وكان حقوي راج الملعب رج .. فما أدري وين الخلل ... >>>>>> يمدحون مستفشى الأنف والإذن والحنجرة :D |
انا معك اخوي بكل ماقلته ياخي الخلل في السماعات فقط لا غير............. |
اخوي حتى انا ملاحظ الشيء هذا مع الاخ ابراهيم حقوي هو مشكلته انه قبل تبدا المباراة بثلاث ساعات يسوي بروفة ويتعب الجماهير معه ويحصل ملل واذا جائت المباراة وجدت الجمهور نايم هذه وجهة نظر والسلام |
إقتباس:
يمكن انت قريب من حقوي لكن اللي بالجهة المقابلة صدقني ما نسمع شي واكثر من واحد تذمر والدليل اننا نردد مع الاتفاق ولا نردد مع حقوي مشكور على المرور |
والله كلامك سليم حتى انا كنت حاضر وكنا نردد ورا حق الاتفاق ونغطي على جمهورهم وحقوي من جد ماله حسه ومرات يقعد يقول اهازيج ماندري وش نردد ومثل ماقال اخوي الذيب ان حقوي يهلكنا قبل المباراه واذا جت المباراه نتعب وهو بعد يتعب علشان كذا يقولون جمهور الهلال ماله حسه والله جمهور الهلال قبل المباراه افضل جمهور لكن بقوت المباراه يعم عليه السكوت ومن احد الاسباب هي ان الرابطه ماحطوها بالدرجه الاولي ( الواجهه) تحياتي |
والله ياأخوي معك حق ياخي جمهور الهلال كثير وانا والله ماأكذب عليك واقولك اني حضرت مبارات اصلا ولا عمري حضرت مبارات وحده واتمنى اني احضر واساند فريقي واللي صاير ان كلامك صحيح واصلا اذا غنى الحقوي مايرد وراه الى قليييييييييل ياخي شوفو جمهور الاهلي شوفو جمهور الاتحاد الجمهور كله يردد يعني ارجو من اللي يروح الملعب يرد ورا الحقوي ولا لايروح ويتعب نفسه تكفووووووووون رددوووووو معه ابي لو مره في حياتي اشوف جمهور الهلال متحمس وصوته قويييييييييي |
إقتباس:
صح كلامك السبب من البث art والله حقوي راج الملع رج وانا كنت اول الحاضرين من اهل الاحساء وجالس جنب الرابطه تحياتي |
إقتباس:
لاغلطان إلي راج الملعب إلى نهاية المباراة حق الإتفاق |
انا حاضر الملعب وكنت بالواجهة ولا سمعت شيء... وتوقعته ما حضر المباراه |
إقتباس:
كنت بأكتب نفس الموضوع من جد تخيلوا ان رابطة الهلال والاتفاق جنب بعض يعني كلهم قدامي بنفس المسافة ويمكن رابطة الاتفاق ابعد شوي من رابطة الهلال بالنسبة لي لكن والله العظيم ان رابطة الاتفاق الصوت عالي جداً يوصل لنا ويزود بعد اما حقوي ما يسمعه الا اللي جنبه بس واكبر دليل تفاعل الجمهور مع رابطة الاتفاق وخصوصاً اذا قال ( بتحبوا مين) نسمعه واضح ونقول (هلال) اما حقوي اذا قاله (بتحبوا مين ) ما نسمع شئ حتى اننا ما نستوعب ان حقوي قالها الا اذا رددوا الجماهير اللي جنبه ()()() اتمنى ثم اتمنى واضم صوتي لصوت اهوي روميو العرب انه لازم نشوف لنا حل لهذه المشكلة ()()() والمشكلة في الأخير يطالبون الجماهير بالحظور بالله اشلون نحظر وما فيه اي تفاعل او تحميس من قبل الرابطة |
إقتباس:
انا ما اتكلم عن نقل صوت الجماهير اتكلم عن اللي داخل الملعب ثانيا انت جنب الرابطة اكيد بتسمع لكن اللي مقابل المنصة ويشلون يسمع؟؟ كلموا حقوي تكفون يغير سماعاته ولا يشوف له حل وقولوا له لا يردد اغاني نبي اهازيج بسيطة وسهلة ومعروفة لدى الجماهير وشاكر مرورك |
حقيقة الجماهير ماقصروا بس الحقوي لي بعض العتب عليه لانه ماسمعنا صوته كل المباراة |
إقتباس:
اهم شي صوتنا يصل للاخ حقوي شاكر مرورك ................. |
ياجماعه الخير اخذ المووضع اكبر من حجمه الرابطه ماتقدر تجلس بالواجهه بعد التوصيات من الرئيس العام لرعاية الشباب االروابط جنب المنصه . وبعدين موب كل الشغل على الاخ ابوخليل مايكات وتوزيع اعلام وكل شي على راسه العمل جماعه ليش شغل فردي فاتمنى انتقاد مجلس الجمهور موب ابوخليل |
إقتباس:
السؤال البسيط : ليش صوت رابطة الاتفاق يوصلنا وصوت رابطة الهلال ما يوصل ؟ اتمنى الاجابة تكون ابســـط |
إقتباس:
اهلن اهلن خيو هذي قلتها قبل كذا الف مره وبامكانك ترجع لمشاركاتي الاوله تعبت اقوووووووول الجمهور هنا مايتفاعل الا مع حبيبكم مين واشياء بسيطه مو اغاني وليلى ومدري ايش!!!! المشكله في المباراة اللي قبلها كان صوته اعلى مدري عشان الملعب فاضي والا فيه مشكله مع انه دايم هالمشكله تصير صدقني انه يغني لحاله اتمنى يوصل كلامنا له ويفهمه مو يقراه ويحقد علينا!!! تهمنا مصلحة الهلال مو مصلحة شخص اوغيره:) |
إقتباس:
ومتذمرين يمكن السماعات كان بها مشكله شاكر مرورك |
إقتباس:
وشاكر مرورك ........................ |
هههههههههههههه انا يوم سمعت رؤوف بن خليف خليتها اهم شي رؤوف |
يا شباب بكل اختصار المشكله هي ان الاخ حقوي يردد اغاني ومواويل لذالك الجماهير ما تردد معه تعبنا واحنا نقول ياحقوي اذا تبي الملعب يهتز من صوت الجماهير ردد الاهازيج المشهوره للهلال عشان ترد معك الجماهير جميع مباريات الهلال اللي بالرياض احضرها وكل يوم تسمع في المدرج نفس الكلام ... ليه حقوي مايقول ياهلال عزك عزنا...حقوي وش قاعد يقول... الاخ ينافس محمد عبده في الموالات ...ومن هالقبيل يعني الجمهور في الرياض يتذمر من حقوي لانه مايردد الاهازيج اللي كل الجماهير حافظتها لا ويغثنا كل يوم بأغنيه جديده ويبينا نردد وراه !!! يخوك الملعب حق 70 الف متفرج تبيهم يسمعون كلامك بصوت واضح ويرددون !! |
اهلا اخوي بصراحه انا كنت جالس خلف الباب .. والرابطه كانت كويسه ورجو الملعب رج صراحه .. لكن ممكن الصوت مايوصلكم هذا شيء اني .. لكن الاهم هو ان الاعبين يسمعون .. بعدين اصلا القهر ان التعميم ان تكون الرابطه يمين المنصه ليس بالواجهه وربي لو كانت بالواجهه كان احسن |
إقتباس:
لازلت اكرر السؤال البسيط : ليش صوت رابطة الاتفاق يوصلنا بوضوح وصوت رابطة الهلال ما يوصل ؟ اتمنى الاجابة تكون ابســـط وشاكر مرورك |
تم توصيل الملاحظات للمُبدع إبرآهيم حقوي .. تقبل تحيتي .. |
والله ما أدري وراك ما سمعت .. لكن أنا كنت مع جنب الرابطة والصوت واااااااضح ,, لكني تمنيته يسوي مثل مباراة الشباب (الاياب).. كان قاعد في الواجهة وأنا كنت (مكان الممتازة) والصوت كان أكثر من واضح حتى أنا يوم كنت برا الاستاد تفاجأت بالصوت .. لكن في النهائي مدري وراه ما سوى نفس الحركة (أو نفس توزيع السماعات) ؟؟ لو إنه مسويها كان شفت الجمهور خطييييييييييييييير ,, لكننا بصراحة ما قصرنا _يمدح نفسه :P _ يعني طووول المباراة واقفين ونشجع وما جلسنا أبد ..حتى آخر المباراة جاني شد عضلي :D (تراني أقصد الللي عند الرابطة) ,, |
السبب صوت الطبول إلي عند حقوي ولأنه في وسط الرابطه يعني تشويش على الصوت ولايصل |
انا حاضر في الملعب وجالس في الجهة المقابلة للمنصه وصوت رابطة الأتفاق اوضح بكثير من رابطتنا وحقوي ماقصر لكن تعال اقولك ليش مو واضح صوت حقوي لإن سماعات رابطة الأتفاق موجهه للملعب ويجيك الصوت واضح وقوي اما رابطة الهلال موجهه للجمهور الي عند الرابطة ومايصل الصوت للجهة المقابلة للمنصة بشكل واضح اتمنى إني افدتك |
اخوي انا اتوقع ان المشكله في السماعات سماعات الاتفاق اقوي |
ياشيخ حنا في الواجهه مانسمع حقوي واذا قال رابطة الاتفاق ياتي عزك عزنا نقول ياهلااااااااال قهرناه وصار يغني عقب ولاعاد يقول اهازيج عادية |
السلام عليكم ورحمة الله وبركآته .. بدايةً ,, مايكآت أبو خليل مآعليهآ كلآم !! لكن على مآأعتقد وكمآ ذكرَ أحد الأعضآء بأن المايكآت يتم توجيه بعضهآ ع الجمهوٍر والبعض الآخر جهة الملعب والمدرجآت المقآبة للرآبطة !! ممآ يسبب ضُعف بسيط في الصوٍت .. فقط للي جآلسين في الوآجهة !! لكن اللآعبين ومدرج الرآبطة هم الأهم .. فـ نجد الصوٍت لديهم وآضح وَ جميل .. أمآ بالنسبة للي يقوٍل نبغى أهآزيج الهلال المعروٍفة !! ياأخوآن لـ متى وأحنآ بـ نبقى على ياهلال عزكـ عزنآ .. وهلال هوو هوو :d لآزم من التنوٍع في الأهآزيج .. من سآبع المستحيلآت أبو خليل يجلس يدندن علينآ 90 دقيقة على أهزوجتين !! أعتقد أن الرآبطة حالياً مميزة جداً .. وأتمنى مزيد من التقدم :smilie47: |
بصراحه أول مره أحضر لأستاد الملك فهد في مباراة محليه والسبب لأني من سكان جده .... وعندي عدة ملاحظات على رابطتنا العزيزه 1. باين على الرابطه عدم التفاهم والتنسيق فيما بينهم شبه معدوم فتحصل الحقوي أوقات يصيح عليهم . 2.كنت جالس مقابل المنصه ولما اطالع للرابطه تحصل اللي يرقص واللي يرفع الشعار واللي يسولف ...بعكس رابطتي الاتحاد والأهلي عندنا في جده تنظيم صفقه وحده وتفاهم عجيب. 3.بصراحه الحقوي يبي له يردد بعض الأهازيج الحماسيه ويفكنا من الاهازيج اللي تجيب النوم....ولاحظت ان الدرجه الثانيه هي اللي فيها الحماس بعكس الرابطه. 4.المصيبه الكبرى أننا كنا نردد مع رابطة الاتفاق وننطرب مع اهازيجه قبل المباراة بعكس رابطتنا اللي كانت بعيده كل البعد عن أداء الواجب ... |
السلام عليكم ورحمة الله وبركآته .. بدايةً ,, مايكآت أبو خليل مآعليهآ كلآم !! لكن على مآأعتقد وكمآ ذكرَ أحد الأعضآء بأن المايكآت يتم توجيه بعضهآ ع الجمهوٍر والبعض الآخر جهة الملعب والمدرجآت المقآبة للرآبطة !! ممآ يسبب ضُعف بسيط في الصوٍت .. فقط للي جآلسين في الوآجهة !! لكن اللآعبين ومدرج الرآبطة هم الأهم .. فـ نجد الصوٍت لديهم وآضح وَ جميل .. أمآ بالنسبة للي يقوٍل نبغى أهآزيج الهلال المعروٍفة !! ياأخوآن لـ متى وأحنآ بـ نبقى على ياهلال عزكـ عزنآ .. وهلال هوو هوو :d لآزم من التنوٍع في الأهآزيج .. من سآبع المستحيلآت أبو خليل يجلس يدندن علينآ 90 دقيقة على أهزوجتين !! أعتقد أن الرآبطة حالياً مميزة جداً .. وأتمنى مزيد من التقدم :smilie47: =========================== والله انك صادق |
إقتباس:
الله عليكـ النقطتين هذي من زمآن في بآلي .. بس مآني عآرف كيف أقولهآ لـ جمهور الريآض الحبيب :smilie47: !! شىء غريب فعلاً .. 20 مبارآة تقريباً تُقآم في الريآض سنوياً والرآبطة مافيهآ أي تفآهم وتنسيق !! كل وآحد يصفق لـ وحده = تصفيق ملخبط وغير مرتّب !! وكل وآحد يغني لـ وحده .. مآفي لآترتيب ولآتنظيم .. وكأن الرآبطة أول مررة تجي للريآض !! الأخوآن اللي في الرآبطة البعض منهم تفرغ للرقص والبعض الآخر الله يعطيهم العآفية مأدين الوآجب .. لكن 10 أو 20 مآينفعوآ !! يآأخوآن للمرة المليوٍن نقوٍل لكم .. أتمنى اللي يروٍح عند مدرج الرآبطه أنه يشجع والا لآيروٍح هنآك !! إذا بيروٍح يرقص ويسوٍي هبالآت أتمنى يشوفوآ للعيّنة هذي من الأشخآص حل !! أتمنى تعيين شخص أو شخصين ع الأقل من الأخوآن المتعآونين مع الرآبطة .. بالوقوٍف أسفل المدرج وحث الجمهور ع التشجيع الحلوٍ والمميز والبُعد ع الرقص والهبالات !! نبغى صفقة وحدة .. نبغى صوٍت وآحد ....!! فعلاً شىء غريب والله .. أتمنى أخذ النقطتين الموجودة أعلآه بـ عين الإعتبآر .. وأتمنى التركيز عليهآ شخصياً من إبرآهيم حقوي !! : : الشىء الآخر أهل جدة بيفرحوآ كثير لمآ بتنزل عندهم أهآزيج سوآء للإتحآد أو للأهلي .. تحصلهم فرحآنين وفآلين .. وحبآيبنآ أهل الريآض يبغوآ بس ياهلآل عزكـ عزنآ 90 دقيقة !! بعدين النآس اللي تقوٍل نبغى بس كلمة أو كلمتين نرددهآ ...!! يآأخي في كذآ أهزوٍجة تحتآج فقط لـ كلمة أو كلمتين بالكثير ثلآث ,, ومآفي أي تفآعل !! مثلاً عندك : الزعآمة [ هيّآ وحدة ] .. واللي يبيهآ [ والله صعبة ] !! كذآ مرة تنقآل ومآحولكـ أحد ...!! كلمآت بسيطة ومميزة تحمل الكثير من المعآني !! ولكن لاحيآة لمن تنآدي ....... |
والله المشكله في الجمهووور جاين يشوفون المباراه مو جاين يشجعووون انا كنت عند الرااابطه كلهم قاااعدين ويقوولون اقعد عاد انا رديت عليهم قلت الي يبي يشوووف المبااره يرووح الواجه بس ما في احد يفهم وين جمهووور اوووول؟ |
معاك حق انا كنت حاظر وكان صوت رابطة جمهور الاتفاق اقوى من رابطة الهلال |
صدقت حتى حنا كنا نردد مع حق الاتفاق وحقوي ما نسمعه ياليت يزودون المكرفونات ................................... |
إقتباس:
إقتباس:
أخي وعزيزي ابراهيم ما فيه قصور وسبب تأخر العيال اللي مقابل المنصه هو انو الصدى يوصل متآخر الخلل يا عزيزي هو انو الشباب اللي يجلسوون مع ابراهيم تلاقيهم متحمسين الين تبدأ المباراه تصدق انا جيت متأخر لأني كنت في الشرقيه ما لقيت كرسي عند الرابطه سلمت امري وجلست خلف المرمى في الشووط الثاني حشرت نفسي في الممر اللي بجنب الرابطه دردشت شويه مع حماده وقام يدق الطبل حقه شوي الا شباب واحد يسب حماده والثاني يدفه لا تقدير للعمر ولا لخدمة هالانسان للنادي وقامو بقذفه بعبارات عنصريه لم يكن يستحقها بمجرد اني قلت لهم هذي منطقة تشجيع مو تفرجه كاد ان يجن جنونهم حظي شلت جوالي وكلمت الشباب اللي كانوا معي الا كانت بتقوم حربُ ضرووس..عز الله انهم هجدوا..هذولي هم المهايطيه..الله فكنا من حقين النضيم..مدري من وين طلعوا لنا هذولي المفرووض يا ساده يا كراام ان نشجع نادينا بكل حضاره وتكون منطقة الرابطه خاصه للشباب اللي جايين يشجعوون..مو يتفرجوون |
إقتباس:
1000 شكر هذي المشاركات الفعالة اللي نبيها ويعطيك الف عافية |
لو اعرف الحقوووي كان قلت له .. بس مااعرفهـ..!!!! |
إقتباس:
حقوي مجرد عضو من افراد الرابطه موب كل العمل عليه |
اولا الحقوي اهلاوي مو متحمس مع الهلال بعدين لولا جمهور الهلال كان الحين جمهور الاتفاق افضل مننا بس حنا مرجوجين كل ما قال وحبيكم مين نقول هلال من قوت الصوت من ينسمع صوتهم اتمنى يمسك الرابطه واحد غير حقوي في كثير يمسكون المدرجات في الواجهه منهم واحد فمه كبير ودايم متلطم وشاد اللطمه ياليت يكون مكانه ما يحتاج مكبرات ماشاء الله خخخخخخخخخخخخخخخخخخ والله الصراحه ما ويدي يستمر الحقوي |
جمااهير الواجه من زود القهر جالسه ترد وراء حق الاتفااق كل ماا قال تحبو مين قال الجمهور بصوت عالي الهلال حقوي ناايم ومكرفوناته قديمه |
اقول يلبى حق الاتفاق يشجع بقلب بروح بحب لفريقه شوفو ردة فعل العرق الي يصب منه وحنا رابطتنا ماعندك احد قام جمهور الهلال يردد مع الاتفاقي |
إقتباس:
ما تقصر يالغالي فيه شباب وصلوا له الملاحضات شرفنا مرورك |
والله حتى انا يادوب نسمع ياخي حقوي ماش نايم ماعنده اغاني تحمس ماعنده اغاني تخلي الجمهور يردد وراه خلوه يجيب شي جديد واذا ماعنده يدزها فيه غيره كثير |
والله صدقت والله صدقت والله صدقت والله اني ماسمعت صوته اردد مع حق الأتفاق |
انا حاضر في الملعب وجالس في الجهة المقابلة للمنصه وصوت رابطة الأتفاق اوضح بكثير من رابطتنا وحقوي ماقصر لكن تعال اقولك ليش مو واضح صوت حقوي لإن سماعات رابطة الأتفاق موجهه للملعب ويجيك الصوت واضح وقوي اما رابطة الهلال موجهه للجمهور الي عند الرابطة ومايصل الصوت للجهة المقابلة للمنصة بشكل واضح اتمنى إني افدتك |
على العموم درء المفاسد مقدم على جلب المنافع لا أحد يجاكر ويهايط عشان حقوي ما طرح الموضوع هذا إلى لمصلحة الهلال وجماهيره الرجاء إيصال هذه الملاحظه في أسرع وقت لأنه الآن متبقي خمس مباريات في غاية الأهميه ويجب إصلاح ما لوحظ والسلام عليكم |
الا وش رااايكم نجيب حق الاتفاااق s60s <<< ترى من جد أتكلم والصدق ينقاال :d |
نبي الرابطة تكون بنص الملعب وليس بالدرجة الممتازه لأنها تتسع لأكبر عدد من الجمهور وغير كذا الدرجة الممتازة سعرها غالي على بعض الجمهور لذلك أقترح نقلها الى منتصف الملعب لكي يظهر التفاعل بشكل أكبر ويكون التواجد بها أكثر ولكم جزيل الشكر,,, |
. : روميو العرب أشكرك اولا على طرح هذه النقطة الهامه ، والتي تصب في مصلحة نادينا المحبوب الهلال وثانيا ,, بالفعل واجهتني هل مشكلة ولم أسمع صوت رابطة الهلال أبدا الا اذا سكتت رابطة اللإتفاق وأزعجني هل شي ,, وكان الحقوي قبل المبارات متحمس والاصوات حلوه وكل شي .. بس بعد ما بدت المبارات ما عاد سمعت له حس ! وللمعلومية كنت جالس مقابل المنصه وكانت المسافه بالنسبة لي متساويه لرابطتين ولكن صوت رابطة الاتفاق اقوى وكما ذكر الاخوان كنا نعاكس اهازيجهم واتمنى إيجاد الحل لمثل هذي الامور التي تصب اولا في مصلحة النادي وثانيا في مصلحة الجمهور ... وأشكركم تقبلوا تحيتي هلآلي & أنتراوي : . |
صدقت والله انا ما ارد الا مع رابطه الاتفاق هو يغنيلنا الله يجزاه خير^_^ |
إقتباس:
اكيد كلنا ما نتكلم الا لمصلحة الزعيم وشاكر مرورك ....................... |
| الوقت المعتمد في المنتدى بتوقيت جرينتش +3.
الوقت الان » 01:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd